2 Piɛri 1:6 - Kazambale lé Sebe Sauunu 1979

⁶ yé ’kabo kunle pa wedɔɔle va, yé ’ka bli tiéé pa kabo kunle va, yé ’ka Bale lé zi sɔle ka lɛ pa bli tiéé va,

2 Piɛri 1:6 ပူးပေါင်းရင်းမြစ်များ

Wepélisiananu 5:24

Énɔk tawo Bale va, yé Bale a si, bɛwemalé wo ’ka a ye lɛ lo.

Lɛrɛvɔ Sɛbɛ 37:7

’I nyana drɔɔ Gakelebale ’lɛ, yé i bli ’é vo a lɛ; Yé mian alé we nyian é wo, té alé we é ’na i ma lo, Yé mi lé é ’é bɔngiwe nyanénu lɛ sɔɔ, té alé we é ’na i ma lo.

Ézai 57:1

Mi tegele éé gaan yé ’bɛ ’ka mi do yuɛgi bɔa lo. Woo mi zinnu sian yé é ’ka dɔ lɛ mi do kpen gi léé, wenaané zi lé wo mi zinnu sian lo.

WENÉNÉ LÉ LUK A GYE (Évangile selon Luc) 21:19

ka dan ka boennu si lɛ we gi kalé yarapalale nya.

WENÉNÉ LÉ LUK A GYE (Évangile selon Luc) 8:15

Yee lé é dia tɛrɛ zima ta, wa munu lé woo dére maan bli tegele valé bli zin nya, wo nya, yé éé voo wo gi, ’té wo wɔlɛ éé baan yarapalale nya.

Kelewenu 24:25

Naa, we tegele koo, mi lé ébo kunle we faa gi koo, we lé Bale é dan a ble lɛ munu va koo, Pɔl vo wo fena a lɛ. Kana zén Félis gi yé é léé: ’I go é bléyi. Dé maa bléyi do ye yé maa dan i laa lɛ.

Rom munu 15:4

Yé we faa lé wa gyɛ é kyɛn sɛbɛ gi, wa gyɛ we paale kaa gi we ma, léé, kaa bli ’é kɛlɛ we lɛ. Dé kaa bli kɛlɛ tiéé, ’té Kazambale lé sɛbɛ éé kaa tɔrɔ paan, ’bɛna lé kaa bli é dan kɛlɛ lɛ we lɛ.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

Rom munu 8:25

Naa, kaa bli a fɛan kaa ’ka a yé lo, a lɛ, amalé kaa a a lɛbɛnna bli tiéé nya.

1 Korent munu 9:25

Naa, zakɛlɛzannu faa éé sɔn vɔa fɛ kenu ma. Wa kɛla a ma ban lé éé nyaan, a yele we gi. Naa, kaa a kɛla ban lé é ’ka nyaan lo, a yele we gi.

2 Korɛnt Munu 6:4

Ko kle ble, fɛ nyaan ko lee, ko nyané ble, wo ko bla, wo ko vɔ bokɔn gi, flamunu nwa ko ma, ko nyanama pa, ko vo é vuole é béli, ko lɔrɔ sɔn. We ’konu faa gi, ko bli kɛlɛ tiéé é baba yé kobo gɔɔn Kazambale wuomunu nya.

Galasi munu 5:23

bli drɔɔ koo, kɛlɛle i kɔlɛzan nya koo, woo lé. Bélidɔwe ’ka we ’konu ma lo.

Kolɔs munu 1:11

yé ’ka dɔ plɛplɛ we faa gi alé plɛplɛ tɔbɔle nya, yé ’ka kɛlɛ yifaama yarapawelazannu valé bli tiéézannu nya, ’té ka gi éé nanaan.

1 Tɛsalɔnik munu 1:3

We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ.

2 Tɛsalɔnik munu 1:4

É ziin, ko kobo ze vɔa ka tɔ gi Kazambale lé léglizigimunu va wean ma, yee lé é ke ’ko: ka yara a é pale we ta yé ka bli a é pale, dɔlé ’té ka a nyané valé kle blena.

2 Tɛsalɔnik munu 3:5

Yé Mizan ’é go ka nya Kazambale lé sɔlɛle va, é valé Krist lé bli tiéé va ma.

1 Timoté 2:10

naa, ’wo ’lɛrɛ kɛlɛwe zinnu nya, lomu lé wo léé, Kazambale lé zi sɔ ’wo lɛ, é a é zima wozé nya fɛan zo, a zo.

1 Timoté 2:2

minwiinzan blɛnnu koo, minwiinmunu koo, wo tɔ ma, ko nyanale duaa koboma we gi, ’té Kazambale lé zi éé sɔa ko lɛ, ’té ko we drɔle kɛla.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

1 Timoté 6:11

Naa, bii Kazambale lé mi, ’i vlan buru we ’konu lee, yé we tegele koo, Kazambale lé zi sɔlɛle koo, blipale koo, sɔlɛle koo, bli tiéé koo, bli drɔɔ koo, ’i kwa kuli léé, wo vɔ i bli gi.

