2 Minwiinzannu 25:9 - Kazambale lé Sebe Sauunu 1979

⁹ Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

2 Minwiinzannu 25:9 ပူးပေါင်းရင်းမြစ်များ

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

1 Minwiinzannu 9:8

Kɔn ’ko a é dɔle gɔ nwiin fɛan zo bɛ, dé mian gié a sɔnɔ, a gi é dan vuru lɛ a ma yé é dan ’furu fɛn lɛ. Wo dan a fe lɛ léé: Mɛmalé Gakelebale we kɛlɛ tɛrɛ ’ko valé kɔn ’ko lɛ a zoo?

2 Minwiinmunu lé Wezuofe Sɛbɛ 36:19

Wo Bale lé kɔn kyɛ ble; wo Jérusalɛm gɔrɔ guru zana a gi, wo fuakɔnnu faa kyɛ ble, yé wo fɛwezannu faa sɛrɛ.

Ezidras 5:12

Naa, ko tranu Lakɛlɛ?-?zan Bale blifliwe kɛlɛ, yé é wo vo Babilɔn nwiinzan blɛn Nébukanɛsaa, Kaldé mi lee, yé é kɔn ’ko sɛrɛ tata yé é go kolé munu nya luu gi Babilɔn.

Lɛrɛvɔ Sɛbɛ 79:1

Lɛrɛ lé Azafa a vɔ. Baleoo, Bale, bɛnnu ’wii ilé munu ta, Wo ilé kɔn sauun sɔnné sɛrɛ, Yé wo Jérusalɛm kɛlɛ é’bin nya.

Ézai 64:9

Ilé fla sauunnu vo bwi nya; Siɔn vo bwi nya, Jérusalɛm vo tétété.

Jérémi 17:27

Naa, dé maa ka béli dɔ léé, ’ka flinyi kɛlɛ yi nyané nya, té ka kɔné do kpen si a yi nya lo, té ka kɔné do kpen wɔra Jérusalɛm flinyi nya lo, naa, dé ka ’ka ka tɔné dɔ lɛ an lɛ lo, ’té maa dan kalé flagɔrɔ ’léé duolinu kyɛ vɔ lɛ, yé é dan Jérusalɛm lé fuakɔnnu kyɛ ble lɛ yé é ’ka dan diri lɛ pelo.

Jérémi 26:9

Mɛmalé i balelawe fe Gakelebale tɔ gi léé: Kɔn ’ko é dan kɛlɛ lɛ bélé Silo zoo? yé wo dan fla ’ko guru zana lɛ a gi, té mi do kpen ’ka dan vo lɛ ana loo? Munu faa zén ékeva Jérémi zi, Gakelebale lé kɔn gi.

Jérémi 34:2

Gakelebale Izraɛlnu lé Bale léma: ’I go, bé fe Juda nwiinzan blɛn Sédésias lɛ léma: Gakelebale léma: Bé ye, maa fla ’ko pa Babilɔn nwiinzan blɛn lee. É dan a kyɛ ble lɛ.

Jérémi 34:22

Gakelebale léé: Ka ye, maa dan we fe lɛ yé maa dan da lɛ wo nya fla ’ko ma, yé wo dan guli dan lɛ a va; wo dan a si lɛ yé wo dan a kyɛ ble lɛ. Yé maa dan Juda tɛrɛla flanu kɛlɛ lɛ bwi lé mi do ’kpen ’ka nyanaan ana lo, a nya.

Jérémi 37:10

Yé dé ka Kaldé sunyanu faa gyɛoo, dé tuomunu saa ɛ vo ana, wo faa é dan nwa lɛ wolé sɔkɔnnu gi do do yé wo dan fla ’ko kyɛ ble lɛ.

Jérémi 37:8

yé Kaldé munu é dan da lɛ wo pa gi é ziin; wo dan guli dan lɛ fla ’ko va; wo dan a si lɛ yé wa kyɛ ble.

Jérémi 39:8

Kaldé munu minwiinzan blɛn lé kɔn kyɛ ble, yee valé munu lé kɔnnu nya, yé wo Jérusalɛm zi gɔrɔnu faa zana a gi.

Jérémi 41:5

mi yɔ ziɛn lé wo si Sisɛm koo, Silo koo, Samari koo, wona, wo da ana, ’té wo puomagun a é bole yé wolé sɔnu a é fiale, ’té wo kɔlɛ ma a é mianle. Wo da blannu valé lasikɔrɔpo nya a plale Gakelebale lé kɔn gi we ma.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi 7:14

Amalé kɔn lé woo an tɔ laan ana, ’té ka bli ke a lɛ, ’té maa ana nɔ ka valé ka tranu lɛ bɛ, maa dan we kɛlɛ lɛ a lɛ, maa a kɛlɛ Silo lɛ fɛan zo, a zo.

Jérémi Lé Wuvɔ Sɛbɛ 1:10

Yaawotazannu ’wo bɛ soi Yé wo alé fɛwezannu faa si, Yé bɛnnu lé i wo zénle ékeva yi ga ilé munu nya, Wo wo ye wɔrana ilé fɛna sauun na.

Jérémi Lé Wuvɔ Sɛbɛ 2:7

Mizan léabo ’é banna ma, é sɔn vɔ élé fɛna sauun ma; É Siɔn lé fuakɔnnu pa wo nyanézannu lee, Wo siaa Gakelebale lé kɔn gi, yé wo wo dére ’ma baa, Bélé fɛan zo lé wa maan fɛtiyi la, a zo.

Jérémi Lé Wuvɔ Sɛbɛ 5:18

Yee lé ke léé, Siɔn kɛlɛ é ’bin nya, ’Té gwenu éé bɔrɔwoo ana.

Ézékiɛl 10:2

Yé Gakelebale lé, mi lé lɛnsɔ ke a ta, a lɛ léé: ’I go, fɛnu lé wo ke bélé goroganenu zo, ’té sérubɛnnu ke wo ta bɛ, wo méléna. Kyɛnyɛ lé é ke sérubɛnnu méléna, bé fan i bɛ fié nya, yé ’i wo nwɛɛn fla. Yé é go ana an yuɛ va.

Ézékiɛl 16:41

Wo dan ilé kɔnnu kyɛ ble lɛ, yé wo dan ilé we ble lɛ lomu kiɛre kiɛre yuɛ va. ’Bɛ zo lé maa dan ilé pɛnpɛnné gyɛle yi ga lɛ, yé i ’ka dan gɔnénu tɔrɔ paa lɛ é dɛrɛ lo.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Amɔs 2:5

Maa dan kyɛ bi lɛ Juda tɛrɛ la, yé é dan fuakɔnnu kyɛ ble lɛ Jérusalɛm.

Amɔs 6:11

Naa, Gakelebale a fe léé: Maa dan kɔn blɛn guru zana lɛ a gi, yé maa dan kɔn kiéné kɛlɛ lɛ é ’bin nya.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.