2 Piɛri 3:10 - Kazambale lé Sebe Sauunu 1979

¹⁰ Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.

2 Piɛri 3:10 ပူးပေါင်းရင်းမြစ်များ

Lɛrɛvɔ Sɛbɛ 102:26

Bii ɛ tɛrɛ kɛlɛ é kyɛn, Yé lagi a i bɛ panyanama nya.

Lɛrɛvɔ Sɛbɛ 46:6

Kazambale a yee fla méléna; a ma ’ka nyɔɔnma lo; Bale é bɔle sian a va bladi tukini gunu nya.

Lɛrɛvɔ Sɛbɛ 97:5

Gɔblɛnnu ’yi éé boo bélé yilinyɔnɔ zo Gakelebale ’lɛ, Tɛrɛ faazan ’lɛ.

Ézai 2:12

Naa, yi do ana lai sunyanu lé Gakelebale zé nya, ’bɛ yi la é dan nwa lɛ boblɛnzannu faa valé mi gini é yuɛzuozannu ma, yé miomian ébo kɛlɛ blɛn, Bale é dan nwa lɛ ’bɛzan ma, a tuale we gi.

Ézai 24:19

Tɛrɛ faa; tɛrɛ ’wii; tɛrɛ vɔ dada;

Ézai 34:4

Lai sunyanu faa kini ékema; lanu plin bélé saa zo, yé wolé sunyanu faa dia bélé dɔrɔlaa zo, bélé bɔrɔyili laa zo.

Ézai 51:6

’Ka yuɛ vɔ la gi, ’ka tɛrɛ va gini. Naa, lanu ta é dan saan lɛ bélé kyɛgoi zo, Tɛrɛ é dan dia lɛ é kuru nya bélé sɔ zo, A tamunu é dan zamaga wo lɛ bélé nyɔnɔtoro zo; Naa, anlé mi sile we gi é dan vo lɛ ana lɛɛfaama, Yé anlé wetegele nyaana ’ka lo.

Joɛl 1:15

Aa, mɛ zoɛ bléyi ɛ bɔ ’koo? Naa, Gakelebale lé yi bɔ é pu. É dan bélé wenaané blɛn lé Plɛplɛfaazan a pa zia, a zo.

Joɛl 2:1

’Ka béli fɛn Siɔn; A dére zuogi ’é we anlé gɔ plɛplɛ nwiin ma. Tɛrɛlamunu faa ma ’é nyɔɔn ma. Naa, Gakelebale lé yi a dana; naa, é bɔ é pu.

Joɛl 2:31

Yiri é dan nɔla lɛ gunu nya, Yé moné é dan nɔla lɛ nyɛ nya, Gakelebale lé yi bɔle ’lɛ, Yi blɛn lé éé di kinié mi gi, yee lé.

Joɛl 3:14

Mi gu blɛn lé. Mi wuru é wuru gu blɛn lé. Wa gɔworona lé wa laama weblena, ana; Naa, Gakelebale lé yi bɔ é pu Weblena gɔ worona.

Amɔs 9:13

Gakelebale léma: Ka ye, a yinu é dan bɔ lɛ, Yé fɛ gyɛle tɔɔn, féipazan é dan féi pa lɛ; Dɔrɔyi borole tɔɔn, wo dan fɛ vɔ lɛ. Dɔrɔ dɛrɛ é dan kɛlɛ lɛ di bélé ’yi lé éé yoroan gɔnu nwiin, ’Té éé yoroan gɔpanénu faa nwiin, a zo.

Amɔs 9:5

Mizan lai sunyanu lé Gakelebale éé bɛ manean tɛrɛ ma yé a ma éé nyɔɔn‐an, ’Té a tamunu faa éé gyɛ boo; Tɛrɛ faa é dan nwa lɛ bélé yuu fanle zo, Yé é dan zun lɛ bélé Éjipiti yuu bélile zo.

Misé 1:4

Gɔnu ’yi a bona a wuo, ’Té gɔ woronanu lɛ éé soo a wuo, Bélé kyɛ éé wele ’yiboo fɛan zo, a zo, Bélé ’yi éé yoroan gɔ zunna fɛan zo, a zo.

Naum 1:5

Gɔnu ma éé nyɔɔn‐an a ’lɛ, Gɔpanénu ’yi éé boo, Tɛrɛ éé wuo vɔa a yuɛ va, Tɛrɛ valé é ta munu nya.

Malasi 4:5

Ka ye, maa dan balelayezan Éli pa lɛ ka lɛ zia Gakelebale lé kana?-?mayi blɛn bɔle ’lɛ.

Matio 24:35

La valé tɛrɛ é dan gié lɛ, naa, an dérenu ’ka dan gié lɛ monomono lo.

