2 Minwiinzannu 7:1 - Kazambale lé Sebe Sauunu 1979

¹ Élizéé léé: ’Ka tɔné dɔ Gakelebale lɛ. Gakelebale léma: tɛlɛ, bléyi ’ko nya, wo dan burupun zima suo nya do ye lɛ sikla do nya, yé wo dan sɔnmlén suo nya fié ye lɛ sikla do nya, Samari flagɔrɔ ’léé.

2 Minwiinzannu 7:1 ပူးပေါင်းရင်းမြစ်များ

1 Minwiinzannu 22:19

Yé Misé léé: ’I Gakelebale dére ’ma ma. Maa Gakelebale ye é nyanale élé fuablin ta, yé lai sunyanu faa a é dɔle a sɔnɔ, a bɛyila valé a bɛbola.

2 Minwiinzannu 20:16

Yé Ézai lé Ézékia lɛ léé: ’I tɔné dɔ Gakelebale dére lɛ.

2 Minwiinzannu 4:42

Mi do si Baal‐Salisa yé é da. É da élé féifɛ vinin lé buru nya Bale lé mi lɛ, sɔnmlén buru yɔ do, é valé ’sa nɛnɛ dɛrɛ nya élé bɔlɔ gi. Élizé léé: Bé nɔ munu ’ko lɛ, ’wa ble.

2 Minwiinzannu 6:25

Lɔrɔ dɔ Samari é baba; yé wa mabɛn fɔɔ yé sokofale ’wuo do vlɛ kɛlɛ gɔɔlifu sikla yɔ ziɛn yé plawuo bo litré buu vlɛ kɛlɛ gɔɔlifu sikla soru.

2 Minwiinzannu 6:33

É a tan we fena wo lɛ tɔɔn, nwunvɔzan da a vazia, yé é léé: Bé ye, we tɔntɔn ’ko si Gakelebale va; mɛmalé an bli vo Gakelebale lɛ é dɛrɛɛ?

2 Minwiinzannu 7:16

Munu bɔra yé wo ’wii Sirinu lé sɔkɔn dɔna ta. Yé wo burupun zima suo nya do ye sikla do ma yé wo sɔnmlén suo nya fié ye sikla do ma, Gakelebale dére yɛrama.

Lɛrɛvɔ Sɛbɛ 46:5

Yuu do ana, Bale lé fla blɛn lé ke Loruzan nyanana lé kɔn sauun nya, ana, A yorole éé ana munu gi nanama;

Fwile 14:13

Moizi lé munu lɛ léé: Té ka kana we do kpen lee lo, ’ka dɔ flee, yé Gakelebale é dan ka si lɛ we gi fɛan zo kyɔ, ka dan a ye lɛ; naa, Éjipiti munu lé ka wo yé kyɔ, ka ’ka dan wo ye lɛ é dɛrɛ monomono lo.

Fwile 16:12

Gun lé Izraɛl lé nénu a gyɛ, maa a ’ma. Bé fe wo lɛ léé, nyanadi yiri zɔrɔ nya wo dan wi ble lɛ, yé bladi wo dan kan lɛ buru nya, yé wo dan a gi dɔɔ lɛ léé, maa a Gakelebale nya, wolé Bale nya.

Fwile 8:23

Ko dan tawo lɛ yi yaa nyéné la, yé ko dan sarakanu bo lɛ Gakelebale, kolé Bale lɛ ’bɛna, é dan fe lɛ ko lɛ fɛan zo, a zo.

Ézai 1:10

Sɔdɔm munu nwiinzannu, ’ka tɔné dɔ Gakelebale dére lɛ. Gɔmɔɔ munu, ’ka kolé Bale lé bélidɔwe ban ka tɔné nya.

Ézékiɛl 37:4

É lé an lɛ léé: ’I balelawe fe mi wɔlɛ ’konu lɛ. Bé fe wo lɛ léé: Mi wɔlɛ galenu, ’ka tɔné dɔ Gakelebale dére lɛ.

WENÉNÉ LE JAN A GYE (Évangile selon Jean) 6:9

Gɔné kporoné do ana ’ko, sɔnmlén buru soru valé pɔ fié a ’bɛ lee, ’naan, ’bɛ a mɛ fɛ nya mi kiɛre ’konu zé nyaa?

Jozué 3:5

Jozué lé munu lɛ léé: ’Ka kɛlɛ é zima, naa, tɛlɛ Gakelebale é dan gyɛzorowenu kɛlɛ lɛ ka méléna.

Wegɔɔnle 6:6

Maa dére do ’ma fɛ yuɛmale ziɛn meléna yé é léé: Buruwɔlɛ kana nya do dénié do; sɔnmlén kana nya yaa dénié do; té i nyɔnɔ valé dɔrɔ sɛrɛ lo.

1 Samuɛl 11:9

Nwunvɔzannu lé wo da wo va, wo lé ’bɛnu lɛ léé: ’Ka fe Jabɛs‐Galaad munu lɛ léé: Tɛlɛ, dé yiri a plɛplɛ, ka dan ka bɔavazannu ye lɛ. Nwunvɔzannu we ’ko fe Jabɛs munu lɛ, yé wo gi nana

1 Samuɛl 15:1

Samuɛl lé Saul lɛ léé: Maa lé, Gakelebale an nwunvɔ nyɔnɔ zénle i nwiin i kɛlɛle alé munu, Izraɛl munu nwiinzan blɛn nya we gi, amalé ’i tɔné dɔ Gakelebale dére lɛ.