2 Minwiinzannu 8:19 - Kazambale lé Sebe Sauunu 1979

¹⁹ Naa, Gakelebale wuozan David lé we ma, é ’ka a va léé, é Juda kulu ga lo, blivolɛdére lé é a fe léé, é dan kyɛbɔ nɔ lɛ a lɛ yifaama a kulunu méléna, a yɛrama.

2 Minwiinzannu 8:19 ပူးပေါင်းရင်းမြစ်များ

2 Samuɛl 21:17

Séruja be Abisai da bɔ lɛ David va, yé é Filisiti mi gyɛ yé é ga. Yé David lé munu bale ’nyɔɔn a lɛ léé: I ’ka dan go lɛ guli dan lɛ ko zuo é dɛrɛ lo, dé Izraɛl lé kyɛbɔ é da diri.

2 Samuɛl 7:15

naa, maa ’ka dan anlé zin si lɛ a ta, bélé fɛan zo lé maa a si Saul lé an sɔn vɔ a ma ilé we ma, a ta, a zo lo.

2 Samuɛl 7:16

Ilé kɔn valé ilé plale mi nwiin é dan kɛlɛ lɛ sɔbɛlawe nya lɛɛfaama; ilé webleblin é dan dɔ lɛ gligli lɛɛfaama.

1 Minwiinzannu 11:12

Naa, maa ’ka dan a kɛlɛ lɛ i yuɛma bléyi va lo, i ti David lé we ma. I be lee lé maa dan a si lɛ.

1 Minwiinzannu 11:13

Maa ’ka dan kalé tɛrɛ faa si lɛ a lee lo; maa dan bɛn do vo lɛ i be lee, an wuozan David valé Jérusalɛm lé maa a si a va, wolé we ma.

1 Minwiinzannu 11:36

maa dan bɛn do vo lɛ a be lee, léé, té an wuozan David lé kyɛbɔ é diri an yara, Jérusalɛm lé maa a si a va an tɔ pale a ma we gi, ana lo.

2 Minwiinzannu 11:2

Naa, Akazia buru, minwiinzan Joram lu Joséba, é Akazia be Joas si kyeen gi, minwiinzan benu lé wo wo gyɛ, wo méléna; yé é a nɔ é pazan lɛ yé wo yɔɔ yialafɛ tadɔkɔn gi. ’Bɛ zo léé, wa yɔɔ Ataali lee, yé wo ’ka a gyɛ lɛ lo.

2 Minwiinzannu 19:34

Ma dan fla ’ko takuun lɛ, a sile we gi we ma, Maa koo, an wuozan David koo, kolé we ma.

2 Minwiinmunu lé Wezuofe Sɛbɛ 21:7

Naa, Bale valé ’é wuozan David lé gi pale do lé we ma lé Gakelebale ’ka a va léé, é David kulu ga lo; blivolɛdére lé é a fe David lɛ léé, é dan kyɛbɔ nɔ lɛ yee valé é kulunu lɛ yifaama, ’bɛ we koo, é ziin.

Lɛrɛvɔ Sɛbɛ 132:10

I wuozan David lé we ma. Mian i nyɔnɔ zén a nwiin, té i yara yɔɔ a ma lo.

Lɛrɛvɔ Sɛbɛ 132:17

Ana lé maa dan David lé plɛplɛ nwa lɛ, Anlé mi lé, an nyɔnɔ zén a nwiin, maa dan kyɛbɔ ma’lɛrɛ lɛ a lɛ.

Ézai 37:35

Maa dan fla ’ko takuun lɛ, a sile we gi we ma, Maa koo, an wuozan David koo, kolé we ma.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

OZÉ (Osée) 11:9

Maa ’ka dan we kɛlɛ lɛ anlé bliflile yɛrama lo; Maa ’ka dan Éfraim sɛrɛ lɛ lo; Maa ’ka mi nya lo, maa a Bale nya, azama. Maa a Mi Sauun nya ka méléna; An ’ka dan da lɛ bliflile nya lo.