2 Piɛri 1:1 - Kazambale lé Sebe Sauunu 1979

¹ ’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

2 Piɛri 1:1 ပူးပေါင်းရင်းမြစ်များ

Ézai 12:2

Bé ye, Bale a an siéwegizan nya; An pale a i ta blɛn, yé maa ’ka dan kana lɛ we do lee lo. Naa, Gakelebaleoo Gakelebale, i a anlé plɛplɛ nya, yé bii ɛ tɔ zin lé maa fé; Bii ɛ ke an Siéwegizan nya.

Jérémi 33:16

’Bɛ yinu la Juda munu é dan si lɛ we gi, yé Jérusalɛm munu é dan nyana lɛ kli wo nyanana; tɔ lé wo dan a laa lɛ a nya, yee lé ke ’ko: Gakelebale, kolé wetegele.

Matio 10:2

Nwunvɔzannu vu ta fié tɔ lé ke ’ko: A vininzan, Simɔn lé wa laama Piɛri, é valé é zuané André koo, Zébédé be Jak valé é zuané Jan koo,

Matio 4:18

Jézu a giéna aan wo Galilé wɛyi gɔ la, é mi fié ye, Simɔn lé wa laama Piɛri, é valé é zuané André nya; wa pɔgyɛséli nwɛɛnna wɛyi va. Wa pɔgyɛmunu nya.

WENÉNÉ LÉ LUK A GYE (Évangile selon Luc) 1:47

An Siéwegizan Bale lé we ma lé an léli gi éé nanaan,

WENÉNÉ LÉ LUK A GYE (Évangile selon Luc) 11:49

Bɛwemalé Kazambale lé wedɔɔle léé: Maa dan balelayezannu valé nwunvɔzannu pa lɛ wo lɛ zia; wo dan a kenu gyɛ lɛ yé wo dan nyané pa lɛ a kenu ta,

WENÉNÉ LE JAN A GYE (Évangile selon Jean) 1:42

Yé é go ’bɛ nya Jézu va. Jézu ’bɛ nagini yé é léé: Bii a Jonas be Simɔn nya; wo dan i laa lɛ Séfa, ’bɛ gi léé, Piɛri. A gi léé é ziin, gɔlɛ.

WENÉNÉ LE JAN A GYE (Évangile selon Jean) 12:26

Dé é sɔ mian lɛ léé, é anlé nyanama pa, ’é da an zuo ma; yé fɛana lé an ke, ana lé anlé nyanamapazan é dan kɛlɛ lɛ é ziin. Mian éé anlé nyanama paan, an Ti é dan ’bɛzan tɔ kɛlɛ lɛ blɛn.

WENÉNÉ LE JAN A GYE (Évangile selon Jean) 20:21

Jézu lé é ziin wo lɛ léé: ’Ka vo drɔɔ ma. Fɛan zo lé an Ti an nwunvɔ, a zo duo lé maa ka nwunvɔa é ziin.

Kelewenu 15:14

An bwenu, ’ka tɔné dɔ an lɛ. Fɛan zo lé Kazambale bɛnnu nagini sin yé é mi lɛ do si wo va yé é ’é tɔ pa wo ma, yee lé Simɔn a fe bɛ.

Rom munu 1:1

Maa Pɔl lé an ke Jézu Krist lé luugɔnéné nya, maa ɛ ke sɛbɛ ’ko gyɛna ’kaa Rom munu lɛ. Bale an laa léé, an kɛlɛ nwunvɔzan nya, yé é an dɔ élé Wenéné fezan nya.

Rom munu 1:12

naa, gba, dé maa a ka va, ’ko ko ke bli ta dɔ plɛplɛ blipale lé ke ko dɔlafɛ nya bɛ, a nya. ’Bɛ fila vɔ.

Rom munu 1:17

Kazambale éé mi kɛla tegele fɛan zo, a na a é gɔɔnle Wenéné ’ko nya, kɛlɛle tegele lé mi a yé blipale ma, ’té éé blipale no munu lɛ bɛ, yee lé, fɛan zo lé é a é gyɛle sɛbɛ gi, a zo, léé: Mi lé é kɛlɛ tegele blipale ma, é dan béli lɛ.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 15:9

Naa, maa a nwunvɔzannu va mi kiéné nya; an nyané pa Kazambale lé léglizigimunu ta, amalé a yara ’ka an yara léé, wo an laa nwunvɔzan lo.

1 Korent munu 9:1

Maa ’ka anboma loo? Maa ’ka nwunvɔzan nya loo? Maa ’ka Mizan Jézu ye lɛ loo? Ka ’ka anlé nyanama tɔnɔ nya Mizan gi loo?

2 Korɛnt Munu 4:13

Mi lé é a gyɛ sɛbɛ gi léé: Maa bli vo a lɛ, amalé maa a fe, bli lé ke azan gi, yee bli duo ɛ ke ko gi, amalé ko é ziin, ko pa a ta, bɛwemalé ko we fé.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Galasi munu 2:8

Naa, Kazambale lé é Piɛri ma’lɛrɛ yé é a kɛlɛ nwunvɔzan nya Juifinu va, yee Kazambale ɛ an kɛlɛ nwunvɔzan nya bɛn bɛnu va.

