2 Minwiinzannu 5:7 - Kazambale lé Sebe Sauunu 1979

⁷ Dé Izraɛl minwiinzan nyaa sɛbɛ tafele nya tɔɔn, ’élé sɔnu fia yé é léé: Maa a bale do nya, mi gyɛle valé mi vole é yuɛma we gi, yé éé a fé an lɛ léé, maa pantɛn si mi maa? ’Ka gini do, yé ’é dɔ ka gi léé, é a an ’léé wɛɛna.

2 Minwiinzannu 5:7 ပူးပေါင်းရင်းမြစ်များ

Wepélisiananu 30:2

Jakɔb bli fli Rasɛl ma yé é léé: Maa a Bale nya yé an né yaale yi ga i lee?

Wepélisiananu 37:29

Rubɛn da é ziin ’yiguru ta, ’té Jozɛfu ’ka guru gi é dɛrɛ lo. Yé é ’élé sɔnu fia,

Wepélisiananu 50:19

Jozɛfu lé wo lɛ léé: Kana ’é si ka gi ma. Maa ɛ Bale pagi siéé?

2 Samuɛl 1:11

David kun élé sɔ ma yé é a fia yé munu lé wo ke a sɔnɔ wo faa yee duo kɛlɛ.

1 Minwiinzannu 20:7

Izraɛl nwiinzan blɛn élé tɛrɛ la mi segelenu faa laa yé é léé: ’Ka gini, yé ka gi dɔɔ léé, mi ’ko a a va léé, é we naané kɛlɛ ko lɛ; naa, é we pa an lɛ zia, an nanu valé anlé nénu koo, anlé gɔɔli valé anlé kyan koo, a ma laale we gi yé maa ’ka a gba vɔ lɛ a lɛ lo.

2 Minwiinzannu 11:14

Yé bé ye, minwiinzan blɛn a é dɔle kpala ta Izraɛlnu zé kɛlɛbɛ zo; sunyanu nwiinmunu valé bélinu a minwiinzan sɔnɔ; ana tɛrɛlamunu faa gi nana yé wo béli fɛn. Ataali élé sɔnu fia yé é siaa léé: Mi ma we blele lé! Mi ma we blele lé!

2 Minwiinzannu 18:37

Yé Ilkija be Éliakim lé ke minwiinzan lé kɔn nwiinzan nya, ’bɛ koo, sɛbɛgyɛzan Sɛbina koo, sɛbɛtadɔzan Azafa be Joak koo, wo go Ézékia va, ’té wo ’wolé sɔnu fia, yé wo Rabasaké dére fe a lɛ.

2 Minwiinzannu 5:6

Izraɛl minwiinzan lé sɛbɛ a a lee, ’té wa gyɛ a gi léé: Sin, dé i sɛbɛ ’ko ye, i dan a gi dɔɔ lɛ léé, maa an wuozan Naaman pa i lɛ zia léé, ’i alé pantɛn si a ma.

Jérémi 36:24

Minwiinzan blɛn valé é wuozannu faa lé wo we ’konu ’ma, é ’ka kana zén lɛ wo gi lo; wo ’ka wolé sɔnu fia lɛ lo.

Daniɛl 2:11

We lé minwiinzan blɛn a laa, é a tɔntɔn; mi do kpen ’ka bɔa a fele lɛ minwiinzan blɛn lɛ lo, ’té dé é ’ka balenu lé wo ’ka nyanaan munu va lo, wo nya lo.

OZÉ (Osée) 6:1

Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

Mi Nɔnɔle 14:6

Munu lé wo go tɛrɛ nagini lɛ, wo va munu lé wo ’wolé varɔ fia, Nɛn be Jozué valé Jéfuné be Kalɛb lé.

Matio 26:65

Yé Balebanmunu ’lɛzan élé sɔ fia yé é léé: É Kazambale sɔnɔ! Ko mawe a é ziin wenayezan bɛ gii? Ka alé sɔnɔwodére ’ma sin. É dɔ ka gi kaa?

Kelewenu 14:14

Nwunvɔzannu Banabas valé Pɔl, wo we ’ko ’ma aan wo, wo ’wolé sɔnu fia yé wo vlan buru fiéfié munu worona, siaale nya léé:

Bélidɔwesɛbɛ Fiézan 32:29

Dé é a lé wo we dɔɔ, ’té we lé wa ’ma, yee lé ke ’ko: Yé ’té wo gi bɔrɔan we lé é dan bɔ lɛ wo ma, a lɛ.

Bélidɔwesɛbɛ Fiézan 32:39

Amalé, ka gi dɔɔ léé, maa ɛ ke Bale nya, Yé bale bɛ ’ka lo; Maa ɛ mi voo é yuɛma, yé maa ɛ mi gya, Maa ɛ mi tuoan, yé maa ɛ mi bélié, Yé mi do kpen ’ka bɔa mi sile lɛ an lee lo.

1 Samuɛl 2:6

Gakelebale éé fɛ gya yé éé fɛ bélié. Éé mi zunwo gamunu nyanana yé éé mi sié ana.