2 Minwiinzannu 4:1 - Kazambale lé Sebe Sauunu 1979

¹ Balelayemunu va mi do na siaa Élizé lɛ yé é léé: I wuozan, an zana, ga, yé bé gi dɔɔ léé, yee i wuozan éé kanaan Gakelebale lee; sin, vɛɛnzan da anlé nénu fié si lɛ, wo kɛlɛle luunu nya we gi.

2 Minwiinzannu 4:1 ပူးပေါင်းရင်းမြစ်များ

Wepélisiananu 22:12

Lanje léé: Té i bɛ mane né ma lo; té i we do kpen kɛlɛ a lɛ lo; naa, sin maa a gi dɔɔ léé, i kanaan Kazambale lee yé i ’ka i be wɔlɛ do kpen Izak nyané kɛlɛ lɛ an lɛ lo.

1 Minwiinzannu 18:3

Yé Akab élé kɔn nwiinzan Abudias laa. (Naa, Abudias éé kanaan Gakelebale lee é baba;

1 Minwiinzannu 20:35

Balelayezannu va mi do lé é bɔluzan lɛ Gakelebale dére nya léé: Ilé zanté, ’i an bla. Naa, mi ’ko ’ka a blale nyi si lɛ lo.

2 Minwiinzannu 2:15

Balelayemunu lé ke Jériko yara, wa ye aan wo, wo léé: Éli léli vɔ Élizé ta. Yé wo go a si lɛ zia yé wo dia ’wo bli la a ’lɛ.

2 Minwiinzannu 2:3

Balelayezannu lé wo ke Bétɛl, wo da Élizé va yé wo lé a lɛ léé: Bé gi dɔɔ léé, Gakelebale é dan go lɛ kyɔ izan nya loruu? Yé é a zi pa léé: Maa a gi dɔɔ é ziin; ’ka tadɔ.

2 Minwiinzannu 2:5

Balelayezannu lé wo ke Jériko, wo bié Élizé va yé wo lé a lɛ léé: Bé gi dɔɔ léé, Gakelebale é dan go lɛ kyɔ izan nya loruu? Yé é a zi pa léé: Maa a gi dɔɔ é ziin; ’ka tadɔ.

2 Minwiinzannu 2:7

Balelayezannu va mi yɔ fié wɔlɛ vu da yé wo dɔ Juudɛn ’lɛ baa sɛ, yé woo mi fié dɔ Juudɛn gɔɔn ma.

2 Minwiinzannu 4:38

Élizé da Gilgal é ziin, yé lɔrɔ dɔ ana tɛrɛ la. Balelayemunu a é nyanale a ’lɛ, yé é lé é wuozan lɛ léé: ’I bɔ blɛn dɔ kyɛ ta, yé ’i zian dɔne Balelayemunu lɛ.

2 Minwiinzannu 6:9

Naa, Bale lé mi we pa Izraɛl minwiinzan lɛ zia léé: Té i go fɛkona lo, naa, Siri munu a gona ’bɛna.

Néémi 10:31

yé dé tɛrɛ ’ko la munu da danfɛnu valé blefɛnu nya flinyi nya wo danle we ma, ko fe léé, ko ’ka dan wo va fɛ do kpen lɔ lɛ flinyi valé fɛtiyi la lo, yé é ziin, ko fe léé, a lɛɛ sɔrafiézan nya, ko ’ka dan féi pa lɛ lo, yé munu lé kolé vɛɛn ke wo ma, ko ’ka dan go lɛ vɛɛn la wo va ’bɛ lɛɛ gi lo.

Néémi 7:2

Maa we fe an bwe Aanani valé Aanania lɛ. Aanania ’ko a Jérusalɛm lé kɔn plɛplɛ nwiinzan nya; é a yarapawelazan valé kanaan Bale leezan nya é mini mi kiɛre zé ta.

Lɛrɛvɔ Sɛbɛ 103:11

Naa, fɛan zo lé la ke é sile tɛrɛ ma baa, A zo lé alé zin ke blɛn, munu lé woo kanaan a lee, wo vazia.

Lɛrɛvɔ Sɛbɛ 103:17

Naa, munu lé woo kanaan Gakelebale lee, alé zin éé voo wo ta lɛɛfaama, Yé a nyanai éé zén‐é wo é nénu é nénu ta,

Lɛrɛvɔ Sɛbɛ 115:13

Munuan woo kanaan Gakelebale lee, é dan wo drɔɔ vo lɛ, Mi kiénénu koo, mi segelenu koo, woo lé.

