2 Minwiinzannu 9:17 - Kazambale lé Sebe Sauunu 1979

¹⁷ Flataginizan lé ke é dɔle Jizréɛl lé kɔn torole ta, é Jéu lé palu ye dana yé é léé: Maa mi palu do ye. Joram léé: ’I wisootazan do nwunvɔ wo va a laale wo lee we gi léé, dé we drɔɔ léé?

2 Minwiinzannu 9:17 ပူးပေါင်းရင်းမြစ်များ

2 Samuɛl 13:34

Abusalɔm vɔ fli gi. Fla tagini pɛniɛ é yara nwa yé é a nagini. Yé bé ye, mi palu blɛn a dana, zi lé ke a zuo, gɔ nyé zunna, a ta.

2 Samuɛl 18:24

David a é nyanale flagɔrɔ ’léé fié méléna. Fla taginizan go flagɔrɔ ta loru, flagɔrɔ ’léé gwa ta; é yara nwa yé é a nagini, ’té mi do éé dan vlan nya.

1 Minwiinzannu 2:15

’Bɛ lé a lɛ léé: Bé fe. Yé é léé: Bé gi dɔɔ léé, kɛlɛle minwiinzan se a anzé nya yé Izraɛl munu faa yuɛ a an lɛ léé, ’an pla wo nwiin. Naa, kɛlɛle minwiinzan nya se nɔla yé é kɛlɛ an zuané zé nya, Gakelebale a nɔ a lɛ, azama.

2 Minwiinzannu 7:14

Yé wo goro fié valé wolé wisoonu si, yé minwiinzan munu nwunvɔ Sirinu lé sunyanu zuo yé é lé wo lɛ léé: ’Ka go a nagini.

2 Minwiinzannu 9:11

Jéu bɔra aan wo yé é go ézan wuomunu va é ziin, wo lé a lɛ léé: We drɔɔ léé? Mɛmalé gwegyɛzan ’ko da i vaa? Jéu a zi pa wo lɛ léé: Ka a dɔɔ, yé we lé é bɔa a fele lɛ ka a gi dɔɔ.

2 Minwiinzannu 9:16

Jéu vɔ élé goro gi yé é go Jizréɛl, Joram a é yiale ’bɛna, ’té Juda nwiinzan Akazia go we lɛ a va, azama.

2 Minwiinzannu 9:18

Wisootazan go Jéu va yé é léé: Minwiinzan léma: We drɔɔ léé? Yé Jéu a zi pa léé: We drɔɔ ɛ mɛ ɛ kɛla i lɛɛ? ’I gié an zuo mun. Flataginizan a zuo fe yé é léé: Nwunvɔzan bɔ wo va, naa, é ’ka dana é ziin lo.

2 Minwiinzannu 9:19

Joram wisootazan fiézan nwunvɔ yé é go wo va yé é léé: Minwiinzan léma: We drɔɔ léé? Yé Jéu a zi pa léé: We drɔɔ ɛ mɛ ɛ kɛla i lɛɛ? ’I gié an zuo mun.

Ézai 56:10

Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

Ézai 62:6

Jérusalɛm, maa fla taginizannu dɔ ilé gɔrɔnu ta; Wo ’ka dan ’wo tadɔ lɛ béli valé yiéyi lo. Ka lé ka ke a sele dɔna Gakelebale gi, Té ka flin lo.

1 Samuɛl 16:4

We lé Gakelebale a fe Samuɛl lɛ é a kɛlɛ yé é go Bɛtléɛm. Fla mi segelenu da a va kana nya wo gi yé wo léé: I da ginanawe ɛ fe lɛɛ?

1 Samuɛl 17:22

David élé kɔné bɛ pa kɔné tabinzan lee yé é vlan buru fɛana lé wa guli bale plana, ana. É bɔ tɔɔn, é we é bwenu va yé wo ’wo ke zuo laa.