2 Minwiinzannu 8:1 - Kazambale lé Sebe Sauunu 1979

¹ Élizé lé lezan lé é a be nwa gale va, a lɛ léé: ’I nwa yé ’i go, bii valé ilé kɔngimunu koo, yé ’i nyana fɛana lé i bɔalɛ, ana; naa, Gakelebale lɔrɔ dɔ yé é dan vo lɛ tɛrɛ la fɔɔ lɛɛ sɔrafié.

2 Minwiinzannu 8:1 ပူးပေါင်းရင်းမြစ်များ

Wepélisiananu 12:10

Lɔrɔ dɔ tɛrɛ la, yé Abram go nyana lɛ Éjipiti tɛrɛ la, naa, lɔrɔ blɛn dɔ azama.

Wepélisiananu 26:1

Lɔrɔ dɔ ana tɛrɛ la Izak bléyi va. Lɔrɔ vinin lé é dɔ Abraam bléyi va, ’bɛ kaan lo; yé Izak go Filisitinu nwiinzan Abimélɛk va, Géraa.

Wepélisiananu 41:25

Jozɛfu lé Faraɔn lɛ léé: Nyɛ fiénu ’ko gi a do; we lé Kazambale é dan a kɛlɛ lɛ, é a gɔɔn Faraɔn lɛ.

Wepélisiananu 41:32

Faraɔn lé nyɛ gyɛle gɔnɔ fié bɛ, ’bɛ gi léé, Kazambale ɛ a fe yé é dan a we kɛlɛ lɛ é kele.

Wepélisiananu 41:54

Yé lɔrɔdɔlɛɛ sɔrafié pélisia, Jozɛfu a fe fɛan zo, a zo. Lɔrɔ dɔ tɛrɛ faa la, naa, fɛblele ana Éjipiti tɛrɛ faa la.

Wepélisiananu 47:4

Yé wo lé Faraɔn lɛ é ziin léé: Lɔrɔ blɛn dɔ Kanaan tɛrɛ la yé i wuomunu lé ’blanu lé fɛblele ’ka ana é dɛrɛ lo, bɛwemalé ko da nyana lɛ tɛrɛ ’ko la, amalé ’i zi nɔ i wuomunu lɛ léé, ’wo nyana Gozɛn tɛrɛ la.

2 Samuɛl 21:1

David bléyi va lɔrɔ dɔ tɛrɛ la lɛɛ yaa. David Gakelebale yara gini yé Gakelebale léé: Saul valé élé kɔngimunu, mi nyɛzanamunu lé we ma lé. É Gabaɔn munu gyɛ, azama.

2 Samuɛl 24:13

Gad go David va yé é we ’ko fe a lɛ yé é léé: Lɔrɔ ’é dɔ ilé tɛrɛ la lɛɛ sɔrafié laa, taa, i vlan buru moné yaa ’té i nyanézannu i zuo bin‐é laa, taa, migyɛgyɛ ’é da ilé tɛrɛ la yi yaa? Sin, ’izé si a va, yé wean maa dan a fe lɛ an nwunvɔzan lɛ, yé maa dɔɔ.

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

1 Minwiinzannu 18:2

Yé Éli go ébo nagɔɔnle Akab lɛ we gi. Lɔrɔ dɔ é baba Samari tɛrɛ la.

2 Minwiinzannu 4:18

Yi do nya é go é ti zuo ’sagyɛmunu va,

2 Minwiinzannu 4:36

Élizé Géazi laa yé é léé: ’I Sunɛm le ’ko laa. Géazi a laa yé é da Élizé va yé ’bɛ lé a lɛ léé:

2 Minwiinzannu 4:38

Élizé da Gilgal é ziin, yé lɔrɔ dɔ ana tɛrɛ la. Balelayemunu a é nyanale a ’lɛ, yé é lé é wuozan lɛ léé: ’I bɔ blɛn dɔ kyɛ ta, yé ’i zian dɔne Balelayemunu lɛ.