1 Timoté 6:3

’I we ’konu paa munu gi yé ’i we pla wo lɛ. Dé mian éé we bɛ paan munu gi, yé Kaazan Jézu Krist dére zinnu valé wepaale lé é ke Kazambale lé zi yɛrama, é ’ka wo ta tawoo lo,

1 Timoté 6:6

Webozen nya, tawole Kazambale lé zi ta tɔnɔ a blɛn, ’té dé fɛ lé ke i lee, dé ’bɛ izé bɔa.

2 Timoté 3:5

wo dan wobo kɛlɛ lɛ bélé Kazambale lé zi sɔlɛzannu zo, naa, wo giégane ɛ dan a gɔɔn lɛ léé, vié lé. ’I si ’bɛ zo munu ma baa.

Tite 1:1

Maa Pɔl lé an ke Kazambale wuozan valé Jézu Krist lé nwunvɔzan nya, maa ɛ ke sɛbɛ ’ko gyɛna bii Tite lɛ. Bale an kɛlɛ nwunvɔzan nya léé, munu lé Kazambale wo si a va, maa bɔ wo va yé wo bli é vo Bale lɛ tegele yé webozen lé é ke Kazambale lé zi yɛrama, yé wo dɔ gligli ’bɛ gi.

Tite 1:8

Naa, ’é kɛlɛ bɛn sɔlɛzan koo, wezin sɔlɛzan koo, ’wuoatazan koo, mi tegele koo, bo nɔ Bale lɛzan koo, bokunzan koo, a nya;

Tite 2:2

’Bé fe mi segelenu lɛ léé, ’wo ’wobo kun, ’wo kɛlɛ tegele, ’wo kɛlɛ wedrɔzannu nya, yé ’wo kɛlɛ é ziin mi tegelenu nya, blipale koo, sɔlɛle koo, bli tiéé koo, wo gi.

Ébrunu 10:36

We lé ke ka mawe nya, yee lé ke léé, ’ka kɛlɛ yarapawelazannu nya, yé dé ka Kazambale lé blibɔmawe lɛ sɔɔ faa yé fɛ lé Kazambale a fe léé, é dan a nɔ lɛ ka lɛ, yé é a nɔ ka lɛ.

Ébrunu 12:1

Kaa zi gunu a é dɔrale ’bɛ zo wenayemunu kiɛre nya bélé lati zo, bɛwemalé kaa é ziin, fɛnu lé woo kaa bɛn dɔa, kaa wo faa pla ma, yé kaa sɔn vɔ wenyanékɛlɛbli ma, yé kaa vlan buru kaa yarapalale nya vlan za kɛlɛna lé, a lɛ ke é sole kaa ’lɛ bɛ, ana ma,

Ébrunu 6:12

É sɔ ko lɛ léé, té ka yuɛ gi é blan lo, naa, munu lé wo ke blivolɛdére lɛsɔɔle yena, blipale valé yarapalale nya, ’ka kɛlɛ bélé wo zo.

Ébrunu 6:15

’Bɛ zo lé, dé Abraam a lɛbɛn yarapalale nya faa, yé fɛ lé Kazambale a fe blivolɛdére nya, yé é a ye.

2 Piɛri 1:3

Fɛnu faa lé wo bɔa kaa va kaalé tɛrɛla valé Bale lé zi ta tawole gi, Bale lé plɛplɛ ɛ wo nɔ kaa lɛ blɛ nya, yé yee Bale lé plɛplɛ lé we ma lé, mi lé é kaa laa ébo lé fua tɔbɔle valé élé wezin nya, yé kaa a dɔɔ.

2 Piɛri 3:11

Fɛ ’konu ’yi bole lé we ma, é ’ka lé ka kɛlɛ sauun valé Bale lé zisɔlɛmunu nya ka giébɛ gi loo?

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 13:10

Dé mian a go yara lé luu gi, ’bɛzan é dan go lɛ luu gi; dé mian a ga gwɔun ’léé yara lé, é a lé ’wo ’bɛzan gyɛ gwɔun nya. Fɛkona lé Kazambale lé munu ’wolé yara pale we la valé ’wolé blipale nagɔɔn‐an.

Wegɔɔnle 14:12

Kazambale lé munu lé yara pale we la lé é ke ’ko: woo Kazambale lé bélidɔwenu kɛla, ’té wo bli a Jézu lɛ.

Wegɔɔnle 2:2

I kɛlɛwenu koo, ilé nyanama koo, i yara pale we la koo, maa wo dɔɔ. Maa a gi dɔɔ léé, i ’ka bɔa dɔle lɛ mi nyanénu lé we nyi wuo lo; munu lé, wo léé, ’wa nwunvɔmunu nya ’té wo ’ka a nya bɛ lo, i wo gi dan yé i wo ye viémunu nya.