2 Piɛri 1:8 - Kazambale lé Sebe Sauunu 1979

⁸ Naa, dé we ’konu a ka bli gi yé wo fan ana, ka ’ka kɛla boazannu valé mimagalenu nya Kaazan Jézu Krist dɔɔle gi lo.

2 Piɛri 1:8 ပူးပေါင်းရင်းမြစ်များ

Wegɔnévɔlenu 19:15

Kun‐anwole éé mi gya yi nya, yé lɔrɔ é dan mi yowuliné gyɛ lɛ.

Matio 13:22

A wɔlɛ lé é dia lélinu va, ’bɛ a mi lé éé Bale dére maan, a nya; naa, tɛrɛla gibɔrɔpalenu valé dabli lé, fuafɛnu a kɛla munu lɛ, woo dére ’ko tunuan yé a ma tɔnɔ ’ka kɛla lo.

Matio 20:3

É bɔra é ziin bladi yiri plɛplɛ nya yé é mi bɛnu ye é dɔle vuun la é pla.

Matio 20:6

É bɔra é nyanadi yiri zɔrɔ nya, yé é mi bɛnu ye é dɔle vuun la é ziin yé é lé wo lɛ léé: Mɛmalé ka dɔ ’ko bladi fɔɔ yé nyanadi pa a zo yé ka ’ka we do kɛlɛna loo?

Matio 25:26

Azan a zi pa a lɛ léé: An wuozan naané, kun‐anwozan, bé gi dɔɔ léé, maa fɛ gya fɛana lé an ’ka fɛ vɔ lɛ lo, ana, yé fɛana lé an ’ka ’sa sunwo lɛ lo, ana lé maa ’sawɔlɛ sian.

WENÉNÉ LE JAN A GYE (Évangile selon Jean) 15:2

An bɛ faa lé wo ke an ma yé wo ’ka baan lo, éé wo kinié an ma, yé an bɛnu faa lé woo baan éé wo ma bɔié yé wo va ’é kɛlɛ é sésé, wo taa baale é ziin wo ma we gi.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

WENÉNÉ LE JAN A GYE (Évangile selon Jean) 5:42

Naa, maa ka dɔɔ: maa a gi dɔɔ léé, Kazambale ’ka sɔ lɛ ka lɛ lo.

Rom munu 12:11

’Ka ta ’é kɛlɛ kelekele; té ka kun‐an?-?wo lo. Ka fuu ’é dɔ ka ta ma. ’Ka Mizan mawe kɛlɛ.

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

2 Korɛnt Munu 13:5

’Ka kabozen nagini, dé ka a blipale gii? ’Ka kabo gi dan. Ka ’ka a gi dɔɔa léé, Jézu Krist a ka gi loo? Taa, ka a munu lé wo sɔn vɔ wo ma, wo nyaa?

2 Korɛnt Munu 8:2

Nyanénu lé wa ble, é wo gi dan é baba; naa, duowo, wo gi nana yé é gié é glɛ la, ’té woo blɛ kɛla mi kiɛre lɛ dɔlé ’té nyané wobozen gyɛ.

2 Korɛnt Munu 8:7

Ka bli a é pale, ka Bale dére fé é zima, ka we dɔɔ, ka we kɛla ka fuu nya ka ta, ko va sɔlɛle a ka gi blɛn, amalé we kɛlɛle zin ’ko, é a lé ka tɔ é bɔ ’bɛ gi é ziin.

2 Korɛnt Munu 9:14

Munu é dan a gi dɔɔ lɛ léé, Kazambale zin kiɛre kɛlɛ ka lɛ, yé ka lɔrɔ é dan wo gyɛ lɛ yé wo dan bazoro lɛ kalé we ma.

Filip munu 1:9

Yé wean maa a ma laan kazé nya, yee lé é ke léé, kalé sɔlɛle gi ’é go gyɛle nya, wedɔɔle valé gikinile gɔnɔ faa nya,

Filip munu 2:5

Bli lé é ke Jézu Krist gi, ’é kɛlɛ ka gi ma.

