2 Minwiinzannu 8:12 - Kazambale lé Sebe Sauunu 1979

¹² Azaɛl léé: Mɛmalé anzan wuvɔɔ? Élizé a zi pa léé: We tɔntɔn lé i dan a kɛlɛ lɛ Izraɛl lé nénu lɛ, maa a dɔɔ, ’bɛzama; i dan wolé fla plɛplɛ kyɛ vɔ lɛ, i dan wolé pɛniɛnu gyɛ lɛ gwɔun nya, i dan wolé né kiénénu pun dɔ lɛ yé i dan wolé bɔnlomu bɔn gi bo lɛ.

2 Minwiinzannu 8:12 ပူးပေါင်းရင်းမြစ်များ

1 Minwiinzannu 18:13

Dé Jézabɛl a Gakelebale lé balelayezannu gyɛna, we lé maa a kɛlɛ, wo ’ka a fe lɛ anzan lɛ loo? Maa balelayezannu yɔ soru yɔɔ mi yɔ fié wɔlɛ vu vu gɔmagurunu gi yé maa buru valé ’yi nɔ wo lɛ.

1 Minwiinzannu 19:17

Yé é dan kɛlɛ lɛ léé, mian é so Azaɛl lé gwɔun lee, Jéu é dan a gyɛ lɛ, yé mian é so Jéu lé gwɔun lee Élizé é dan a gyɛ lɛ.

2 Minwiinzannu 12:17

Siri nwiinzan blɛn Azaɛl nwa yé é guli dan Gat munu va, yé é wo kele. É dɔ Azaɛl gi léé, é dan guli dan lɛ Jérusalɛm munu va.

2 Minwiinzannu 12:18

Fɛnu faa lé wa pa é yɛrama Bale zé nya koo, fɛnu lé a tranu, Juda nwiinzannu, Jozafat valé Joram valé Akazia a pa é yɛrama Bale zé nya koo, fɛnu lé yeebozen a pa é yɛrama Bale zé nya koo, kyan faa lé ke fɛwezannu tadɔna Gakelebale lé kɔn valé minwiinzan blɛn lé kɔn gi koo, Juda nwiinzan Joas a faa si yé é a faa pa zia Siri nwiinzan Azaɛl lɛ, yé ’bɛ ’ka da lɛ guli dan lɛ Jérusalɛm munu va lo.

2 Minwiinzannu 13:22

Siri nwiinzan blɛn Azaɛl nyané pa Izraɛl ta Joakaz lé tɛrɛla faa gi.

2 Minwiinzannu 13:3

Gakelebale bli fli Izraɛlnu ma, yé é wo pa Siri nwiinzan Azaɛl valé Azaɛl be Bɛn‐Adad lee, minwiinzan ’konu lé tɛrɛla faa gi.

2 Minwiinzannu 13:7

Wisootazannu yɔ fié wɔlɛ vu koo, goro vu koo, gane la sunyanu baa soru koo, wo saa lé Gakelebale a vo Joakaz lee, munu faa lé wo ke a va é vinin, wo va munu nya; naa, Siri nwiinzan blɛn mi pɔnénu gyɛ, yé é wo kɛlɛ bélé vun lé mi a zɔn é gane nya, a zo.

2 Minwiinzannu 15:16

Tifasak valé a ta munu koo, alé tɛrɛ faa, é sia Tiisa, ’bɛ koo, Ménaɛm wo gyɛ; wo ’ka flagɔrɔ lɛnu so lɛ a lɛ lo, amalé é wo gyɛ, yé é bɔnlomu faa bɔn gi bo.

2 Minwiinzannu 4:28

Yé lezan léé: Maa négɔné ma laa anzan lee yi laa? Maa ’ka yi la a fe lɛ léé, té i dabli kɛlɛ an lɛ lo loo?

Ézai 13:16

Wo dan wolé nénu ’wii lɛ wo yuɛ va; wo dan wolé kɔnnu ’wii lɛ, yé wo dan zɔwɛgyɛ lɛ wo nanu ta gla nya.

Ézai 13:18

Wo dan pɛniɛnu gyɛ lɛ wolé sa nya; wo nyanai ’ka dan zén lɛ wolé nénu ta lo; wo yuɛ ’ka dan dɔ lɛ né do kpen ma lo.

OZÉ (Osée) 10:14

kalé munu bɔ é dan gyɛ lɛ, yé kalé guliyɔɔkɔn plɛplɛnu faa guru é dan zana lɛ a gi, bélé Salman‐Bɛt‐Aabɛl guru zanale a gi gulidanyi nya zo, ’té wo né valé ’wo bunu wii ékeva fɛan zo, a zo.

OZÉ (Osée) 13:16

Samari nwa ’élé Bale ma, amalé maa dan we lɛdɔ lɛ a gi. Wo dan ga lɛ gwɔun lee; wo dan wolé nénu wii lɛ, yé wo dan bɔnlomu bɔn fia lɛ.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

Amɔs 1:13

Gakelebale léma: Amɔn munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo Galaad bɔnlomu bɔn fia, léé, ’wolé tɛrɛ ’é kɛlɛ blɛn, azama.

Naum 3:10

Duowo, é kɛlɛ lulami nya, é go ana luubale gi; wo alé nénu gyɛ ziblannu faa ta, wo ’munnu zun alé tɔzannu ma, yé wo gɔgɔbalenu vɔ alé mi blɛnnu faa ma.