2 Piɛri 2:1 - Kazambale lé Sebe Sauunu 1979

¹ Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.

2 Piɛri 2:1 ပူးပေါင်းရင်းမြစ်များ

1 Minwiinzannu 22:6

Izraɛl nwiinzan blɛn balelayemunu zén ékeva, wo mi wuru fié bɔa, yé é lé wo lɛ léé: An go guli dan Ramɔt lé ke Galaad tɛrɛ la, a va, taa, é a lé an sɔn vɔ a maa? Yé wa zi pa léé: ’I go, Mizan é dan a pa lɛ minwiinzan blɛn lee.

Fwile 15:16

Kanale valé di kinile é dan bɔ lɛ wo ma fiaa; I bɛ lé plɛplɛ lé we ma lé Wo dan kinin lɛ bobogyɛzannu nya bélé gɔlɛ zo, Fɔɔ yé ilé munu é gié, oo, Gakelebale, Fɔɔ yé ilé munu lé i wo ye izé nya, Yé wo gié.

Ézai 9:15

Munu ’ko lé zigɔɔnzannu ’wo saan, yé munu lé wo yee zi gɔɔnle ’wo lɛ nyi si, wo saan.

Jérémi 29:21

Kolaja be Akab valé Maaséja be Sédésias lé woo balelawe fé ka lɛ vié nya Bale tɔ gi, lai sunyanu lé Gakelebale, Izraɛl lé Bale we fe wo ma yé é léma: Ka ye, maa wo pa Babilɔn nwiinzan blɛn Nébukanɛsaa lee, yé é dan wo gyɛ lɛ ka yuɛ va.

Jérémi 37:19

Yé balelayezannu lé wo balelawe fe ka lɛ léé, Babilɔn nwiinzan blɛn ’ka dan da lɛ ka valé kalé tɛrɛ ma lo, wa kyɛɛn?

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi Lé Wuvɔ Sɛbɛ 2:14

Kalé balelayezannu lé balelayele a boawe valé vié nya, Wo ’ka ilé weple bɔra lɛ Léé, té ka go luu gi lo lo. Wenu lé wa gɔɔn ka lɛ wa viéwenu valé dabliwe nya.

OZÉ (Osée) 9:8

Éfraim munu nwa anlé Bale ma; yé wo mianékunséli vɔ balelayezan lee zi faa ’léé, yé wa za pa alé Bale lé kɔn gi.

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 3:5

Balelayezannu lé woo anlé munu saan, maa Gakelebale wo ma we fe léé: Wo lé, dé fɛ a wo lee yé wo vole drɔɔ we fe, yé dé munu ’ka fɛ no wo lɛ lo, yé wo guli lɛ kini bɛ, woo lé.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Matio 10:33

naa, mian éé an tɔ yɔɔan munu va, maa dan ’bɛzan tɔ yɔɔ lɛ é ziin, an Ti lé é ke la gi, a va.

Matio 24:11

Viébalelayezannu kiɛre é dan nwa lɛ, yé wo dan munu kiɛre saan lɛ.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 24:5

Naa, mi kiɛre é dan da lɛ an tɔ gi, ’té wa fé léé, ’wo ɛ ke Krist nya. Wo dan mi kiɛre saan lɛ.

Matio 7:15

’Ka yuɛ pa kabo va viébalelayemunu lé we ma. Woo dan ka va bélé ’blanu zo, naa, wo bli a wo gi bélé lɔrɔgyɛ glau zo.

Maak 13:22

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

WENÉNÉ LÉ LUK A GYE (Évangile selon Luc) 12:9

naa, mi lé é an tɔ yɔɔan munu va, maa dan ’bɛzan tɔ yɔɔ lɛ Kazambale lé lanjenu va.

WENÉNÉ LÉ LUK A GYE (Évangile selon Luc) 21:8

Yé Jézu léé: ’Ka yuɛ pa kabozen va, té wo ka saan lo we gi. Naa, mi kiɛre é dan da lɛ an tɔ gi ’té wa fé léé, ’wo ɛ ke Krist nya; a bléyi bɔ. Té ka go ’bɛnu zuo lo.

WENÉNÉ LÉ LUK A GYE (Évangile selon Luc) 6:26

Dé munu faa ka ma we zin fe, ’té wenaané ɛ kɛlɛ ka lɛ bɛ, naa, ’bɛ zo lé wo tranu a kɛlɛ viébalelayemunu lɛ.

Rom munu 16:18

Naa, mi ’ko zoɛnu ’ka Kaazan Krist wuozannu nya monomono lo, naa, wa ’wobo bun‐an wuozannu nya, ’té woo mi tɔɔtɔɔnu bli sɛra dére nénénu valé dabli dérenu nya.

1 Korent munu 11:19

Yé é a lé ka gi é bɔi, yé ’bɛ nya lé munu é dan mi zinnu dɔɔ lɛ.

1 Korent munu 6:20

Wo ka lɔ fɛwezan blɛn nya. Bɛwemalé ’ka Kazambale tɔ bɔ ka kɔlɛ valé ka léli nya.

1 Korent munu 7:23

Wo ka lɔ fɛwezan nya. Té ka kɛlɛ munu lé luu nya lo.

Galasi munu 2:4

naa, maa a kɛlɛ viébwenu lé wo da kyeen gi yé wo wɔra ko worona bɛ, wolé we ma. Ko vole koboma lé ko a ye Jézu Krist gi, wo da a mavɔɔle we gi, ko kɛlɛle luu nya é ziin we ma.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

Galasi munu 4:17

Mi kenu éé ka ze vɔa, naa, wo ’ka a kɛla ’wo bli tegele nya lo. É sɔ wo lɛ léé, wo ka si ko zuo, ka gole ’wo zuo we ma.

