2 Minwiinzannu 9:1 - Kazambale lé Sebe Sauunu 1979

¹ Balelayezan Élizé balelayezannu va mi do laa yé é lé a lɛ léé: ’I sɔ dɔ i tɛrɛ la, ’i nyɔnɔ kuo kiéné ’ko si yé ’i goan i lee Ramɔt lé ke Galaad tɛrɛ la, ana.

2 Minwiinzannu 9:1 ပူးပေါင်းရင်းမြစ်များ

1 Minwiinzannu 1:39

Wibéli lé nyɔnɔ ke a gi, Balebanzan Sadɔk a si sɔkɔn gi yé é a zén Salomɔn nwiin. Wo béli fɛn, yé munu faa léé: Minwiinzan Salomɔn ’é vo é yuɛma ma!

1 Minwiinzannu 18:46

Gakelebale bɛ a Éli ta yé é sɔ dɔ é tɛrɛla yé é vlan buru Akab ’lɛ fɔɔ yé wo bɔ Jizréɛl flagɔrɔ ’léé.

1 Minwiinzannu 19:16

’I nyɔnɔ zén Nimisi be Jéu nwiin yé é kɛlɛ Izraɛl nwiinzan blɛn nya; yé i nyɔnɔ zén Abɛl‐Méola mi Safat be Élizé nwiin yé ’é kɛlɛ i pa gi balelayezan nya.

1 Minwiinzannu 20:35

Balelayezannu va mi do lé é bɔluzan lɛ Gakelebale dére nya léé: Ilé zanté, ’i an bla. Naa, mi ’ko ’ka a blale nyi si lɛ lo.

1 Minwiinzannu 22:20

Yé Gakelebale léé: De ɛ dan Akab saan lɛ, yé é go Ramɔt lé ke Galaad tɛrɛ la, ana, yé é gaa? Wa zi pa a lɛ, yé a do a fe ’ko zo, yé a do a fe ’ko zo.

1 Minwiinzannu 22:4

Yé é lé Jozafat lɛ léé: É sɔ i lɛ léé, i go an va Ramɔt lé ke Galaad tɛrɛ la, a sile we gii? Jozafat a zi pa Izraɛl nwiinzan blɛn lɛ léé: Kaa go; maa valé bii a do, anlé munu valé ilé munu a do, anlé wisoonu valé ilé wisoonu a do.

2 Minwiinzannu 2:15

Balelayemunu lé ke Jériko yara, wa ye aan wo, wo léé: Éli léli vɔ Élizé ta. Yé wo go a si lɛ zia yé wo dia ’wo bli la a ’lɛ.

2 Minwiinzannu 2:3

Balelayezannu lé wo ke Bétɛl, wo da Élizé va yé wo lé a lɛ léé: Bé gi dɔɔ léé, Gakelebale é dan go lɛ kyɔ izan nya loruu? Yé é a zi pa léé: Maa a gi dɔɔ é ziin; ’ka tadɔ.

2 Minwiinzannu 2:5

Balelayezannu lé wo ke Jériko, wo bié Élizé va yé wo lé a lɛ léé: Bé gi dɔɔ léé, Gakelebale é dan go lɛ kyɔ izan nya loruu? Yé é a zi pa léé: Maa a gi dɔɔ é ziin; ’ka tadɔ.

2 Minwiinzannu 2:7

Balelayezannu va mi yɔ fié wɔlɛ vu da yé wo dɔ Juudɛn ’lɛ baa sɛ, yé woo mi fié dɔ Juudɛn gɔɔn ma.

2 Minwiinzannu 4:1

Balelayemunu va mi do na siaa Élizé lɛ yé é léé: I wuozan, an zana, ga, yé bé gi dɔɔ léé, yee i wuozan éé kanaan Gakelebale lee; sin, vɛɛnzan da anlé nénu fié si lɛ, wo kɛlɛle luunu nya we gi.

2 Minwiinzannu 4:29

Élizé lé Géazi lɛ léé: ’I sɔ dɔ i gyɛn, ’i anlé tawomayili sia yé ’i go. Dé ka valé mi do kee, té i we a va lo; dé mi do we i va, té i we lo. ’I anlé tawomayili pla né yara.

2 Minwiinzannu 9:4

Balelayezan wuozan, pɛniɛ ’ko, é go Ramɔt lé ke Galaad tɛrɛ la, ana. É bɔ aan wo, ’té sunyanu nwiinzannu a é nyanale.

2 Minwiinmunu lé Wezuofe Sɛbɛ 22:1

Jérusalɛm munu Joram be voélazan Akazia dɔ minwiinzan nya é ti pa gi. Naa, munu lé wo pa Arabunu va yé wo da wo va fla, wa bwenu faa gyɛ. Amalé Joram be voélazan Akazia pla munu nwiin.

2 Minwiinmunu lé Wezuofe Sɛbɛ 22:5

Wolé we plale zi, é pa Izraɛl nwiinzan blɛn Akab be Joram va yé wo go Ramɔt lé ke Galaad tɛrɛ la, ana, gulidanle Siri nwiinzan blɛn Azaɛl va we ma. Yé Sirinu Joram tuo.

Jérémi 1:17

Yé bii, ’i nwa, ’i kyɛsidi dɔ i gyɛn, yé we faa lé maa dan a fe lɛ i lɛ bɛ, bé fe wo lɛ. Té gligli é zén i gi wo ’lɛ lo, dé maa ɛ da gligli zén i gi wo ’lɛ.

Matio 26:7

lezan do bié a va. Gɔlɛ fu kuo a a lee, yé lasi?-?kɔrɔan a vlɛ ke blɛn, é a a gi. Jézu ke aan wo fɛblena, é lasikɔrɔ zén a nwiin.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:3

We lé Gakelebale a kɛlɛ ka lɛ Baal‐Péɔɔ lé we ma, ka ana ye. Ka va munu faa lé wo go Baal‐Péɔɔ zuo, Gakelebale, kalé Bale wo gyɛ.

1 Piɛri 1:13

Amalé ’ka ka gi bɔrɔlenu dɔ bélé woo doa dɔa ’wo gyɛn fɛan zo, a zo; ’kabo kun, yé zin lé Bale é dan a kɛlɛ lɛ ka lɛ Jézu Krist bɔrayi nya, ’ka bli kɛlɛ a yele lɛ tegele ma.

1 Samuɛl 10:1

Samuɛl nyɔnɔ kuoné si yé é a zén Saul nwiin. É pwɛpwɛ vɔ a ma yé é léé: Gakelebale ’ka nyɔnɔ zén lɛ i nwiin i plale alé munu nwiin we ma loo?

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.