2 Piɛri 2:2 - Kazambale lé Sebe Sauunu 1979

² Mi kiɛre é dan go lɛ wo zuo wolé zi sɛrɛle ta yé webozen zi tɔ é dan sɛrɛ lɛ wolé we ma.

2 Piɛri 2:2 ပူးပေါင်းရင်းမြစ်များ

Wepélisiananu 19:5

Wo Lɔt laa, yé wo lé a lɛ léé: Munu lé wo wɔra ilé kɔn gi kyɔ nyanadi, wa kyɛɛn? ’I wo bɔra ko lɛ ’ko, yé ko wo dɔɔ gɔné nya.

Lɛrɛvɔ Sɛbɛ 18:21

Gakelebale anzé kɛlɛ anlé wedrɔle yɛrama, É zin kɛlɛ an lɛ an bɛ gibɔle yɛrama.

Ézai 35:8

Wo dan zi do pla lɛ ana gbéin nya; Zi ’ko, wo dan a laa lɛ Bale lé zi tinle. Mi tiridɔle do kpen ’ka dan gié lɛ ana lo; é dan kɛlɛ lɛ wo saa zé nya; Munu lé wo ke tawona zi ’ko ta, dé wa ’tugyɛzan boen nyaoo, wo ’ka dan saan lɛ a ’léé lo.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Matio 22:16

Farizimunu ’wozé munu valé Érɔd zuo munu nwunvɔ a va yé ’bɛnu lé a lɛ léé: Kozan, ko a gi dɔɔ léé, i wezen fé yé i Kazambale lé zi ta tawole paan munu gi webozen yɛrama; mi bɛnu lé we ’ka i yuɛ gi bɔa lo, yé i ’ka mi naginian é kɔlɛ ma lo.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 7:14

Naa, zi lé éé goo mi bélina, a ’léé a kiéné yé a laala a prɔɔné yé mi kiɛre ’ka a yé lo.

Maak 12:14

Yé wo da yé wo lé a lɛ léé: Kozan, ko a gi dɔɔ léé, i wezen fé, yé mi bɛnu lé we ’ka i yuɛ gi bɔa lo, yé i ’ka mi ginian é kɔlɛ ma lo, yé i Kazambale lé zi gɔɔn‐an munu lɛ webozen yɛrama. A se a munu lɛ léé, wo gɔɔli banwo Sézaa lɛ laa? té wa banwo loo? É a lé ko a banwo laa? té ko a banwo loo?

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

Kelewenu 13:10

Dabli gɔnɔ faa kɛlɛ gɔné, misaangɔné, yosɔlɛgɔné, we tegelenu faa nyanézan. I ’ka dan daan lɛ Mizambale lé we tegelenu gi sɛrɛle ma loo?

Kelewenu 14:2

Juifi mi kenu lé wo bli ’ka we ’ko lɛ lo, wo bɛn bɛnu bli nwa léé, ’wo wenyané kɛlɛ bwenu lɛ.

Kelewenu 16:17

É gole sia ko valé Pɔl zuo, ’té éé siaan léé: Munu ’ko a Loruzan Bale wuomunu nya, yé wa misiéwegi zi gɔɔna ka lɛ.

Kelewenu 18:26

É wefele pélisia Jézu lé we nya bazorokɔn gi munu faa yuɛ va. Akilas valé Prisil a dére ’ma aan wo, wa si yé wo go a nya ’wo va, yé wa bɔn gi taa kini tegele Kazambale lé we nya.

Kelewenu 19:9

Naa, wo va mi kenu bli vo plɛplɛ, yé wo ’ka dɔ lɛ a ta lo. Yé wo vo Mizan lé zi ma we lɛrɛlɛrɛ fena mi faa yuɛ va, amalé é si wo va yé é zuomunu si wo va. Yé é vo we paana ’bɛnu gi yi faa do do ma Tiranus lé lɛkɔlu la.

Kelewenu 22:4

Munu lé wo ke tawona yee Jézu zuo zi dɛrɛ ’ko ta, an nyané pa wo ta fɔɔ yé wo ga. Gɔnénu koo, lomu koo, an gɔgɔbale vɔ wo ma yé an wo vɔ bokɔn gi.

