2 Minwiinzannu 21:9 - Kazambale lé Sebe Sauunu 1979

⁹ Naa, wo ’ka a lɛdɔ lɛ a ma lo; yé Manasé lé we ma lé wo zi saan yé wo wenaané kɛlɛ é mini bɛnnu lé Gakelebale wo kulu ga Izraɛlnu ’lɛ, wo ta.

2 Minwiinzannu 21:9 ပူးပေါင်းရင်းမြစ်များ

1 Minwiinzannu 14:16

Wenyanénu lé Jéroboam a kɛlɛ, é valé wenyané lé é a vɔ Izraɛlnu lee, alé we ma lé Bale é dan daan lɛ Izraɛl ma.

2 Minwiinzannu 16:3

É tawo Izraɛl nwiinzannu lé tawobɛ gi; yé dé é a a be vɔle nya kyɛ vaoo, é ’bɛ kɛlɛ; bɛnnu lé Gakelebale wo bin Izraɛl ’lɛ, é go wolé naanaawe zuo.

2 Minwiinzannu 21:10

Yé Gakelebale we fe é wuozannu balelayezannu lɔlu nya léé:

2 Minwiinmunu lé Wezuofe Sɛbɛ 33:9

Naa, Manasé lé we ma lé Juda valé Jérusalɛm munu zi san yé wo we naané kɛlɛ kiɛre é mini bɛnnu lé Gakelebale wo kulu ga Izraɛlnu ’lɛ, wo ta.

2 Minwiinmunu lé Wezuofe Sɛbɛ 36:16

Naa, wo Bale lé nwunvɔzannu ma we nana; wo lɔlu plɛn ’bɛnu dérenu ma, yé wo yéri si alé balelayezannu ma, fɔɔ, yé Gakelebale lé bliflile élé munu ma gié é glɛ la.

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Lɛrɛvɔ Sɛbɛ 12:8

Bii Gakelebale, i dan ko tabin lɛ, I dan ko takuun lɛ bɛn ’ko lee yifaama.

Lɛrɛvɔ Sɛbɛ 81:10

Té bale bɛ do kpen é kɛlɛ ana ka va lo, Té ka dia ka bli la bale bɛnu ’lɛ lo.

Wegɔnévɔlenu 29:12

Dé mununwiinzan éé tɔné dɔa viédérenu lɛ, a wuomunu faa a mi naanénu nya.

Ézékiɛl 11:12

Yé ka dan a gi dɔɔ lɛ léé, maa lé ke Gakelebale lé, ka ’ka a déretawenu kɛlɛ lɛ lo yé ka ’ka alé bélidɔwenu ta tawo lɛ lo, a nya; naa, ka we kɛlɛ bɛnnu lé wo ke ka zi, wolé bélidɔwe yɛrama.

Ézékiɛl 16:47

I ’ka tawo lɛ é wo wolé zi ta lo; i ’ka wolé bozowe saa kɛlɛ lɛ lo, ’bɛ a izé ma kiéné; i kɛlɛwenu faa a é vɔnle é mini wozé ta.

Ézékiɛl 22:3

Bé fe léma: Mizan Gakelebale léma: Bii fla lé i tamunu éé mi nyɛ zanaan ana, ilé yi bɔle é pu we ma bɛ, yé ’té i tamunu éé miyilinu kɛla i tiridɔle we ma bɛ,

Ézékiɛl 5:6

É anlé bélidɔwenu valé an déretawenu sɛrɛ, yé alé wenaané mini é zi bɛnnu valé é zi tɛrɛlamunu faa zé ta. Naa, é anlé bélidɔwenu ye boawenu nya, yé é ’ka an déretawenu zuo tawo lɛ lo.

Ézékiɛl 5:7

Bɛwemalé Mizan Gakelebale léma: Ka kɛlɛ nwamimazannu nya é mini bɛnnu lé wo ka zi lɛ sɔɔ, wo ta. Yé ka ’ka an déretawe kɛlɛ lɛ lo, yé ka ’ka tawo lɛ anlé bélidɔwenu ta lo, yé ka ’ka we kɛlɛ lɛ ka zi bɛnnu lé bélidɔwenu yɛrama lo.

Daniɛl 9:6

Balelayezannu lé wo we fe i tɔ gi, ko nwiinzan blɛnnu koo, ko nwiinzannu koo, ko tranu koo, kolé tɛrɛlamunu faa koo, wo lɛ, ko ’ka ko tɔné dɔ lɛ woo, i wuozannu lɛ lo.

OZÉ (Osée) 5:11

Wa yaana Éfraim munu ta, weblele a wo ma plɛplɛ; wepladére lé é sɔ a lɛ, é a tawona ’bɛ ta.

WENÉNÉ LÉ LUK A GYE (Évangile selon Luc) 13:34

Jérusalɛm munuoo, Jérusalɛm munu! Ka lé ka balelayemunu gya, ’té munu lé maa wo paan ka lɛ zia ka wo gya gɔlɛ nya, gɔnɔ kiɛre nya maa a a va léé, maa ka wɔra an va bélé fɛan zo lé mane tina é élé nénu wɔraan é bɛa wuo, a zo, yé ka ’ka a nyi si lɛ lo.

WENÉNÉ LE JAN A GYE (Évangile selon Jean) 15:22

Dé maa ’ka da lɛ lo, dé maa ’ka we fe lɛ wo lɛ monomono lo, ’té wolé wenyané ’ka kɔɔn lo; naa, sin, wo dɔna ’ka, yé wo wenyané kɛlɛ é dɛrɛ lo.

SEBE LÉ JAK A GYE (Épitre de Jacques) 4:17

Bɛwemalé, dé mian é wezin kɛlɛle dɔɔ yé é ’ka a kɛla lo, ’té é a wenyané kɛlɛna.

Wegɔɔnle 2:20

Naa, i ma we do a an gi; yee lé ke léé, lezan Jézabɛl lé é a fe léé, ’é a balelaye le nya, i zi nɔ a lɛ léé, é we paa an wuozannu gi, ’té éé wo saan léé, ’wo ’wobo nɔ pɛnpɛnnégyɛle lɛ, ’té woo miyili banwi blé.

1 Samuɛl 8:19

Munu ’ka a nyi si lɛ léé, wo tɔné dɔ Samuɛl dére lɛ lo. Wo léé: Gba! Naa, ko a ko nwiinzan blɛn va kpɔ!