2 Minwiinzannu 21:7 - Kazambale lé Sebe Sauunu 1979

⁷ Asataté miyili lé é a kɛlɛ, é a dɔra Bale lé kɔn gi; kɔn lé Bale a fe David valé é be Salomɔn lɛ alé we ma léé: Jérusalɛm lé maa a si a va Izraɛl bɛnnu faa va, ’bɛ valé kɔn ’ko, maa dan an tɔ pa lɛ wo ma yifaama, yee kɔn lé.

2 Minwiinzannu 21:7 ပူးပေါင်းရင်းမြစ်များ

2 Samuɛl 7:13

Yee ɛ dan kɔn dɔ lɛ an tɔ nya yé maa dan alé plale mi nwiin lé webleblin dɔ lɛ gligli.

1 Minwiinzannu 8:29

Kɔn ’ko, fɛna lé bé ma we fe léé, ana lé ’é tɔ é dan kɛlɛ lɛ, i yuɛ ’é vo é fuole a va bladi nyanadi ma. Ba lé i leezan a zorona fɛkona, ’i tɔné dɔ a lɛ ma.

1 Minwiinzannu 8:44

Dé ilé munu bɔra gulidanle ’wo nyanézannu va we gi, ’té woo goo fɛana lé bé gɔɔn wo lɛ, ana, dé wo bazoro Gakelebale lɛ, ’té wo yara a é dɔle fla ’ko lé bé si a va, a vazia, yee valé kɔn lé maa a dɔ i tɔ nya, a vazia,

1 Minwiinzannu 9:3

Yé Gakelebale lé a lɛ léé: Ilé bazorole valé zanté lé bé vɔ an lɛ, maa maan; kɔn ’ko lé bé dɔ an tɔ pale a ma yifaama we gi, maa a kɛlɛ sauun yé an yuɛ valé an bli é dan kɛlɛ lɛ ana yifaama.

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

2 Minwiinzannu 16:11

Balebanzan Uri balebanna do kɛlɛ bélé a kɛlɛbɛ lé é si Damas, ’té minwiinzan Akaz a pa zia bɛ, a zo ’kyɛ, yé Balebanzan Uri a kɛlɛle nyaa faa yé minwiinzan Akaz si Damas.

2 Minwiinzannu 21:4

É yobannanu dɔ Gakelebale lé kɔn gi, dɔlé ’té Gakelebale a fe léé, Jérusalɛm ta lé é dan ’é tɔ vo lɛ.

2 Minwiinzannu 23:27

Yé Gakelebale léé: Maa Izraɛl si an yuɛ gi fɛan zo, a zo duo lé maa dan Judanu si lɛ an yuɛ gi é ziin, yé fla ’ko, Jérusalɛm lé maa si a va, é valé kɔn lé maa a mawe fe léé, ’bɛna lé an tɔ é dan kɛlɛ lɛ, maa dan sɔn vɔ lɛ wo ma.

2 Minwiinzannu 23:4

Balebanmunu ’lɛzan Ilkija koo, Balebanzannu palu fiézan koo, kɔn ’léé tabinzannu koo, minwiinzan blɛn lé wo lɛ léé, kananu lé wa kɛlɛ Baal koo, Asataté koo, lagifɛnu faa koo, wozé nya, ’wo wo bɔra Gakelebale lé kɔn gi, yé ’wo wo kyɛ ble Jérusalɛm gini ma, Sédrɔn féinu ta, yé ’wo go wo yee nya Bétɛl.

2 Minwiinzannu 23:6

É Asataté miyili bɔra Gakelebale lé kɔn gi, yé é go a nya Jérusalɛm gini ma Sédrɔn yuu ma; é a kyɛ ble Sédrɔn yuu gɔ la yé a yee bo yé é a yee nwɛɛn mi vunnu ta.

2 Minwiinmunu lé Wezuofe Sɛbɛ 33:15

É bɛnnu lé yonu valé miyilinu faa si Gakelebale lé kɔn gi, yé yobannanu lé é a kɛlɛ Gakelebale lé kɔn lé gɔ nwiin valé Jérusalɛm, é wo faa zana, yé é wo vuli fla gini ma.

2 Minwiinmunu lé Wezuofe Sɛbɛ 33:7

Yofoto lé é a nyaa, é a dɔra Bale lé kɔn gi; kɔn lé Bale a fe David valé é be Salomɔn lɛ alé we ma léé: Jérusalɛm lé maa a si a va Izraɛl bɛnnu faa va, ’bɛ valé kɔn ’ko, maa dan an tɔ pa lɛ wo ma yifaama, yee kɔn lé.

2 Minwiinmunu lé Wezuofe Sɛbɛ 6:6

naa, maa Jérusalɛm si a va léé, an tɔ ’é kɛlɛ ana, yé an David si a va léé, ’é pla anlé munu Izraɛl nwiin.

2 Minwiinmunu lé Wezuofe Sɛbɛ 7:12

Gakelebale bɔra Salomɔn va é béli, yé é lé a lɛ léé: Maa ilé bazoro dére ’ma, yé maa fɛkona si a va léé, ’wo saraka bo ana an lɛ.

2 Minwiinmunu lé Wezuofe Sɛbɛ 7:16

Sin, an kɔn ’ko si a va yé maa a pa é yɛrama léé, an tɔ ’é kɛlɛ ana yifaama, yé an yuɛ valé an bli é dan kɛlɛ lɛ ana lɛɛfaama.

2 Minwiinmunu lé Wezuofe Sɛbɛ 7:20

maa dan ka si lɛ anlé tɛrɛ lé maa a nɔ ka lɛ, a ta, yé kɔn ’ko lé maa a pa é yɛrama an tɔ gi, maa dan a si lɛ an yuɛ gi, yé maa dan a kɛlɛ lɛ yérisiémafɛ valé gɔnévɔmafɛ nya bɛnnu faa va.

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

Lɛrɛvɔ Sɛbɛ 74:2

Ilé munu lé i wo si izé nya é vinin, ’Té i wo tabo é ziin ilé tɔnɔyéma bɛnnu nya bɛ, wo sele ’é dɔ i gi ana ma; Fɛ lé i ke é nyanale ana, Siɔn gɔblɛn nwiin bɛ, wo sele ’é dɔ i gi ana ma;

Lɛrɛvɔ Sɛbɛ 78:58

Wa bli fli wolé gɔ nwiin yobannanu nya, Yé walé maawole nwa wolé miyilinu nya.

Jérémi 32:34

Wo ’wolé bozofɛnu dɔa, kɔn lé wo an tɔ laan a ta bɛ, a gi, yé wo ana tiri dɔ.

Jérémi 7:30

Naa, Gakelebale léma: We lé é ke an yuɛ gi é naané, Juda munu a kɛlɛ. Wo ’wolé bozofɛnu pla kɔn lé an tɔ ke a ma, a gi, a tiridɔle we ma.

Ézékiɛl 23:38

We lé wa kɛlɛ an lɛ é ziin, yee lé ke ’ko: Wo anlé fɛna sauun tiri dɔ yee yi duo nya, yé wo anlé flinyinu sɛrɛ.

Bélidɔwesɛbɛ Fiézan 16:21

Bale banna lé ka dan a kɛlɛ lɛ Gakelebale, kalé Bale zé nya, té ka miyili dɔ a sɔnɔ lo.