Kelewenu 24:14

Maa fe i lɛ webozen nya, maa an tranu lé Bale bɔa, zi dɛrɛ lé wa tamunu laama palu do, a yɛrama. Yé we faa lé é ke é gyɛle bélidɔwe sɛbɛ gi, é valé balelayemunu lé sɛbɛnu gi, maa a é dɔle ’bɛnu ɛ ta.

Rom munu 2:24

Naa, woo Kazambale tɔ sɔnɔan bɛn bɛnu méléna kalé we ma, fɛan zo lé é a é gyɛle sɛbɛ gi, a zo.

1 Timoté 5:14

Bɛwemalé é sɔ an lɛ léé, gyɛzaralomu lé wo yara ’ka tan kini lɛ lo, ’wo bo si, ’wo né yaa, ’wo ’wolé kɔngiwenu yuɛ gi bo, té wo dɔna nɔ mi nyanézan yo lɛ yé é mi tɔ sɛrɛ lo.

Tite 2:5

’wo kɛlɛ ’wuotazannu nya, ’wo yuɛ pa ’wobo va é zima, ’wo ’wolé kɔn gi nyanama pa, ’wo kɛlɛ le zinnu nya, ’wo pla ’wo zananu wuo. Lomu segelenu a paa wo gi léé, ’wo ’bɛ faa kɛlɛ, té munu é Kazambale dére sɔnɔ lo we gi.

Tite 2:8

’I we fe dére zimanu lé munu ’ka bɔa a za vɔle lɛ lo, wo nya, yé mi nyanézan ’ka bɔa wenyané do kpen fele lɛ kaa ma lo, yé yara a gyɛ.

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

2 Piɛri 2:12

Naa, wo lé wo ke bélé winu lé wo ’ka wo gi bɔrɔan lo, ’té Bale wo bɔra munu lé wo kunle yé wo wo gyɛ we ma bɛ, wo zo, wenu lé wo ’ka wo dɔɔa lo, woo wo sɔnɔan wo tanyila. Wo dan ga lɛ winu gabɛ gi.

2 Piɛri 2:15

Wo si zi tegele ta yé wo ’wobo san. Béɔɔ be Balaam lé, weple ban sɔ a lɛ, wo go ’bɛ lé zi ta;

2 Piɛri 2:18

Boawe blɛn kiɛre fele nya lé munu lé wo si lao mi sanlenu lé zi ta, woo wo sian ana mi dɔbɛ kyɛn sɔlɛwe valé pɛnpɛnnégyɛwenu nya;

2 Piɛri 2:21

Naa, dé wo ’ka kɔɔn zi tegele dɔɔ lɛ lo, ’bɛ fila vɔ; dé ’bɛ kaan lo, dé wa dɔɔ faa yé wo sɔn vɔ bélidɔwe ’lɛzan lé wa nɔ wo lɛ bɛ, a ma, ’bɛ a tɔntɔn.

2 Piɛri 2:7

Yé mi tegele Lɔt lé, ’bɛ bli kyɛ ke é dɔle é baba mi lɛrɛlɛrɛnu lé giébɛ naanénaané ma bɛ, Bale ’bɛ si we gi;

SEBE LÉ JUD A GYE (Épitre de Jude) 1:10

Naa, munu ’ko, wozé a é yɛrama. We lé wo ’ka a gi dɔɔa lo, yee lé woo a ma we fé sɔnɔdére nya, yé we lé wa dɔɔ woboan bélé winu lé wedɔɔle zo, wo ’wobo sɛra a gi.

SEBE LÉ JUD A GYE (Épitre de Jude) 1:15

mi faa lé we blele we ma, yé Bale lé zi ma wenyanénu faa lé Bale lé zi ma wenyané fezannu a kɛlɛ, é valé dére naanénu faa lé wa fe Bale ma, yé é a zuo laa yee Bale lé zi ma wenyané fezannu lee.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:14

Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.