2 Piɛri 1:3 - Kazambale lé Sebe Sauunu 1979

³ Fɛnu faa lé wo bɔa kaa va kaalé tɛrɛla valé Bale lé zi ta tawole gi, Bale lé plɛplɛ ɛ wo nɔ kaa lɛ blɛ nya, yé yee Bale lé plɛplɛ lé we ma lé, mi lé é kaa laa ébo lé fua tɔbɔle valé élé wezin nya, yé kaa a dɔɔ.

2 Piɛri 1:3 ပူးပေါင်းရင်းမြစ်များ

Lɛrɛvɔ Sɛbɛ 110:3

Dé i ilé gulidanzannu zén ékeva, ilé munu fuu a wo ta, Ilé pɛniɛnnu woo dan i va bélé bladi lolu zo, ’Té gulidanvafɛ ’lɛzannu a wo ta.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Wegɔnévɔlenu 12:4

Le tegele a bélé tɔkoro zin zo é zana ’wuo ma, naa, le lé éé mi gya yara nya, é a bélé booboo zo é zana wɔlɛnu gi.

Wegɔnévɔlenu 31:10

Mi kyɛn ɛ bɔalɛ yé é le tegele yee? A wea é mini gɔlɛwezan pɛrɛlnu ta.

Wegɔnévɔlenu 31:29

Lomu kenu woo we kɛla tegele, naa, bii gié wo faa ta.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

Rom munu 8:32

Mi lé é ’ka ébozen Be tadɔ lɛ lo yé é a nɔ kaa faa lé we gi ’naan, é kɛla kaa yé é ’ka dan fɛnu faa nɔ lɛ zin nya kaa lɛ Jézu va é ta lé kɔn‐an loo?

Rom munu 9:24

’Bɛ gi léé, kaanu. É sɔ a lɛ léé, élé fuasan nagɔɔn kaa ɛ lɛ. É ko laa Juifinu méléna; ’bɛ saa kaan lo, é ka laa bɛn bɛnu méléna é ziin,

1 Korent munu 1:9

Kazambale ɛ ka laa léé, ’ka nana é Be Kaazan Jézu Krist va, yé Kazambale a yarapawelazan nya.

2 Korɛnt Munu 12:9

yé é lé an lɛ léé: Anlé plɛplɛ lɛ éé sɔɔan fɛ tɔɔtɔɔ nya, amalé anlé zin izé bɔ. Amalé maa dan anbo ze taa vɔ lɛ gi nanale nya an tɔɔtɔɔnu we ma, Krist lé plɛplɛ zénle an gi we ma.

Éfez munu 4:1

Bɛwemalé, maa, Mizan lé bokɔngizan, maa we plaan ka lɛ léé, we lé wo ka laa a ma, ’ka tawo a yɛrama;

Éfez munu 4:4

Fɛan zo lé Kazambale ka laa yé ka bli kɛlɛ we do kpen lɛ, a zo duo lé kɔlɛ a do kpen, yé Kazambale Léli a do kpen,

Filip munu 3:8

Anzan Jézu Krist dɔɔle bozen lé we ma lé an fɛnu faa yé boafɛnu nya. É sɔ an lɛ léé, ’an Krist ye anzé nya yé an kɛlɛ a gi, aléwemalé an bli si fɛnu faa lɛ yé wa an yuɛ gi bélé bli zo.

Filip munu 4:8

Bwenu, a nyaala lé é ke ’ko: we?-?bozennu faa koo, wenu lé wa lɛdɔama koo, we tegelenu faa koo, we wéiinnu faa koo, we sɔkenu faa koo, wenu faa lé wo tɔbɔ yara lé koo, we nénénu faa koo, wenu faa lé wo tɔ zin fe yara lé koo, wo ɛ kɛlɛ ka ’wuogibɔrɔmawenu nya ma.

Kolɔs munu 1:16

Naa, fɛnu faa lé wa kɛlɛ la gi valé tɛrɛ la bɛ, Jézu gi lé wa kɛlɛ, fɛnu lé wa yé koo, fɛnu lé wo ’ka wo yé lo koo, webleblinnu koo, tɔmunu koo, wemaplɛplɛzannu koo, fɛ lé wa lɛdɔama koo, woo lé. Yee ɛ wo faa kɛlɛ yé wa kɛlɛ yee ɛzé nya.

1 Tɛsalɔnik munu 2:12

Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.

1 Tɛsalɔnik munu 4:7

Kazambale ’ka kaa laa lɛ pɛnpɛnnégyɛle we ma lo, naa, é kaa laa kaa kɛlɛle sauun we ma.

2 Tɛsalɔnik munu 2:14

Ka sile we gi ma lé é ka laa, Wenéné lé ko a fe ka lɛ, a nya, kalé fua blele Kaazan Jézu Krist va we gi.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.

2 Timoté 1:9

Yee ɛ ko si we gi, yé é ko laa léé, kobo nɔ é lɛ. É ’ka ko laa lɛ ko kɛlɛwenu lé we ma lo, naa, é ko laa ébozen bɔn‐inwe yɛrama, é valé zin lé é a kɛlɛ ko lɛ Jézu Krist gi bléyian va lé tɛrɛ ’ka tan é bɔrale lo, a yɛrama.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

1 Piɛri 1:15

Naa, mi lé é ka laa, é a sauun, amalé ka é ziin ’ka kɛlɛ sauun kalé tawobɛ faa gi,

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

1 Piɛri 2:21

We ’ko ma lé wo ka laa, naa, Krist é ziin é nyané ble kalé we gi, yé é wekɛlɛmawe vo ka va, kalé we kɛlɛle a ma we gi.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

1 Piɛri 3:9

Té ka wenyané lɛgi pa wenyané nya lo; yé té ka sɔnɔ lɛgi pa sɔnɔ nya lo; naa, ’ka munu drɔɔ vo, alé we ma lé wo ka laa, kaboen drɔɔ vole we gi.

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.

2 Piɛri 1:10

Bɛwemalé, an bwenu, ’kabo tunu Bale lé ka laale valé alé ka sile a va kɛlɛle webozen nya we gi. We ’ko kɛlɛle nya lé ka ’ka dan saan lɛ monomono lo.

2 Piɛri 1:2

Zin valé vole drɔɔ gi ’é gyɛ ka ta Kazambale valé Kaazan Jézu dɔɔle nya ma.

2 Piɛri 1:5

Amalé ’ka kwa kuli yé ka wezin pa kalé blipale va, yé ’ka wedɔɔle pa wezin va,

2 Piɛri 1:6

yé ’kabo kunle pa wedɔɔle va, yé ’ka bli tiéé pa kabo kunle va, yé ’ka Bale lé zi sɔle ka lɛ pa bli tiéé va,

2 Piɛri 1:8

Naa, dé we ’konu a ka bli gi yé wo fan ana, ka ’ka kɛla boazannu valé mimagalenu nya Kaazan Jézu Krist dɔɔle gi lo.

2 Piɛri 2:20

Dé tɛrɛlawe tiridɔlenu si munu lee Mizan, mi Bélizan Jézu Krist dɔɔle we ma, ’bɛ zuo dé wo ’bɛnu sia é ziin yé ’bɛnu wo kele, wo vobɛ voéla a naané é mini a vininzan ta.

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.

RUT (Ruth) 3:11

Sin, an lu, té i kana lo ma; we lé bé fe, maa dan a faa kɛlɛ lɛ, naa, anlé flagɔrɔ ’léé munu faa a gi dɔɔ léé, i a le zin nya.