2 Piɛri 1:11 - Kazambale lé Sebe Sauunu 1979

¹¹ ’Ko zo lé Bale é dan a nyi si lɛ é bli faa nya léé, ka wɔra Kaazan, kaa Bélizan Jézu Krist lé fuatɛrɛ lé é ’ka nyaan lo, a ta.

2 Piɛri 1:11 ပူးပေါင်းရင်းမြစ်များ

Lɛrɛvɔ Sɛbɛ 145:13

Ilé plale mi nwiin a lɛɛfaama we nya, a glɛ ’ka lo, Yé i lɛdɔmale ana yifaama.

Lɛrɛvɔ Sɛbɛ 36:8

Oo Bale, ilé zin wea é baba. Blaminu woo yɔɔna ginian i bɛ wuo.

Wegɔné Ma Lɛrɛ 5:1

An buru, an bwɛ, an wɔra anlé féi, An mirélia valé bla ginzannu so, Maa anlé zɔrɔnyɔnɔ valé a yoduo ble, Maa anlé dɔrɔ valé nɔnɔ mini. — An béénu, ’ka ble, ’ka mini, sɔlɛle ’é ka gyɛ bélé nwɛ zo.

Ézai 35:2

Ana é dan sɔɔla lɛ flɛrinu nya yé a gi é dan nana lɛ; É dan ginanalɛrɛ vɔ lɛ yé é dan siaa lɛ guliwuovolɛ dére nya; Wo dan Liban gɔ tɔbɔle nɔ lɛ a lɛ, Wo tɔ é dan kɛlɛ lɛ blɛn bélé Kaamɛl gɔ valé Sarɔn tɛrɛ zé zo. Wo dan Gakelebale tɔbɔle ye lɛ; Wo dan kolé Bale lé migisanmawe blɛn kɛlɛle ye lɛ.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

WENÉNÉ LE JAN A GYE (Évangile selon Jean) 10:10

Kyeenwozan éé dan kyeenwole koo, fɛ gyɛle koo, fɛ sɛrɛle koo, wo saa ɛ we ma; an da ’blanu vole é yuɛma we gi, é valé wo fuu dɔle wo ta we ma fɔɔ yé é gié é glɛ ta.

Rom munu 2:4

Taa, Kazambale lé fua lé é ke alé wezin koo, alé bli tiéé koo, alé ’wuo dɔle we wuo koo, wo nya, i wo yé fɛ boanu nya lɛɛ? I ’ka a gi dɔɔa léé, Kazambale lé wezin éé i bli nɔlaan Kazambale va loo?

1 Korent munu 15:24

Plale mi nwiin faa koo, lɛdɔmale faa koo, plɛplɛ faa koo, dé Krist wo sɛrɛ faa, ’té we faa ’wuo pla sin, yé é dan plale mi nwiin faa bɛ vo lɛ é Ti Bale lee.

2 Korɛnt Munu 5:1

Naa, ko a gi dɔɔ léé, sɔkɔn lé ko ke é nyanale a gi tɛrɛ la ’ko, dé é sɛrɛ, kolé kɔn do ana la gi. Mi ’ka kɔn ’ko dɔ lɛ lo, Kazambale ɛ dɔ ko lɛ, yé a guru ’ka dan zana lɛ a gi monomono lo.

Éfez munu 3:20

Mi lé éé bɔa we faa lé kaa laan, é valé we faa lé kaa gi bɔrɔan a nya, a kɛlɛle lɛ, ’té éé giéan ’bɛ ta é baba, plɛplɛ lé é ke nyanama pana kaa gi, a nya bɛ,

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

2 Timoté 4:18

Mizan é dan an si lɛ wenaanénu faa wuo, yé é dan an béli lɛ, yé é dan go lɛ an nya élé lagi fuatɛrɛ la. ’Wa tɔ bɔ lɛɛfaama ma. Amɛɛn.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Ébrunu 6:17

We ’ko ma lé Kazambale ébo ’nyɔɔn. Munu lé Kazambale blivolɛdére fe wo lɛ bɛ, Kazambale a a va léé, é a gɔɔn wo lɛ léé, we lé é a ma kunna ye, é ’ka nɔlaan lo, amalé é blivolɛdére kɛlɛ sɔbɛlawe nya ébo ’nyɔɔnle nya.

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

2 Piɛri 1:5

Amalé ’ka kwa kuli yé ka wezin pa kalé blipale va, yé ’ka wedɔɔle pa wezin va,

2 Piɛri 2:20

Dé tɛrɛlawe tiridɔlenu si munu lee Mizan, mi Bélizan Jézu Krist dɔɔle we ma, ’bɛ zuo dé wo ’bɛnu sia é ziin yé ’bɛnu wo kele, wo vobɛ voéla a naané é mini a vininzan ta.

2 Piɛri 3:18

Naa, ’ka tin Kaazan, kaa Bélizan Jézu Krist lé zin valé a dɔɔle gi ma. ’Wo fua nɔ a lɛ sin bléyi ’ko va, é valé lɛɛfaama ma. Amɛɛn.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.