Éfez munu 3:5

Wo ’ka a nagɔɔn lɛ blami vininnu lɛ bélé fɛan zo lé Kazambale Léli a nagɔɔn lao alé nwunvɔmunu sauunnu valé Balelayemunu lɛ, a zo lo.

Éfez munu 4:11

Alé blɛnu lé ke ’ko: é mi kenu kɛlɛ nwunvɔmunu nya; é a kenu kɛlɛ Balelayemunu nya; é a kenu kɛlɛ wenéné fezannu nya; é a kenu kɛlɛ léglizigimunu pazannu valé wepaamigizannu nya,

Éfez munu 4:5

Mizan a do kpen, blipale a do kpen, batizé a do kpen,

Filip munu 1:1

’Kaa Kazambale lé munu faa lé ke Jézu Krist gi Filip, é valé léglizi tabinzannu koo, léglizigimunu wuozannu koo, ko we ka va. Maa Pɔl valé Timoté, Jézu Krist wuozannu, ko ɛ ke sɛbɛ ’ko gyɛna ka lɛ.

Filip munu 1:29

Naa, Bale blɛ kɛlɛ ka lɛ Krist pli zi, léé, ka bli ’é vo Krist lɛ, yé ’bɛ saa kaan lo; ’bɛ ta loru, é blɛ kɛlɛ ka lɛ léé, ka nyané ble Krist lé we ma.

Filip munu 3:9

Yé dé an kɛlɛ Krist gi, maa ’ka a gi kɛlɛle tegele lé éé sié bélidɔwe va, ’bɛ we ma lo, naa, maa a a gi kɛlɛle tegele lé éé sié blivole Jézu Krist lɛ va, a we ma. Kɛlɛle tegele ’ko, Bale a no blipale ma.

2 Timoté 1:5

i blipale tegele sele a an gi. I bu Yunis valé ’bɛ bu Lois bli a é pale tegele é vinin, yé é dɔ an gi léé, i bli a é pale yee duo ɛ zo é ziin.

Tite 1:1

Maa Pɔl lé an ke Kazambale wuozan valé Jézu Krist lé nwunvɔzan nya, maa ɛ ke sɛbɛ ’ko gyɛna bii Tite lɛ. Bale an kɛlɛ nwunvɔzan nya léé, munu lé Kazambale wo si a va, maa bɔ wo va yé wo bli é vo Bale lɛ tegele yé webozen lé é ke Kazambale lé zi yɛrama, yé wo dɔ gligli ’bɛ gi.

Tite 1:4

Bii Tite lé ko fiénu ke i nya Kazambale lé we gi, ’té i ke anbozen lé né nya Kazambale lé we ma bɛ, an we i va. Tibale valé ko Siéwegizan Jézu Krist ’wo zin kɛlɛ i lɛ yé ’wo i vo drɔɔ ma.

Tite 2:13

’té ko ginanawe lé ko bli ke a lɛ koo, kolé Bale blɛn lé é ke ko Siéwegizan Jézu Krist nya, alé fua tagɔɔnle koo, ’té woo lé ko ke wo lɛbɛnna.

SEBE LÉ JAK A GYE (Épitre de Jacques) 1:1

’Kaa bɛn vu ta fié lé ka ke é kinile ékema, maa Jak lé an ke Kazambale valé Mizan Jézu Krist lé lugɔnéné nya, an we ka va.

1 Piɛri 1:1

’Kaanu lé ka ke é kinile ékema yé ka kɛlɛ bɛnnu nya, Pɔnt tɛrɛ la koo, Galasi tɛrɛ la koo, Kapadose tɛrɛ la koo, Azi tɛrɛ la koo, Bitini tɛrɛ la koo, wona bɛ, an we ka va. Maa Piɛri lé an ke Jézu Krist lé nwunvɔzan nya, maa ɛ ke sɛbɛ ’ko gyɛna ka lɛ.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

1 Piɛri 2:7

’Kaa lé ka bli vo Jézu lɛ, é a fɛwezan nya ka lee, naa, Kazambale lé sɛbɛ léma: Gɔlɛ lé kɔndɔzannu sɔn vɔ a ma, É kinin kɔnsungɔlɛ nya,

1 Piɛri 5:1

Maa a we plana kalé mi segelenu lɛ. Maa é ziin, maa a wo va mi segele do nya, yé maa Krist lé nyanéblelenu ye, yé anzé a fua tɔbɔle lé é dan bɔra lɛ bɛ, a va. We lé maa a plana ’kaa mi segelenu lɛ, yee lé ke ’ko:

2 Piɛri 1:4

Alé fuasan valé alé wezin ma lé Bale blivolɛdére wezannu blɛɛn fe kaa lɛ, yé wo yele ma lé we vɔnle lé é ke tɛrɛ la, blibɔle fɛnu ma we ma, yé ka bɔ sole lɛ ’bɛnu lee yé Bale dɔbɛ é vɔ ka lee.

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.