2 Minwiinzannu 25:4 - Kazambale lé Sebe Sauunu 1979

⁴ Yé wo zan dɔ flagɔrɔ ma; yé gulidanmunu faa vlan buru é béli, flagɔrɔ ’léé zi lé ke minwiinzan blɛn lé zian féi gɔrɔ fié méléna, a ta, bléyian va lé Kaldémunu fla zi lɛ sɔɔ, a bléyi va. Vlanburuzannu go fɛna pɛblɛɛna zi ta.

2 Minwiinzannu 25:4 ပူးပေါင်းရင်းမြစ်များ

2 Minwiinzannu 25:5

Naa, Kaldémunu lé sunyanu minwiinzan blɛn zuo bin yé wo bɔ a ma Jériko lé fɛna pɛblɛɛna, yé alé sunyanu kini ékema a ma.

2 Minwiinmunu lé Wezuofe Sɛbɛ 32:5

Ézékia bli ta dɔ plɛplɛ. Flagɔrɔ lé é ke é sɛrɛle, é a ma’lɛrɛ yé é a dɔ fɔɔ kɔn torole kiilii ma, yé é gɔrɔ bɛ bo a zi. Yé Milo lé é ke David lé fla, é a dɔ plɛplɛ, yé é gulidanfɛnu valé mibotakuunfɛnu ma’lɛrɛ kiɛre.

Néémi 3:15

Kol‐Ozé be Salum lé ke Misipa lé fɛna nwiinzan nya, flagɔrɔ ’léé lé wa laama ’yibɔna, é ’bɛ ma’lɛrɛ yé é ’bɛ lé duoli vɔ. É duoli ta loru lɛ tan, yé é a duoli vɔ yé é a lɛtan foliɛwɔlɛnu vɔ a ta. ’Bɛ ta loru, Siloé ’yiguru lé ke minwiinzan blɛn lé zianféi sɔnɔ, é ’bɛna gɔrɔ bo fɔɔ yé é bɔ sikalié lé é zunwo David lé fla, a ma.

Ézai 22:11

Ka ’yi téégifɛ kɛlɛ flagɔrɔ fié méléna, yé ka ’yiguru kyɛn lé ’yinu zén ’bɛ gi. Naa, mi lé we ’konu faa sɔ a lɛ, ka ’ka bɔn‐in bɔrɔan ’bɛzan ma lo; yé mi lé é wenu ’ko ma’lɛrɛ ana mɔn, ka ’ka ’bɛ yé lo.

Ézai 22:3

Ilé zilɛmunu faa wo dan vɔ lɛ fli gi ékeva é pla, ’té wo ’ka sa gana lɛ wo ma lo. Dé i tamunu vɔ fli gi baaoo, wo dan wo faa kun lɛ luu nya duowo.

Jérémi 32:4

Juda nwiinzan blɛn Sédésias ’ka dan so lɛ Kaldé munu lee lo, naa, wo dan a pa lɛ Babilɔn nwiinzan blɛn lee; wo dan we fe lɛ a nya wo ke yara, yé wo fiénu é dan wo ke yuɛ wɔlɛ ye lɛ;

Jérémi 34:3

Yé bii, wo dan i kun lɛ, yé wo dan i pa lɛ Babilɔn nwiinzan blɛn lee, i ’ka dan so lɛ a lee lo; ka dan ka ke ye lɛ a nya yé ka dan we fe lɛ ka ke yara a nya, yé é dan go lɛ i nya Babilɔn.

Jérémi 38:18

Naa, dé i ’ka go ibo nya Babilɔn nwiinzan blɛn lé zilɛzannu lɛ lo, maa dan fla ’ko pa lɛ Kaldé munu lee, yé wo dan a kyɛ ble lɛ, yé bii, i ’ka dan so lɛ wo lee lo.

Jérémi 4:17

Gakelebale léé: Wo diri Jérusalɛm zi bélé féitabinzannu zo. Jérusalɛm nwa an ma, azama.

Jérémi 4:29

Dé flamunu wisootamunu valé savulimunu vun ’ma tɔɔn, wo fwi. Wo go pɔrɔ gi, yé wo vɔ gɔlɛnu nwiin; Wo sɔn vɔ flanu ma; mi do kpen ’ka wona lo.

