2 Minwiinzannu 23:4 - Kazambale lé Sebe Sauunu 1979

⁴ Balebanmunu ’lɛzan Ilkija koo, Balebanzannu palu fiézan koo, kɔn ’léé tabinzannu koo, minwiinzan blɛn lé wo lɛ léé, kananu lé wa kɛlɛ Baal koo, Asataté koo, lagifɛnu faa koo, wozé nya, ’wo wo bɔra Gakelebale lé kɔn gi, yé ’wo wo kyɛ ble Jérusalɛm gini ma, Sédrɔn féinu ta, yé ’wo go wo yee nya Bétɛl.

2 Minwiinzannu 23:4 ပူးပေါင်းရင်းမြစ်များ

2 Samuɛl 15:23

Fɛkona munu faa yuɛyi so, ’té woo wuvɔa plɛplɛ munu gié bléyi va. Minwiinzan Sédrɔn yuu kini yé munu faa gié zi lé é go bwi gi zia, a ta.

1 Minwiinzannu 12:29

Yé é diriné do dɔ Bétɛl, yé é a koɛ dɔ Dan.

1 Minwiinzannu 15:13

A bu segele Maaka miyili kɛlɛ Asataté zé nya amalé dé é a a bu segele nyaoo, é kɛlɛle minwiinle nya se si a lee. Aza alé miyili sɛrɛ yé é a kyɛ ble Sédrɔn yuu ma.

1 Minwiinzannu 16:31

Abo nɔle Nabat be Jéroboam lé wenyané kɛlɛle lɛ a a yuɛ gi we kiéné nya, yé é Sidɔn munu nwiinzan Étabaal lu Jézabɛl si é na nya yé é go Baal bɔ lɛ, ’té éé diaan é yara a ’lɛ.

1 Minwiinzannu 18:19

Sin, ’i Izraɛl faa zén ékeva an va, Kaamɛl gɔ nwiin, Baal lé balelayezannu wuru fié yɔ fié wɔlɛ vu valé Asataté lé balelayezannu wuru fié lé woo fɛ blé Jézabɛl lé tablé ta, woo koo é ziin.

1 Minwiinzannu 18:26

Dirigɔné lé wa nɔ wo lɛ, wa si, yé wa ma’lɛrɛ; yé wo Baal tɔ laa, é sia bladi fɔɔ yé yiéyi pa, ’té wa fé léé: Baal, ’i we ko lɛ! Naa, dére valé we zi pale ’ka lo. ’Té woo fɔrɔan Baal banna lé wa kɛlɛ, a ’lɛ.

1 Minwiinzannu 18:40

Éli lé wo lɛ léé: ’Ka Baal lé balelayezannu kun. Té wo va mi do kpen é so a ta lo. Yé wo wo kun. Éli zun wo nya Kizɔn yuubɛ gɔɔn ma yé é wo bɔrɔ bo ’bɛna.

1 Minwiinzannu 19:18

Naa, maa munu baa yaa wuru soru tadɔ Izraɛl, munu faa lé wo ’ka ’wo powuo zun lɛ Baal lɛ lo, ’té wo lɔlu ’ka pwɛpwɛ vɔ lɛ a ma lo, wo nya.

2 Minwiinzannu 10:26

Wo go Baal lé kɔn looné gi yé wo miyilinu bɔra béera yé wo wo kyɛ ble.

2 Minwiinzannu 12:10

Dé wa ye léé, gɔɔli kɛlɛ kiɛre kɛsu gi, minwiinzan lé sɛbɛgyɛzan valé Balebanmunu ’lɛzan éé dan yé gɔɔli lé ke Gakelebale lé kɔn gi yé wa nɔnɔ yé wa pa balanu gi.

2 Minwiinzannu 17:16

Wo Gakelebale, wolé Bale lé bélidɔwenu faa vo, yé wo diriné serele fié kɛlɛ, wo Asataté miyilinu kɛlɛ, wo dia ’wo bli la lagi fɛnu faa ’lɛ, yé wo Baal bɔ.

2 Minwiinzannu 21:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu dɔ; é Asataté miyili kɛlɛ, bélé Izraɛl nwiinzan Akab a kɛlɛ fɛan zo, a zo, yé é dia é bli la lagifɛnu faa ’lɛ, yé é wo bɔ.

2 Minwiinzannu 21:5

É lagifɛnu faa bannanu dɔ Gakelebale lé kɔn gɔrɔ fiénu gi.

2 Minwiinzannu 21:7

Asataté miyili lé é a kɛlɛ, é a dɔra Bale lé kɔn gi; kɔn lé Bale a fe David valé é be Salomɔn lɛ alé we ma léé: Jérusalɛm lé maa a si a va Izraɛl bɛnnu faa va, ’bɛ valé kɔn ’ko, maa dan an tɔ pa lɛ wo ma yifaama, yee kɔn lé.

2 Minwiinzannu 22:4

É lé a lɛ léé: ’I go Balebanzan Ilkija va, gɔɔli lé wo da a nya Gakelebale lé kɔn gi, é valé gɔɔli lé kɔn ’léé tabinzannu a si munu lee, ’é a zén ékeva.

