2 Minwiinzannu 5:16 - Kazambale lé Sebe Sauunu 1979

¹⁶ Élizé a zi pa léé: Gakelebale lé an ke a wuozan nya, é a é yuɛma. Maa ’ka a sié lo. Naaman a tunu, naa, é ’ka a nyi si lɛ lo.

2 Minwiinzannu 5:16 ပူးပေါင်းရင်းမြစ်များ

1 Minwiinzannu 13:8

Bale lé mi lé minwiinzan blɛn lɛ léé: Dé i ilé kɔngifɛnu lɛ do nɔ an lɛoo, an ’ka wɔraan i va lo. Maa ’ka dan buru ble lɛ fɛkona lo, yé maa ’ka dan ’yi mini lɛ fɛkona lo;

1 Minwiinzannu 17:1

Galaad tɛrɛ la mi do, Tisibi mi Éli lé Akab lɛ léé: Gakelebale, Izraɛl lé Bale lé maa ke a wuozan nya, é a é yuɛma. Lɛɛ ’konu wuo, lɛɛ ’ka dan da lɛ lo yé fli ’ka dan vɔ lɛ lo, ’té dé maa ’ka a fe lɛ lo.

1 Minwiinzannu 18:15

Naa, Éli léé: Lai sunyanu lé Gakelebale lé an ke a wuozan nya, é a é yuɛma. Maa dan anbo nagɔɔn lɛ Akab lɛ kyɔ.

2 Minwiinzannu 3:14

Élizé léé: Sunyanu lé Gakelebale lé maa ke a wuozan nya, é a é yuɛma; dé é ’ka kɛlɛ lɛ Juda minwiinzan Jozafat lé we ma lo, ’té maa ’kanɔ an yara nɔlaan i ta lo, ’té maa ’kanɔ an yuɛ vɔa i ta lo.

2 Minwiinzannu 5:20

Bale lé mi Élizé wuozan Géazi lé é bli gi léé: Anzan Siri mi Naaman ’ko vo yé fɛ lé é da a nya, é ’ka a si lɛ a lee lo; Gakelebale a é yuɛma. Maa dan vlan buru lɛ a zuo yé maa dan fɛ ke si lɛ.

2 Minwiinzannu 5:26

Naa, Élizé lé a lɛ léé: Dé gɔné ’ko zun élé goro gi yé é i si zia ’naan, ’té an léli ’ka ana loo? Gɔɔlifu koo, sɔnu koo, ɔliviyili koo, dɔrɔyili koo, ’blanu koo, dirinu koo, wuogɔnénu valé wuolomu koo, wo sibléyi lé ke koo?

Daniɛl 5:17

Daniɛl a zi pa minwiinzan blɛn lɛ léé: ’Ilé fɛ zinnu tadɔ, yé ’i blɛ kɛlɛ mi bɛnu lɛ. Naa, duowo, maa dan sɛbɛ ’ko ta fe lɛ minwiinzan blɛn lɛ, yé maa dan a gi fe lɛ a lɛ.

Matio 10:8

’Ka gyɛgyɛmunu béli, ’ka gamunu nwa, ’ka pantɛn si munu ma, ’ka yonu si munu gi. Ka a ye é pla, ’ka a nɔ blɛ nya é pla ma.

1 Korent munu 6:12

Mi kenu léé: A se a an lɛ léé, an we faa kɛlɛ. ’Bɛ a webozen nya, naa, we faa ma tɔnɔ ’ka lo. An bɔa a fele lɛ léé: A se a an lɛ léé, an we faa kɛlɛ. ’Bɛ a webozen nya, naa, maa ’ka a nyi sié léé, maa kɛlɛ fɛ do kpen lé luu nya lo.

2 Korɛnt Munu 12:14

Ka ye, maa anlé kɔné bɛ pa ékema gole ka va we gi a gɔnɔ yaazan nya, yé an ’ka dan kɛlɛ lɛ ka nwiin kɔné nya lo; naa, maa ’ka ka leefɛ naginina lo, kabozennu lé maa ke a naginina. É ’ka lé nénu é fɛ zun dɔ wo yaazannu lɛ lo, wo yaazannu ɛ fɛ zun dɔa wolé nénu zé nya.