Maak 13:31

La valé tɛrɛ é dan gié lɛ, naa, an dérenu ’ka dan gié lɛ monomono lo.

WENÉNÉ LÉ LUK A GYE (Évangile selon Luc) 12:39

’Ka we ’ko gi dɔɔ é zima ma, dé é kɛlɛ léé, kɔnzan kyeenwozan dabléyi dɔɔ, ’té é dan vo lɛ é yuɛma yé é ’ka dan a nyi si lɛ léé, ’wo wɔra élé kɔn gi lo.

Rom munu 8:20

Gun a Kazambale kɛlɛfɛnu faa ma, wobozen pai kaan lo, Kazambale lé blibɔmawe lé.

1 Korent munu 1:8

Yé é dan ka dɔ lɛ gligli fɔɔ yé ka bɔ a ’wuoplana, té gun é kɛlɛ ka ma Kaazan Jézu Krist dayi nya lo we ma.

1 Korent munu 5:5

mian é ’bɛ zo we kɛlɛ, é a lé ’wo ’bɛzan nɔ Satan lɛ, a kɔlɛ sɛrɛle we gi, a léli sile we gi we ma Mizan Jézu dayi nya.

2 Korɛnt Munu 1:14

Bléyi ’ko va ka ko dɔɔ sɛ, naa, an bli a a lɛ léé, ka dan a gi dɔɔ lɛ tegele léé, Kaazan Jézu Krist lé yi la, ka dan kɛlɛ lɛ ko tɔzinfémazannu nya fɛan zo, a zo duo lé ko dan kɛlɛ lɛ ka tɔzinfémazannu nya.

1 Tɛsalɔnik munu 5:2

Kabozen a gi dɔɔ é zima léé, Mizan dayi é dan bɔ lɛ bélé kyeenwozan zo é béli.

1 Tɛsalɔnik munu 5:4

Naa, bwenu, ka ’ka gunutinu va yé ’bɛ yi ’ko é bɔ ka ma fiaa bélé kyeenwozan dale zo lo.

2 Piɛri 3:11

Fɛ ’konu ’yi bole lé we ma, é ’ka lé ka kɛlɛ sauun valé Bale lé zisɔlɛmunu nya ka giébɛ gi loo?

2 Piɛri 3:12

’Ka Kazambale lé yi bɔle lɛbɛn yé ’ka we kɛla fɛan zo yé a yi é bɔ é kele, ’ka kɛlɛ. Yi ’ko lé we ma lé la kyɛ é dan bi lɛ yé a ’yi é dan bo lɛ yé fɛnu faa lé Bale a kɛlɛ é wɔlɛnu nya, wo dan sele lɛ.

2 Piɛri 3:7

yee dére duo nya lé lanu valé tɛrɛ lé é ke ana lao, Bale é yuɛ pa wo va yé é wo tadɔ wo kyɛblele we ma, yian nya lé Bale é dan munu lé we ble lɛ yé é Bale lé zi ma wenyané fezannu guru zana a gi, a yi nya. Wo gi san we ’konu ma wobo yuɛ va.

SEBE LÉ JUD A GYE (Épitre de Jude) 1:6

Lanjenu lé we sele ’é dɔ ka gi é ziin; wo ’ka dɔ lɛ ’wo dɔna lo, yé wo sɔn vɔ ’wobozen nyanana ma yé Kazambale wo yere gɔgɔbalenu lé wo ’ka kinié monomono lo, wo nya, yé é wo tadɔ gunuti tiritirinu va, alé wolé we blele we gi yi blɛn nya. Yee kaan loo?

Wegɔɔnle 16:15

Bé ye, maa dan bélé kyeenzan zo. Mi lé é vo é yuɛma, ’té éé yuɛ paan élé sɔ ta léé, té é tawo é porole yé yara ’é gyɛ ’bɛ we ma lo, ’bɛzan zé a néné.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Wegɔɔnle 21:1

A zuo maa la dɛrɛ valé tɛrɛ dɛrɛ ye, naa, la vinin valé tɛrɛ vinin san, yé wɛyi ’ka ana é dɛrɛ lo.

Wegɔɔnle 3:3

Amalé wean wa fe i lɛ yé bé ’ma, a sele ’é dɔ i gi ma, yé bé kɛlɛ, yé ’i bli nɔla. Dé i ’ka voo é yuɛma lo, maa dan da lɛ bélé kyeenwozan zo, yé bléyian va lé maa dan bɔra lɛ i ma fiaa i ’ka dan a gi dɔɔ lɛ lo.

Wegɔɔnle 6:14

La go, bélé sɛbɛ lé wo ke a plinna, a zo; yé gɔnu faa valé wɛyi worona tɛrɛnu si ’wo dɔna.