2 Minwiinzannu 23:12

Yobannanu lé Juda nwiinzannu a kɛlɛ Akaz lé kɔn nwiin kɔngwa ta, wo valé yobannu lé Manasé a kɛlɛ Gakelebale lé kɔn gɔrɔ fié gi, minwiinzan wo sɛrɛ; wo sɛrɛle zuo é wo si ana yé é wo yee nwɛɛn Sédrɔn yuu va.

2 Minwiinzannu 23:15

Balebanna lé ke Bétɛl koo, gɔ nwiin yobanna lé Nébat be Jéroboam lé é Izraɛl kɛlɛ wenyanékɛlɛzannu nya, é a kɛlɛ koo, minwiinzan blɛn wo faa sɛrɛ; é gɔ nwiin yobanna kyɛ ble yé a yee bo, yé é miyili kyɛ ble.

2 Minwiinzannu 25:18

Balebanmunu ’lɛzan Séraja koo, Balebanzan fiézan Sofoni koo, kɔn ’léé tabinzannu yaa koo, sunyanu ’lɛzan wo si.

2 Minwiinmunu lé Wezuofe Sɛbɛ 15:16

Minwiinzan blɛn Aza naa Maaka miyili kɛlɛ Asataté zé nya, amalé é kɛlɛle mi nwiin le nya se si a lee. Aza alé miyili sɛrɛ, yé é a pun bo, yé é a kyɛ ble Sédrɔn yuu yorole plɛplɛ sɔnɔ.

2 Minwiinmunu lé Wezuofe Sɛbɛ 33:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu kɛlɛ; é miyilinu dɔ Asataté zé nya, yé é dia é bli la lagifɛnu faa ’lɛ, yé é wo bɔ.

2 Minwiinmunu lé Wezuofe Sɛbɛ 33:7

Yofoto lé é a nyaa, é a dɔra Bale lé kɔn gi; kɔn lé Bale a fe David valé é be Salomɔn lɛ alé we ma léé: Jérusalɛm lé maa a si a va Izraɛl bɛnnu faa va, ’bɛ valé kɔn ’ko, maa dan an tɔ pa lɛ wo ma yifaama, yee kɔn lé.

Ézai 27:9

’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Jérémi 52:24

Balebanmunu ’lɛzan Séraja koo, Balebanzan fiézan Sofoni koo, kɔn ’léé tabinzannu yaa koo, sunyanu ’lɛzan wo si.

Jérémi 7:9

Mɛ ɛ kɛlɛɛ? Ka kyeen woo, ka mi gya, ka mi bɛ na valé mi bɛ zana ginian, ka bale ’nyɔɔn‐an vié nya, ka lasikɔrɔpo kyɛ blé Baal lɛ, ka goo bale bɛnu lé ka ’ka wo dɔɔa lo, wo zuo.

Ézékiɛl 8:6

Yé é lé an lɛ léé: Blami be, we lé wa kɛlɛna, bé yee? Bozowe blɛnnu lé Izraɛl a kɛla ’ko, an sile anlé fɛna sauun na ma baa we gi, bé yee? Naa, i dan bozowe blɛnnu bɛ ye lɛ é ziin.

OZÉ (Osée) 4:15

Oo ’kaa Izraɛlnu, dé kabo nɔ bɔrɔdɛ kɛlɛle lɛ, té Juda ’é we dɔ ’é nwiin ’bɛ kɛlɛle nya lo; té ka go Gilgal lo; té ka go loru Bɛt‐Avan lo; té ka bale ’nyɔɔn a fele nya léé, Gakelebale a é yuɛma, lo.

Amɔs 4:4

Mizan Gakelebale léma: ’Ka go Bétɛl, ’ka wenyané kɛlɛ. ’Ka go Gilgal, ’ka wenyané taa kɛlɛ. ’Ka saraka bo tu valé é kinile ma, ’kalé fɛvuzanu nɔ yi yaa gɔnɔ do. ’Kalé bɔvɔ sarakanu bo lévɛn nya wo va. ’Kalé bli drɔɔ blɛnu zuo fe, ’ka a zana dɔɔ. ’Bɛ ɛ sɔ ’kaa Izraɛlnu lɛ.

Sofoni 1:4

Maa dan an bɛ mane lɛ Juda valé Jérusalɛm munu faa ma; maa dan Baal lé mi pɔnénu kulu ga lɛ fɛkona. Alé minisinu tɔ koo, a banmunu tɔ koo, an dan wo faa yi ga lɛ fɛkona.

Matio 26:3

Balebanmunu segelenu valé mi segelenu zén ékeva Balebanmunu ’lɛzan lé wa laama Kaifu, alé gɔrɔ gi.

Matio 27:1

’Bɛ é tu kini Balebanmunu segelenu faa valé mi segelenu wo ’wo va we ble Jézu gyɛle we ma.

WENÉNÉ LE JAN A GYE (Évangile selon Jean) 18:1

We ’konu fele zuo, Jézu valé é zuomunu go Sédrɔn yuu zi, fɛana lé zian féi ke, ana, yé é wɔra yee féi gi, yee valé é zuomunu nya.

Weblezannu 2:13

Wo si Gakelebale zuo, yé wo Baal valé Asataténu bɔ.