Lɛrɛvɔ Sɛbɛ 147:11

Munu lé woo kanaan Gakelebale lee, wonu ɛ sɔa a lɛ. Woan woo bli kɛla alé zin lɛ, wonu ɛ sɔa a lɛ.

Wegɔnévɔlenu 22:7

Fuablezannu éé plaan nyanégyɛzan nwiin, yé mi lé éé vɛɛn sié é a vɛɛnzan lé luu nya.

Bale Lé We Gifezan 12:13

Wedɔɔzannu dérenu a bélé foroné zo; dé wa é gyɛle ékeva fɛ dona, wa bélé pɔnténu lé wo wo blin, wo zo; dére ’konu faa si mi do ’léé.

Bale Lé We Gifezan 8:12

Duowo, dé wenyanékɛlɛzan wenaané kɛlɛ gɔnɔ yɔ soru, yé é mɔn a kɛlɛnaoo, maa gi dɔɔ é ziin léé, munu lé woo kanaan Kazambale lee, wezin a wozé nya; woo kanaan a lee, azama.

Ézai 50:1

Gakelebale léma: Lebɔrasɛbɛ lé maa gyɛ yé maa ka bu bɔra a nya, é kaa? Taa, an ma vɛɛn pazan kyɛn lɛ lé maa ka nɔ anlé vɛɛn ban laa? Ka ye, kalé weplenu ma lé maa ka dan, Yé kalé wenyanénu lé we ma lé an ka bu bɔra.

Jérémi 34:14

Lɛɛ sɔrafié giéle zuo, ka faa do do, ka bwe Ébrunu lé wo wobo dan ka lee, ’ka wo vo wobo ma. ’Wo nyanama pa i va lɛɛ suiɛdo, ’bɛ zuo yé bé si ilé kɔn ’léé, yé ’é vo ébo ma. Naa, ka tranu ’ka wo tɔné dɔ lɛ an dére lɛ lo, wo ’ka an ban lɛ wo tɔné nya lilo.

Lévinu 25:48

a tabole se ana, abo dɔle zuo; a bwenu é bɔalɛ léé, wa tabo.

Malasi 3:16

Yé munu lé woo kanaan Gakelebale lee, wo we fe ’wo ke lɛ, yé Gakelebale é tɔné dɔ yé é a ’ma; yé wo sɛbɛ do gyɛ Gakelebale yuɛ va, munu lé woo kanaan a lee, ’té wa tɔ bɔa, wo sele dɔle a gi we ma.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Matio 18:25

Fɛ do kpen ’ka aan wo gɔnézan lee vɛɛn banwofɛ nya lo, azan léé, ’wa dan, yee koo, a na koo, alé nénu koo, alé fɛnu faa koo, ’wo wo dan, ’élé vɛɛn banwole we ma.

Matio 18:30

’Bɛ ’ka sɔ lɛ a lɛ lo, yé é go a vɔ lɛ bokɔn gi fɔɔ, yé ’bɛ alé vɛɛn banwo a lɛ.

Matio 18:35

A zo lé an Ti lé é ke la gi é dan a kɛlɛ lɛ ka lɛ, ’té dé ka faa ’ka ka bwenu ma we voo ka bli faa nya lo.

Kelewenu 13:26

An bwenu, ka lé ka ke Abraam kululazannu nya, ka lé ka kanaan Kazambale léé, wo misiéwegidére ’ko pa kaanu ɛ lɛ zia.

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

Wegɔɔnle 15:4

Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.

Wegɔɔnle 19:5

Yé dére do si webleblin va yé é léé: ’Ka kozé Bale tɔ zin fe; ’kaa a wuozannu faa, ka lé ka kanaan a lee, mi kiénénu valé mi blɛnnu, ’ka kolé Bale tɔ zin fe.

RUT (Ruth) 1:3

Naomi zana Élimélɛk ga yé é vo é be fiénu lee.

1 Samuɛl 22:2

Munu lé wo ke we tɔntɔn gi koo, wonu lé vɛɛn ke wo ma koo, wonu lé wo gi ’ka é nanale lo koo, wo zén ékeva a va yé é kinin wo zilɛzan nya. ’Bɛ zo lé munu zén a va, dé mi wuru fié léé?