2 Minwiinzannu 24:7 - Kazambale lé Sebe Sauunu 1979

⁷ Éjipiti nwiinzan blɛn ’ka si lɛ élé tɛrɛ la é dɛrɛ lo, naa, fɛ faa lé ke Éjipiti nwiinzan blɛn lee, é sia Éjipiti lé yuu ma fɔɔ yé é bɔ Yufrat yuu ma, Babilɔn nwiinzan blɛn a si.

2 Minwiinzannu 24:7 ပူးပေါင်းရင်းမြစ်များ

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

1 Minwiinzannu 4:21

Salomɔn pla bɛntɛrɛnu faa nwiin, é sia yuu ma fɔɔ yé é bɔ Filisitinu lé tɛrɛ la, fɔɔ yé é bɔ Éjipiti tɛrɛ glɛ la; woo dan Salomɔn blan nya yé wo pla a wuo alé tɛrɛla faa gi.

Ézai 27:12

’Bɛ bléyi va Gakelebale é dan yilinu nyɔɔn lɛ yé wo poro é dan dia lɛ; é sia yuu yorole ma fɔɔ Éjipiti lé yuu blɛn va, ’kaa Izraɛlnu, é dan ka sia lɛ do do.

Jérémi 46:2

Éjipiti mawe lo: Éjipiti nwiinzan blɛn Faraɔn Néko lé é ke é nyanale Kaakémis, Yufrat yuu sɔnɔ bɛ, ’té Babilɔn nwiinzan blɛn Nébukanɛsaa a gyɛ Juda nwiinzan blɛn Jozias be Jojakim plale mi nwiin lɛɛ ziɛnzan gi bɛ, alé sunyanu mawe lé ke ’ko:

Jérémi 46:6

Dé mi bɛn ’ka looo, ’bɛ ’ka sié we gi lo, Dé mi a nyanazan nyaoo, ’bɛ ’ka so a lee lo. Wo sɔné éé saan, yé woo diaan Yufrat yuu gɔɔn ma, yirinwana bɛbolazia.

Ézékiɛl 30:21

Blami be, maa Éjipiti nwiinzan blɛn Faraɔn bɛ yéli, yé wo ’ka lia pa lɛ a ma a bélile we ma lo; wo ’ka sɔbɛ vuru lɛ a ma a dɔle é ke ’léé we ma yé é dɔ plɛplɛ yé é gwɔun duun é ziin a nya lo.

Ézékiɛl 30:22

Amalé Mizan Gakelebale léma: Maa a Éjipitinu nwiinzan blɛn Faraɔn ɛ ma yé maa dan a bɛnu yéli lɛ, a bɛ pla valé a yélile koo, woo fiénu lé, yé maa dan gwɔun so lɛ a lee yé é dia.

Mi Nɔnɔle 34:5

a péli sia Asimɔn yé éé nɔlaan fɔɔ yé é bɔ Éjipiti lé ’yiyoro plɛplɛ ma, yé é bɔ wɛyi ma.

Jozué 15:4

’bɛ zuo é Asimɔn kini yé é go fɔɔ Éjipiti lé yuu va yé é nyaa wɛyi ma. Yee lé ke kalé yirinwana bɛyilazia glɛ nya.