2 Piɛri 2:20 - Kazambale lé Sebe Sauunu 1979

²⁰ Dé tɛrɛlawe tiridɔlenu si munu lee Mizan, mi Bélizan Jézu Krist dɔɔle we ma, ’bɛ zuo dé wo ’bɛnu sia é ziin yé ’bɛnu wo kele, wo vobɛ voéla a naané é mini a vininzan ta.

2 Piɛri 2:20 ပူးပေါင်းရင်းမြစ်များ

Ézékiɛl 33:13

Dé maa fe mi tegele lɛ léé: I dan béli lɛ, dé é dɔ ébo kɛlɛwe tegele ta yé é weple kɛlɛ, an gi é dan san lɛ a kɛlɛwe tegele faa ma, yé é dan ga le weple lé é a kɛlɛ, a we ma.

Lévinu 13:20

Yé Balebanzan é dan a ma gini lɛ. Dé a sonné boro pa, yé a gi kyɛɛ kɛlɛ fu, Balebanzan é dan a fe lɛ léé, a tiri dɔ; ’té pantɛn ɛ bɔra a manɔn pɔlɛ gi bɛ.

Lévinu 13:55

A zurule zuo, Balebanzan é dan a nagini lɛ. Dé gyɛ ’ko vo é dɔbɛ duo gi yé a gi ’ka gyɛ lɛ lo, ’té a tiri a; wo dan a kyɛ ble lɛ; gyɛ ’ko a ble a yuɛɛ zin valé a yuɛɛ nyané ta.

Lévinu 14:43

Dé wo gɔlɛnu si, dé wo kɔn ma kaan yé wa guru ma wo faa, ’bɛ zuo dé gyɛ da é ziin yé é bɔra kɔn ’ko ma,

Mi Nɔnɔle 24:20

Balaam Amalɛk ye. É balelawe fe, yé é léé: Amalɛk a bɛn vininzan nya, Naa, é voéla a kulu é dan ga lɛ.

Bélidɔwesɛbɛ Fiézan 32:29

Dé é a lé wo we dɔɔ, ’té we lé wa ’ma, yee lé ke ’ko: Yé ’té wo gi bɔrɔan we lé é dan bɔ lɛ wo ma, a lɛ.

Filip munu 3:19

Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan.

2 Timoté 2:4

Sunya ’ka vɔɔma tɛrɛlawenu gi lo, ’té dé é sɔ a lɛ léé, élé we é sɔ é nwiinzan lɛ.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.

2 Piɛri 1:11

’Ko zo lé Bale é dan a nyi si lɛ é bli faa nya léé, ka wɔra Kaazan, kaa Bélizan Jézu Krist lé fuatɛrɛ lé é ’ka nyaan lo, a ta.

2 Piɛri 1:2

Zin valé vole drɔɔ gi ’é gyɛ ka ta Kazambale valé Kaazan Jézu dɔɔle nya ma.

2 Piɛri 1:3

Fɛnu faa lé wo bɔa kaa va kaalé tɛrɛla valé Bale lé zi ta tawole gi, Bale lé plɛplɛ ɛ wo nɔ kaa lɛ blɛ nya, yé yee Bale lé plɛplɛ lé we ma lé, mi lé é kaa laa ébo lé fua tɔbɔle valé élé wezin nya, yé kaa a dɔɔ.

2 Piɛri 1:4

Alé fuasan valé alé wezin ma lé Bale blivolɛdére wezannu blɛɛn fe kaa lɛ, yé wo yele ma lé we vɔnle lé é ke tɛrɛ la, blibɔle fɛnu ma we ma, yé ka bɔ sole lɛ ’bɛnu lee yé Bale dɔbɛ é vɔ ka lee.

2 Piɛri 1:8

Naa, dé we ’konu a ka bli gi yé wo fan ana, ka ’ka kɛla boazannu valé mimagalenu nya Kaazan Jézu Krist dɔɔle gi lo.

2 Piɛri 2:18

Boawe blɛn kiɛre fele nya lé munu lé wo si lao mi sanlenu lé zi ta, woo wo sian ana mi dɔbɛ kyɛn sɔlɛwe valé pɛnpɛnnégyɛwenu nya;

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.