2 Minwiinzannu 3:25 - Kazambale lé Sebe Sauunu 1979

²⁵ Wo flanu guru zana a gi. Wo faa do do gɔlɛ vuli féi zimanu ta, yé wo wo ta sɔɔla wo nya. Wo ’yibɔnanu faa lɛ tan yé wo yili zimanu faa sɛrɛ; yé paalu vuli munu Kii‐Arésɛt zi lɛ sɔɔ, yé wo wo guru zana a gi yé wo gɔlɛ saa vo ana.

2 Minwiinzannu 3:25 ပူးပေါင်းရင်းမြစ်များ

Wepélisiananu 26:15

’Yigurunu faa lé Izak ti lé nyanamapamunu a bo a ti Abraam bléyi va, Filisitinu fɛ zén wo gi yé wo wo fan tɛrɛ nya.

Wepélisiananu 26:18

’Yigurunu lé wa bo Izak ti Abraam bléyi va yé Filisitinu wo fan tɛrɛ nya Abraam gale zuo, Izak wo gi si é ziin. Tɔnu lé a ti a pa wo ma é kyɛn, yee tɔnu duo lé é a pa wo ma.

2 Samuɛl 8:2

É guli dan Moab munu va yé é wo yia tɛrɛ va yé é bawɔrɔ dan wo yiale ’léé ma; é bawɔrɔ nya fié munu gyɛ yé é bawɔrɔ nya do munu vo é yuɛma. Yé Moabnu pla David wuo, ’té woo gɔɔli banwoo a lɛ.

2 Minwiinzannu 3:19

kalé guli bɛ é dan dia lɛ fla plɛplɛnu faa valé fla vabolenu faa ta, ka dan yili zimanu faa sɛrɛ lɛ, ka dan ’yibɔnanu faa lɛ tan lɛ, yé ka dan féi zimanu faa sɛrɛ lɛ gɔlɛnu nya.

2 Minwiinzannu 3:24

Yé wo tawo Izraɛl lé sɔkɔn dɔna ma. Naa, Izraɛl nwa yé wo Moabnu gyɛ, yé Moabnu vlan buru wo lee. Wo wɔra wolé tɛrɛ la boenwo, yé wo Moabnu gyɛ.

2 Minwiinzannu 3:26

Moab minwiinzan a ye léé, guli bɛ mini ’é lɛ, é gwɔun soi munu si wuru yaa yɔ soru yé é kwa kuli léé, wo zi pla ’é ’lɛ yé é go Édom minwiinzan va tegele; naa, é ’ka bɔ lɛ a lɛ lo.

2 Minwiinmunu lé Wezuofe Sɛbɛ 32:4

Mi kiɛre zén ékeva, yé ’yibɔnanu valé ’yiyoro lé ke fɛkona bɛ, wo wo lɛ tan. Wo léé, dé Asirinu nwiinzan blɛnnu da, té wo bɔ ’yi kiɛre ma lo.

Ézai 15:1

Balelawe lé Ézai a fe Moab tɛrɛ ma, yee lo. Yian nya lé wo ’wii Aa‐Moab munu ta é béli, wo fla sɛrɛle nyaa. Yian nya lé wo ’wii Kii‐Moab munu ta é béli, wo fla sɛrɛle nyaa.

Ézai 16:11

É ziin, an gi éé nyɔɔn‐an an ma bélé kɔnɔ bale nyɔɔnle zo Moab lé we ma, yé an dunnuan an gi Kii‐Arɛs lé we ma.

Ézai 16:7

Bɛwemalé Moab munu a dunnuna Moab tɛrɛ lé we ma, wo faa a dunnuna. Ka dan bamaflin lɛ Kii‐Arésɛt ’bin la, wa sɛrɛ naané.

Jérémi 48:31

Bɛwemalé an dunnuan Moab tɛrɛ lé we ma. An dunnuan Moab tɛrɛ faa lé we ma. Woo bamaflin woo Kii‐Érɛs munu lé we ma.

Jérémi 48:36

Ma a dunnuna an gi Moab lé we ma; maa a dunnuna an gi, Kii‐Érɛs lé munu lé we ma, alé fɛ zinnu faa lé wo wo zun dɔ, wo san wo lee, azama.

Bélidɔwesɛbɛ Fiézan 2:9

Gakelebale lé an lɛ léé, té ko guli vɔ Moab munu lɛ lo, té ko guli dan wo va lo; ’é ’ka dan wolé tɛrɛlafɛ do kpen nɔ lɛ ko lɛ lo, ’bɛzama; naa, ’é Aa nɔ Lɔt lé nénu lɛ wozé nya.

Weblezannu 9:45

Abimélɛk guli dan flamunu va yiéyi bléyi faa va; yé é a si yé é ana munu gyɛ. ’Bɛ zuo é fla guru zana a gi yé é wɛ nwɛɛn ana.