2 Minwiinzannu 7:20

Yé é bɔ a zo webozen nya; munu a zɔn ’wo gane nya flagɔrɔ ’léé, yé é ga.

2 Minwiinzannu 8:2

Lezan nwa yé é tawo Bale lé mi dére ta; é go, yee valé élé kɔngimunu nya, yé é nyana Filisitinu lé tɛrɛ la lɛɛ sɔrafié.

Lɛrɛvɔ Sɛbɛ 105:16

Bale léé, lɔrɔ ’é dɔ tɛrɛ la, yé ’bɛ dɔ, Yé é wolé fɛblele nyaa wo lee.

Lɛrɛvɔ Sɛbɛ 107:34

Tɛrɛ lé éé fɛ dɔa di, éé a nɔlaan wɛtɛrɛ nya, Mi nyanénu lé woo nyanaan ana, wolé we ma.

Jérémi 25:29

Naa, ka ye, fla lé wo an tɔ laa ana, ana lé maa kun wenaané kɛlɛle ma, yé ’kaa, maa ’ka dan we lɛdɔ lɛ ka gi loo? We lɛdɔle ka gi ’ka dan vuru lɛ ka ma lo. Naa, maa dan tɛrɛlamunu faa gyɛ lɛ gwɔun nya. Maa, lai sunyanu lé Gakelebale ɛ ke a fena.

Lévinu 26:26

Kadɔplɛplɛfɛ lé ke kalé fɛblele nya, dé maa ’bɛ si ka lee, le vu é dan bɔ dɔne lɛ bɔ do gi, yé wo dan a guli lɛ ka ma, yé ka dan a ble lɛ yé ’bɛ ’ka dan ka kan lɛ lo.

Amɔs 4:6

Yé maa ɛ da lɔrɔ nya kalé fla blɛn faa ta, yé maa fɛblele vuru ka ma ka nyananu na. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Agajé 1:11

An lɛɛdabléyi nɔla yɛrɛgabléyi nya, tɛrɛ koo, gɔnu koo, ’sa koo, dɔrɔ dɛrɛ koo, nyɔnɔ koo, fɛ faa lé éé dɔa tɛrɛ ta koo, munu valé winu koo, mi panyanama faa koo, wo ma.

WENÉNÉ LÉ LUK A GYE (Évangile selon Luc) 21:11

tɛrɛ ma é dan nyɔɔn lɛ blɛn, yé migyɛgyɛ é dan da lɛ yé lɔrɔ é dan dɔ lɛ fɛ kena; mi gi nyɛ kiniwe é dan kɛlɛ lɛ yé tɔmase blɛnnu é dan kɛlɛ lɛ la gi.

WENÉNÉ LÉ LUK A GYE (Évangile selon Luc) 21:22

Naa, ’bɛ yinu é dan kɛlɛ lɛ we lɛgi pa yinu nya, we faa lé wa gyɛ sɛbɛ gi, a lɛsɔɔle we ma.

WENÉNÉ LÉ LUK A GYE (Évangile selon Luc) 4:25

Maa lé ka lɛ webozen nya léé, gyɛzaralomu kiɛre ana Izraɛl tɛrɛ la Éli bléyi va, ’té lɛɛ ’ka dan lo lɛɛ yaa moné suiɛdo, yé lɔrɔ blɛn dɔ ana tɛrɛ faa ta,

Kelewenu 11:28

Wo va mi do lé wa laama Agabu, é nwa, yé é we fe Kazambale Léli nya léé, lɔrɔ blɛn é dan dɔ lɛ tɛrɛ faa la. Yé wezen lé, é bɔ minwiinzan Klode bléyi va.

RUT (Ruth) 1:1

Weblezannu bléyi va, lɔrɔ dɔ Izraɛl tɛrɛ la. Mi do si Bɛtléɛm, Juda tɛrɛ la, é na valé é be fiénu nya é va, nyanale sɛ we gi Moab tɛrɛ la.