Galasi munu 5:20

miyili banle koo, zɔɔ tanle koo, nyanézan kɛlɛle koo, zɔdɔle koo, maawole koo, zapale koo, zavɔle koo, kan kinile koo,

Éfez munu 1:7

Jézu nya lé é kaa tabo, ’bɛ gi léé, a nyɛ nya, yé Bale kaa ma we vo kaalé wenyanénu ma.

Éfez munu 4:14

Amalé té kaa kɛlɛ nénu zo é dɛrɛ lo; té kaa bli é kɛlɛ we faa lɛ lo; té kaa go wepaale faa zuo lo; té mi tablezannu é kaa saan wolé dabli kɛlɛle valé wolé suyɛn dére nya lo;

Bélidɔwesɛbɛ Fiézan 32:6

’Tugyɛzannu lé ka ’ka we dɔɔa lo, ’Bɛ zo lé ka we lɛgi paan Gakelebale maa? Ka ti kaan loo? Ka Kɛlɛzan kaan loo? Yeean é ka ’lɛrɛ loo? Yeean é ka dɔ plɛplɛ loo?

Filip munu 3:19

Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan.

Kolɔs munu 2:18

Munu lé ’wobo kɛlɛ kiéné mi yuɛ va, ’té woo lanjenu bɔa, té ’wo kalé za kɛlɛle ma ban so ka lee ’wolé blibɔmawe nya lo. ’Bɛ zo mi é ébo no élé yuɛziwenu lɛ, é fan boblɛn nya é pla é dɔbɛ kyɛn lé gibɔrɔle we ma.

Kolɔs munu 2:8

’Ka yuɛ pa kabozen va, té migi?-?vuruzan do é ka saan élé gikinidérenu lé woo sié gɔnɔlawe valé tɛrɛlawe va, ’té é ’ka sié Krist lé we paale va lo bɛ, wo nya lo.

1 Timoté 5:8

Dé mian é ’ka é gɔnɔlamunu mawe kɛla lo, dé é ’ka élé kɔngimunu zé kɛla yé é mini mi bɛnu zé ta lo, ’té éé sɔn vɔa Bale lé we ma, ’té alé we naané mini yolémunu zé ta.

2 Timoté 4:3

Naa, bléyi do é dan bɔ lɛ yé munu ’ka dan a nyi si lɛ léé, wo we tegele paa ’wo gi lo. Wo dan go lɛ ’wo sɔlɛwe zuo, yé wo dan mi kiɛre kiɛre si lɛ we paa ’wogizannu nya, wo sɔlɛ wenéné fele wo lɛ we gi.

Tite 1:11

É a lé i mi ’konu lɔlu ga. We lé é ’ka tegele lo, wa paana munu gi gɔɔli yele we ma, yé wa mi gɔnɔ kiɛre ’wuo sɛrɛna.

Tite 3:10

Mi lé éé munu kinié ékema, dé i we pla a lɛ gɔnɔ do valé gɔnɔ fié, ’i kan kini a ma.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

1 Piɛri 1:8

Ka ’ka tan Jézu ye lɛ lo, yé é sɔ ka lɛ duowo; ka bli a a lɛ, dɔlé ’té ka ’ka tan a ye lɛ lo, yé ka gi a é nanale, gi nanale blɛn lé a gifedére ’ka lo, ’té é gié é glɛ la, a nya,

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.

1 Jan 2:26

Maa we ’konu gyɛ ka lɛ ka ’wuo?-?sɛrɛzannu lé we ma.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.

SEBE LÉ JUD A GYE (Épitre de Jude) 1:18

Wo lé ka lɛ léé, bléyi voéla gi, mi ma we nana munu lé, woo tawoo ’wobo lé sɔlɛwe yɛrama, ’té woo Bale lé zi ma wenyané fé, wo dan kɛlɛ lɛ ana.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.

Wegɔɔnle 13:14

Yé é tɛrɛlamunu saan, we blɛnblɛnnu lé wa se kɛlɛ a lɛ léé, ’é wo kɛlɛ wi yuɛ va, wo nya, yé é lé tɛrɛlamunu lɛ léé, ’wo miyili nyaa, wi lé wa tuo gwɔun nya yé é vo é yuɛma, a dɔbɛ zo.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 2:9

Maa ilé kleblele valé nyané lé i gyɛle dɔɔ, naa, i a fua nya duowo. Munu lé wo ’wobo laan Juifinu, ’té wo ’ka a nya lo, ’té wo ke Satan lé zén‐ékevamunu nya bɛ, maa gi dɔɔ léé, wa i tɔ sɛrɛna.

Wegɔɔnle 3:8

Maa i kɛlɛwenu dɔɔ. Bé ye, plɛplɛ kiéné a i lee, i tawo an dére ta, yé i ’ka an tɔ yɔɔ lɛ lo, amalé an zi lɛ so i lɛ, yé mi do kpen ’ka bɔa a lɛ tanle lɛ lo.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;

Wegɔɔnle 6:10

Wo siaa dére plɛplɛ nya yé wo léé: Mizan bozen sauun, i a mɔnna; bléyi kyɛn nya lé i dan munu lé we ble lɛ yé i ko nyɛ lɛgi pa tɛrɛlamunu maa?