2 Minwiinzannu 9:3 - Kazambale lé Sebe Sauunu 1979

³ ’I nyɔnɔ kuo kiéné si, yé bé zén a nwiin yé bé fe léé: Gakelebale léma: Maa nyɔnɔ zén i nwiin léé, i kɛlɛ Izraɛl minwiinzan blɛn nya. ’Bɛ zuo ’i kɔn lɛ so yé ’i vlan buru, té i dɔ lo.

2 Minwiinzannu 9:3 ပူးပေါင်းရင်းမြစ်များ

1 Minwiinzannu 1:34

’Bɛna lé Balebanzan Sadɔk valé balelayezan Natan é dan nyɔnɔ zén lɛ a nwiin a kɛlɛle Izraɛlnu nwiinzan nya we gi. Ka dan béli fɛn lɛ, yé ka dan a fe lɛ léé: Minwiinzan Salomɔn ’é vo é yuɛma ma!

1 Minwiinzannu 19:16

’I nyɔnɔ zén Nimisi be Jéu nwiin yé é kɛlɛ Izraɛl nwiinzan blɛn nya; yé i nyɔnɔ zén Abɛl‐Méola mi Safat be Élizé nwiin yé ’é kɛlɛ i pa gi balelayezan nya.

2 Minwiinzannu 8:13

Azaɛl léé: I wuozan lé ke blén nya, é a de nya yé é ’bɛ zo we blɛnblɛn kɛlaa? Yé Élizé léé: Gakelebale a nagɔɔn an lɛ léé, i dan kɛlɛ lɛ Sirinu nwiinzan blɛn nya.

2 Minwiinzannu 9:6

Jéu nwa yé é wɔra kɔn gi, yé pɛniɛ nyɔnɔ zén a nwiin, yé é lé a lɛ léé: Gakelebale, Izraɛl lé Bale léma: Maa nyɔnɔ zén i nwiin i kɛlɛle Gakelebale lé munu Izraɛl nwiinzan blɛn nya we gi.

2 Minwiinmunu lé Wezuofe Sɛbɛ 22:7

Kazambale lé blibɔmawe yɛrama, Akazia gole Joram va kɛlɛ a sɛrɛwe nya. É bɔ aan wo ’bɛna, yee valé Joram bɔra gole zidɔle Nimsi be Jéu ’lɛ we ma, mi lé Gakelebale nyɔnɔ zén a nwiin léé, ’é Akab lé munu kulu ga, yee lé.

Fwile 29:7

Nyɔnɔ lé wa zén‐é mi ta, i dan a si lɛ yé i dan a zén lɛ a nwiin.

Daniɛl 2:1

Nébukanɛsaa plale mi nwiin lɛɛ fiézan nya, é nyɛ gyɛ. É gibɔrɔ pa a ma, yé é ’ka bɔa yigyɛle lɛ lo.

Daniɛl 4:35

Tɛrɛlamunu faa ’ka a yuɛ gi bɔa lo. We lé é sɔ a lɛ léé, éé a kɛla lai sunyanu valé tɛrɛlamunu lɛ, yé mian ’bɛ éé dɔa a lee plɛplɛ yé ’bɛ lé a lɛ léé: Mɛ fɛ lé bé kɛla bɛɛ? ’bɛzan do ’ka ana lo.

Daniɛl 5:18

Minwiinzan blɛn, balenu faa nwiin Bale, plale mi nwiin koo, kɛlɛle blɛn koo, tɔbɔle koo, fua zevɔle koo, é wo nɔ i ti Nébukanɛsaa lɛ. Kɛlɛle blɛn lé é a nɔ a lɛ bɛ,

Lévinu 8:12

É fɛ’lɛdɔ nyɔnɔ zén Arɔn nwiin, a dɔle Balebanzan nya we gi.

Matio 10:16

Ka ye, maa ka nwunvɔ bélé ’blanu zo glaunu méléna. Amalé ka gi ’é kini bélé méné zo ma, yé ’ka vo drɔɔ bélé plala zo ma.

Matio 2:13

Wo go aan wo, bé ye, Mizambale lé lanje do bɔra Jozɛfu va nyɛ fla, yé é léé: ’I nwa. ’I né kiéné valé é bu si, yé ’i go vlan nya Éjipiti tɛrɛ la. ’I vo ana mi fɔɔ yé maa i laa. Érɔd é dan né kiéné gini lɛ, a gyɛle we gi.

Matio 26:7

lezan do bié a va. Gɔlɛ fu kuo a a lee, yé lasi?-?kɔrɔan a vlɛ ke blɛn, é a a gi. Jézu ke aan wo fɛblena, é lasikɔrɔ zén a nwiin.

1 Samuɛl 10:1

Samuɛl nyɔnɔ kuoné si yé é a zén Saul nwiin. É pwɛpwɛ vɔ a ma yé é léé: Gakelebale ’ka nyɔnɔ zén lɛ i nwiin i plale alé munu nwiin we ma loo?

1 Samuɛl 15:1

Samuɛl lé Saul lɛ léé: Maa lé, Gakelebale an nwunvɔ nyɔnɔ zénle i nwiin i kɛlɛle alé munu, Izraɛl munu nwiinzan blɛn nya we gi, amalé ’i tɔné dɔ Gakelebale dére lɛ.

1 Samuɛl 15:17

Samuɛl léé: Bléyian va lé i ke kiéné ibo yuɛ gi, i ’ka kinin lɛ Izraɛl bɛnnu nwiinzan nya loo? Gakelebale ’ka nyɔnɔ zén lɛ i nwiin i kɛlɛle Izraɛl nwiinzan nya we gi loo?

1 Samuɛl 16:2

Samuɛl léé: Maa go kaa? Saul é dan a ’ma lɛ yé é dan an gyɛ lɛ. Yé Gakelebale léé: ’I go diridané nya i lee yé i dan a fe lɛ léé: An da saraka bo lɛ Gakelebale lɛ.

1 Samuɛl 9:16

Tɛlɛ, yiri ’ko nya, maa dan Bɛnjamɛn mi do pa lɛ i lɛ zia, yé i dan nyɔnɔ zén lɛ a nwiin anlé munu Izraɛl nwiinzan nya. É dan anlé munu si lɛ Filisitinu lee; naa, anlé munu lé siaale bɔ an va, amalé an yuɛ vɔ wo ta.