Jérémi 44:30

Gakelebale léma: Ka ye, maa dan Éjipitinu nwiinzan blɛn Faraɔn Ofra pa lɛ a nyanézannu lee, munu lé é sɔ wo lɛ léé, ’walé tɛrɛla nyaa, wo lee, fɛan zo lé maa Juda nwiinzan blɛn Sédésias pa a nyanézan Babilɔn nwiinzan blɛn Nébukanɛsaa lee, a zo, ’té é sɔ ’bɛ lɛ léé, ’bɛ a gyɛ.

Jérémi 5:10

’Ka vɔ a gɔrɔ bɔrɔ la yé ’ka a ’wii, Naa, té ka a zana tata lo. Alé dɔrɔyilinu lé wo ’ka Gakelebale zé nya monomono lo, ’Ka wo soowɔla.

Jérémi Lé Wuvɔ Sɛbɛ 1:3

Judamunu kɛlɛ lulazannu nya, yé wo kɛlɛ luu nya, ’té woo yaan wo ta. Woo nyanaan bɛnnu méléna, Yé wo ’ka flinna do yena pelo; Wolé kle blɛn blele gi, nyanépawotazannu faa éé bɔraan wo ma fiaa.

Jérémi Lé Wuvɔ Sɛbɛ 1:6

Siɔn tɔbɔle faa san é lee; A nwiinzannu kɛlɛ bélé yilédiri lé É ’ka é blena do kpen yé lo, a zo, ’Té plɛplɛ ’ka a lee lo, yé éé fwian mi lé ke a zuo binna, a ’lɛ.

Ézékiɛl 12:12

Wolé minisi lé ke wo va, é dan élé kɔné pla lɛ é bɛ la gunu dɔra bléyi va yé é go. Wo dan gɔrɔ guru fɔn lɛ yé wa bɔra ana. É dan sɔ zén lɛ é ’wuo ma, té é tɛrɛ ye lo we gi.

Ézékiɛl 12:14

A bɛgizannu faa lé wo ke a va, é valé alé sunyanu palunu nya, maa dan wo fwila lɛ fɛfaana. Maa dan wo zuo bin lɛ gwɔun nya.

Ézékiɛl 12:4

Ilé kɔné bɔra bélé giézan lé kɔné zo é yiéyi, wo yuɛ va. Yé bii, ’i go é nyanadi bélé fɛan zo lé luugimunu éé goo, a zo, ’té woo i yé.

Ézékiɛl 33:21

Ko kɛlɛle luu nya lé lɛɛ vu ta fiézan lé moné vuzan yi soruzan nya, Jérusalɛm mi do lé é vɔ fli gi, é da an va yé é lé an lɛ léé: Nyanézannu fla blɛn si.

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Lévinu 26:36

Ka va munu lé wo vo é yuɛma ’wo nyanézannu lé tɛrɛ la, maa dan wo zuru va nyɛ kini lɛ; yililaa vun lé é ke wena bɛ, a lee lé wo dan vlan buru lɛ; wo dan vlan buru lɛ bélé fɛan zo lé mi éé vlan buruwo gwɔun ’lɛ, a zo, ’té woo goo diale nya, dɔlé ’té mi do kpen ’ka wo zuo lo.

Zakari 8:19

Moné ziɛnzan lé lɔrɔsɔnle koo, moné soruzan lé lɔrɔsɔnle koo, moné sɔrafiézan lé lɔrɔsɔnle koo, moné vuzan lé lɔrɔsɔnle koo, wo dan nɔla lɛ Juda munu lɛ ginanayinu valé gi drɔɔ fɛtikɛlɛyinu nya. Naa, webozen valé vole drɔɔ ’é sɔ ka lɛ ma.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.

Bélidɔwesɛbɛ Fiézan 32:30

Dé wolé Gɔlɛ ’ka wo dan lɛ lo ’naan, Dé Gakelebale ’ka é bɛ si lɛ wo wuo lo ’naan, É kɛlɛ kaa yé mi do éé mi wuru soru zuo bin‐éé? É kɛlɛ kaa yé mi fié éé mi baa soru bin‐éé?