Filip munu 3:8

Anzan Jézu Krist dɔɔle bozen lé we ma lé an fɛnu faa yé boafɛnu nya. É sɔ an lɛ léé, ’an Krist ye anzé nya yé an kɛlɛ a gi, aléwemalé an bli si fɛnu faa lɛ yé wa an yuɛ gi bélé bli zo.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

Kolɔs munu 2:7

ka suni ’é wɔra, ’ka tin a gi blɛn, ’ka dɔ gligli blipale gi, wenu lé wa pla ka lɛ, a yɛrama, yé ’ka Bale bɔ vɔ kiɛre.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

1 Tɛsalɔnik munu 3:12

Mizan Jézu ’é ka sɔle ka ke lɛ valé munu faa sɔle ka lɛ gi gyɛ, yé é gié é glɛ ta, bélé fɛan zo lé ka sɔ ko lɛ, a zo.

1 Tɛsalɔnik munu 4:1

É ziin, bwenu, é a lé kalé tawogane é kɛlɛ fɛan zo yé kalé we é sɔ Kazambale lɛ, ko a fe ka lɛ. Yé ka a tawona ko dére ta. Ko a zanté vɔna ka lɛ, ’té ko we plaan ka lɛ Mizan Jézu tɔ nya léé, ’ka a kɛlɛle gi gyɛ.

2 Tɛsalɔnik munu 1:3

Bwenu, kalé blipale gi a gyɛna, yé ka sɔle ka ke lɛ gi a gyɛna, bɛwemalé é a lé ko Kazambale bɔ vɔ kalé we ma bléyi faa ma. ’Bɛ a we tegele nya.

1 Timoté 5:13

Yé é ziin, dé wa é pla tɔɔn, ’té wo kun gole ma kɔnnu gi nuu. ’Bɛ ta loru, woo we faa ’wuo kunwo kwɛkwɛ ’té wa sɔɔlaan, ’té woo goo vɔle nya mi bɛnu lé we gi, yé we lé é ’ka lé wa fe lo, ’té wa fé.

Tite 3:14

Yé é a lé ko we paa kolé munu gi léé, ’wo wezin kɛlɛ, fɛnu lé munu mawe ke wo gi é kele bɛ, a nɔle wo lɛ we ma, té wo kɛlɛ munu lé wo ’ka tɔnɔ yé lo, wo nya lo.

Filémɔn 1:6

Maa a laana Kazambale lee léé, wezin faa lé ke kaazé nya Krist gi, kaa nanale ékeva Bale lé we gi we ma lé, munu a gi dɔɔ.

Ébrunu 6:12

É sɔ ko lɛ léé, té ka yuɛ gi é blan lo, naa, munu lé wo ke blivolɛdére lɛsɔɔle yena, blipale valé yarapalale nya, ’ka kɛlɛ bélé wo zo.

2 Piɛri 1:2

Zin valé vole drɔɔ gi ’é gyɛ ka ta Kazambale valé Kaazan Jézu dɔɔle nya ma.

2 Piɛri 1:3

Fɛnu faa lé wo bɔa kaa va kaalé tɛrɛla valé Bale lé zi ta tawole gi, Bale lé plɛplɛ ɛ wo nɔ kaa lɛ blɛ nya, yé yee Bale lé plɛplɛ lé we ma lé, mi lé é kaa laa ébo lé fua tɔbɔle valé élé wezin nya, yé kaa a dɔɔ.

2 Piɛri 2:20

Dé tɛrɛlawe tiridɔlenu si munu lee Mizan, mi Bélizan Jézu Krist dɔɔle we ma, ’bɛ zuo dé wo ’bɛnu sia é ziin yé ’bɛnu wo kele, wo vobɛ voéla a naané é mini a vininzan ta.

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.