2 Minwiinzannu 4:9 - Kazambale lé Sebe Sauunu 1979

⁹ Lezan lé é zana lɛ léé: Bé ye, maa gi dɔɔ léé, mi ’ko lé éé giéan kolé kɔn ’léé yifaama, é a Bale lé mi sauun do nya.

2 Minwiinzannu 4:9 ပူးပေါင်းရင်းမြစ်များ

1 Minwiinzannu 13:1

Bé ye, Bale lé mi do si Juda tɛrɛ la Gakelebale dére ta, yé é bɔ Bétɛl bléyian va lé Jéroboam a é dɔle balebanna sɔnɔ lasikɔrɔ kyɛblele we gi, a bléyi va.

1 Minwiinzannu 17:18

Yé le ’ko lé Éli lɛ léé: Bale lé mi, mɛ we ɛ ke ko mélénaa? I da anlé kɔn gi anlé weple sele dɔle an gi, é valé an be gyɛle we gii?

1 Minwiinzannu 17:24

Yé lezan lé Éli lɛ léé: Maa gi dɔɔ sin léé, i a Bale lé mi nya, Yé Gakelebale dére lé ke i ’léé, é a webozen nya.

2 Minwiinzannu 4:7

É go a zuo fe lɛ Bale lé mi lɛ yé ’bɛ léé: ’I go nyɔnɔ dan, yé ilé vɛɛn banwo; yé gɔɔli lé é vo, ’i bii valé i benu mawe kɛlɛ a nya.

2 Minwiinmunu lé Wezuofe Sɛbɛ 25:7

Bale lé mi do da a va yé é léé: Minwiinzan blɛn, té Izraɛl lé sunyanu é pa i va lo ma; naa, Gakelebale ’ka Izraɛl va lo; Éfraim munu faa ’ko, é ’ka wo va lo.

Matio 5:16

Kalé san ’é munu va kini yee ɛ zo ma, wolé ka kɛlɛwe zinnu yele we ma yé ka Ti lé é ke la gi yé wa tɔ zin bɔ.

Bélidɔwesɛbɛ Fiézan 33:1

Kazambale lé mi Moizi Izraɛl lé nénu drɔɔan vo ’é gale ’lɛ, yee lé ke ’ko:

1 Tɛsalɔnik munu 2:10

Ka lé ka bli vo Bale lɛ, ko giébɛ a ka vazia sauun, é a tegele, é a wéiin. Ka a we ’ko nayezannu nya, yé Kazambale a ’bɛ nya é ziin.

1 Timoté 6:11

Naa, bii Kazambale lé mi, ’i vlan buru we ’konu lee, yé we tegele koo, Kazambale lé zi sɔlɛle koo, blipale koo, sɔlɛle koo, bli tiéé koo, bli drɔɔ koo, ’i kwa kuli léé, wo vɔ i bli gi.

Tite 1:8

Naa, ’é kɛlɛ bɛn sɔlɛzan koo, wezin sɔlɛzan koo, ’wuoatazan koo, mi tegele koo, bo nɔ Bale lɛzan koo, bokunzan koo, a nya;

1 Piɛri 3:1

Gɔné nanu, ka é ziin, ’ka pla ka zananu wuo, léé, dé gɔné kenu ’ka Bale dére lɛdɔama lo, dé mi do kpen ’ka we fé wo lɛ looo, wo dan si lɛ we gi ’wo nanu kɛlɛwe ma,

2 Piɛri 1:21

Munu lé blibɔmawe ’ka da lɛ balelawefele do kpen nya monomono lo, naa, Léli Sauun ɛ Kazambale lé munu nyunu yé wa fe Kazambale tɔ gi.

2 Piɛri 3:2

Maa a a va léé, wenu lé balelayemunu sauun a fale vɔ ka lɛ, a sele ’é vo ka gi, yé é ziin, Mizan lé é ke mi Bélizan nya, bélidɔwe lé é a nɔ ka lɛ élé nwunvɔmunu lɔlu nya, yé ’bɛ sele ’é vo ka gi.