2 Minwiinzannu 22:13 - Kazambale lé Sebe Sauunu 1979

¹³ ’Ka go, sɛbɛ lé wa ye, ’ka a gi dére tawe laa Gakelebale lee, maa koo, munu koo, Juda faa koo, kolé we ma; naa, ko tranu ’ka Gakelebale dérenu lɛdɔ lɛ a ma monomono lo, yé we faa lé wa gyɛ sɛbɛ ’ko gi, wo ’ka a ta tawo lɛ monomono lo, amalé Gakelebale bli a flina ko ma é baba.

2 Minwiinzannu 22:13 ပူးပေါင်းရင်းမြစ်များ

2 Minwiinzannu 23:26

Naa, duowo, Gakelebale bli lé ke flina Judanu ma é baba, we faa lé Manasé a kɛlɛ a bli flile we gi, a we ma, Gakelebale ’ka daan lɛ é bliflile blɛɛn ma lo.

2 Minwiinzannu 3:11

Naa, Jozafat léé: Gakelebale lé balelayezan do kpen ’ka ’ko yé ko bɔa we laale lɛ Gakelebale lee a nya loo? Izraɛl minwiinzan wuozannu va mi do léé: Safat be Élizé lé, éé ’yi zén‐é Éli bɛ ma, ’bɛ a ’ko.

2 Minwiinmunu lé Wezuofe Sɛbɛ 29:6

Naa, ko tranu wenyané kɛlɛ, we lé é ke é naané Gakelebale kolé Bale yuɛ gi, wa kɛlɛ yé wo sɔn vɔ Bale ma; wo yara si Gakelebale lé kɔn la yé wo nwunzi dɔ a ta.

2 Minwiinmunu lé Wezuofe Sɛbɛ 34:21

’Ka go, sɛbɛ lé wa ye, ’ka a gi dére ta we laa Gakelebale lee, maa valé munu lé wo vo Izraɛl valé Juda tɛrɛ la, kolé we ma. Naa, ko tranu ’ka Gakelebale dérenu lɛdɔ lɛ a ma monomono lo, yé we faa lé wa gyɛ sɛbɛ ’ko gi, wo ’ka a ta tawo lɛ monomono lo, amalé Gakelebale bli a flina ko ma é baba.

Néémi 9:3

Wo dɔ wo dɔna, yé wo Gakelebale, wolé Bale lé sɛbɛ ta fe lɛrɛwɔlɛ suiɛdo gi, yé wo vo é diale Gakelebale wolé Bale ’lɛ lɛrɛwɔlɛ suiɛdo gi, ’té woo ’wolé wenyanénu fé.

Lɛrɛvɔ Sɛbɛ 106:6

Ko wenyané kɛlɛ bélé ko tranu zo, Ko weple kɛlɛ; ko wenaané kɛlɛ.

Lɛrɛvɔ Sɛbɛ 25:14

Munu lé woo kanaan Gakelebale lee, é a wo béé nya, Yé éé wo bɔn‐in kinié élé gipawe ma.

Lɛrɛvɔ Sɛbɛ 76:7

Jakɔb lé Bale bon‐ɛn la wo nya tɔɔn, Wisoonu valé wo tazannu, yi go wo nya baa.

Lɛrɛvɔ Sɛbɛ 76:8

Oo bii, i kana zén‐é mi gi. Dé i bli fli, de ɛ bɔa dɔle lɛ i ’lɛɛ?

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Wegɔnévɔlenu 3:6

’i gi bɔrɔ a ma ilé tawobɛ faa gi, yé é dan ilé zinu ta bɔ lɛ ékema.

Ézai 5:25

Bɛwemalé Gakelebale bli fli élé munu ma; é bɛ nwa léé, ’é wo bla. Gɔblɛnnu ma nyɔɔn; migalenu a bélé bli zo zinu ta. Dé é kɛlɛ ’bɛ zo‐oo, a bli ’ka dɔralaan lo, ’té a bɛ a wo gyɛn gi duowo.

Jérémi 16:12

Yé ’kaa, kalé wenaané kɛlɛle mini ka tranu zé ta, yé ka faa do do, ka we kɛla ka bligiwe naané yɛrama, ’té ka ’ka ka tɔné dɔa an lɛ pelo.

Jérémi 36:7

Dé Gakelebale é dan é tɔné dɔ lɛ wolé dunuvɔmadére lɛɛ? Yé dé wo dan si lɛ wolé wekɛlɛbɛ naané zuoo? Naa, Gakelebale bli flile valé a wɛwɛ lé é glawe fe munu ’ko lɛ wo nya bɛ, wa blɛn.

Jérémi 37:17

Minwiinzan blɛn Sédésias mi pa zia Jérémi sina bokɔn gi, yé é we laa a lee kyeen gi élé kɔn gi léé: Gakelebale we do fee? Jérémi a zi pa léé: Iin. É léma: Wo dan i pa lɛ Babilɔn munu nwiinzan blɛn lee.

Jérémi 44:17

Naa, dé ko wean fe, ko kɛla; é sɔ ko lɛ léé, ko lasikɔrɔpo kyɛ ble lagi fuale lɛ yé ko ’yi zana a lɛ, ko valé ko tranu koo, ko nwiinzan blɛnnu valé ko nwiinzannu koo, ko kɛla turu fɛan zo Juda tɛrɛ la flanu valé Jérusalɛm zinu ta, a zo. ’Bɛ bléyi va ko fɛ blé yé ko kaan, ko gi éé nanaan, ’té wenaané do kpen ’ka bɔa ko ma lo.

Jérémi Lé Wuvɔ Sɛbɛ 5:7

Ko tinu lé wo wenyané kɛlɛ, wo ’ka ana é dɛrɛ lo, Yé ko wo pagi weple kɔné si.

Daniɛl 9:10

Ko ’ka ko tɔné dɔ lɛ Gakelebale kolé Bale dére lɛ lo; bélidɔwenu lé é a nɔ ko lɛ a wuozannu balelayezannu lɔlu nya, ko wo sɛrɛ.

Lévinu 26:14

Naa, dé ka ’ka ka tɔné dɔ lɛ an lɛ yé ka an sɔnnénu faa pa lo,

Amɔs 3:7

Naa, Mizan Gakelebale ’ka we kɛla é pla lo, ’té dé é ’ka tan é giwe yɔɔle ga vɔ lɛ é leezannu balelayezannu la lo.

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Rom munu 3:20

Naa, mi do kpen ’ka dan kɛlɛ lɛ tegele a yuɛ gi bélidɔwe kɛlɛwenu nya lo, naa, bélidɔwe éé mi bɔn‐in kinié léé, ’é a wenyanékɛlɛzan nya.

Rom munu 4:15

Naa, bélidɔwe éé dan bliflile nya yé dé bélidɔwe ’ka lo, a sɛrɛwe ’ka lo é ziin.

Rom munu 7:9

É vinin, dé maa ’ka bélidɔwe la lo, ’té maa a é yuɛma; naa, bélidɔwe da aan wo, é a bélé fɛan zo lé wenyané vuo, yé an ga, a zo.

Bélidɔwesɛbɛ Fiézan 27:26

Mi lé é ’ka bélidɔwe ’konu kɛlɛle lɛ sɔɔan lo, ’té é ’ka wo ta tawoo lo, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

Wegɔɔnle 6:17

naa, wo blifliyi blɛn bɔ yé mi kyɛn ɛ bɔa dɔle lɛɛ?