2 Minwiinzannu 21:6 - Kazambale lé Sebe Sauunu 1979

⁶ É é be vɔ kyɛ va; éé ’moné dɔa latinu valé ménénu nya wena yele we ma, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

2 Minwiinzannu 21:6 ပူးပေါင်းရင်းမြစ်များ

Wepélisiananu 13:13

Sɔdɔm munu a nyané, yé woo wenyané blɛnblɛn kɛla Gakelebale ma.

2 Minwiinzannu 16:3

É tawo Izraɛl nwiinzannu lé tawobɛ gi; yé dé é a a be vɔle nya kyɛ vaoo, é ’bɛ kɛlɛ; bɛnnu lé Gakelebale wo bin Izraɛl ’lɛ, é go wolé naanaawe zuo.

2 Minwiinzannu 17:17

Wo ’wo benu valé ’wo lunu vɔ kyɛ va yé wobo nɔ ’moné dɔle valé yo kɛlɛle lɛ, yé we lé ke é naané Gakelebale yuɛ gi, wo ’wobo dan a kɛlɛle we ma, Gakelebale bli flile we gi.

2 Minwiinzannu 23:24

’Bɛ ta loru, miléli laazanu koo, ’monédɔzannu koo, térafimnu koo, miyilinu koo, naanaafɛ faa lé wa ye Juda tɛrɛ la valé Jérusalɛm koo, Jozias wo si ana, bélidɔwe dérenu lé ke é gyɛle, sɛbɛ lé Balebanzan Ilkija a ye Gakelebale lé kɔn gi, a gi, tawole wo ta we gi.

Minwiinzannu lé Wezuofe Sɛbɛ 10:13

Saul é yara si Gakelebale ta, amalé é ga; é ’ka a dére ta tawo lɛ lo, yé é go miléli laazannu va, yé é we laa wo lee.

2 Minwiinmunu lé Wezuofe Sɛbɛ 28:3

É lasikɔrɔ kyɛ ble Inom munu lé pɛnguru gi, yé é é benu kyɛ ble, bɛngɔnɔnu lé Gakelebale wo bin Izraɛl munu ’lɛ, wolé bozowe kɛlɛbɛ gi.

2 Minwiinmunu lé Wezuofe Sɛbɛ 33:6

É é benu kyɛ ble Inom benu lé pɛngurunu gi; éé ’moné dɔa latinu valé ménénu nya wena yele we ma, é ébo nɔ yokɛlɛle lɛ, yé é munu dɔ miléli laamunu nya, ’té woo tɛlɛ tɛlama we fé. We lé é ke é naané Gakelebale yuɛ gi, Manasé a kɛlɛle gi gyɛ, Gakelebale bli flile we ma.

Ézai 19:3

Éjipiti munu léli fuu é dan si lɛ wo ta, we lé wa plaan ’wo ke lɛ, maa dan ’bɛ faa sɛrɛ lɛ. Wolé miyilinu koo, yokɛlɛzannu koo, miléli laazannu koo, tɛlɛ tɛlama wefezannu koo, wo dan we laa lɛ wo lee.

Ézai 66:4

Maa é ziin, an gi é dan nana lɛ we tɔntɔn lé é dan bɔ lɛ wo ma bɛ, a ma, yé maa dan da lɛ wo kanamawe nya wo lɛ; maa wo laa, yé wo ’ka we lɛ lo, azama; maa we fe wo lɛ yé wo ’ka tɔné dɔ lɛ an lɛ monomono lo, azama. Naa, wo wenaané kɛlɛ an yuɛ gi; we lé é ’ka an gi nanaan lo, yee lé wa si a va wozé nya.

Ézai 8:19

Dé mi do lé ka lɛ léé: Kaa we laa miléli laamunu valé tɛlɛ tɛlama wefezannu lee, ’monédɔ ’furufɛnzannu valé gungyɛzannu lee, ’ka fe ’bɛzan lɛ léé: Mi ’ka we laan élé Bale lee loo? Woo mi yuɛmalenu lé we laan migalenu lee?

Jérémi 19:4

Wo sɔn vɔ an ma; wo fɛkona sɔnné sɛrɛ; wo lasikɔrɔpo kyɛ ble bale bɛnu lɛ ana, balenu lé wo koo, wo tranu koo, Juda nwiinzan blɛnnu koo, wo ’ka wo dɔɔ lɛ é kyɛn lo, wo lɛ, yé wo weanwiinlozannu kiɛre nyɛ zana fɛkona;

Jérémi 19:5

yé wo gɔ nwiin yobannanu dɔ Baal zé nya, léé, wo ’wolé nénu kyɛ ble Baal lɛ ana, ’té maa ’ka wo béli dɔ lɛ ’bɛ nya lo, yé maa ’ka ’bɛ zoɛ we fe lɛ wo lɛ lo, yé maa ’ka bɔn‐in bɔrɔ lɛ ’bɛ ma monomono lo.

Ézékiɛl 23:39

Wo ’wolé nénu bɔrɔ bo wolé miyilinu lɛ, yé wo go yee yi duo nya anlé fɛna sauun na, yé wa sɔnné sɛrɛ. We lé wa kɛlɛ anlé kɔn gi, yee lé ke bɛ.

Lévinu 18:21

Té i Mɔlɔk banfɛ kɛlɛ ilé né do kpen nya lo; té ilé Bale tɔ sɛrɛ lo. Maa a Gakelebale nya.

Lévinu 19:26

Té ka fɛ do kpen ble é nyɛ nya lo. Té ka ’moné dɔ fɛ do kpen nya lo.

Lévinu 19:31

Té ka go miléli laamunu valé ’monédɔzannu va lo; te ka we laa wo lee lo, dé wo da ka tiri dɔ. Maa a Gakelebale, kalé Bale nya.

Misé 6:7

Dé an go ’blagɔné wuru é wuru nya, Gakelebale é dan é ban‐ɛn ble lɛɛ? Dé an nyɔnɔ nɔ a lɛ bélé ’yiyorole kiɛre zo, é dan é ban‐ɛn ble lɛɛ? É a lé maa anlé né vinin nɔ bélidɔwenu lé maa wo sɛrɛ, a we maa? Maa dan an giné nɔ lɛ anlé wenyané ma ban nyaa?

Kelewenu 16:16

Dé ko a gona bazorona, ko kee mi wuole do nya. Ménésan yo do a lezan ’ko gi. É tɔnɔfɛ blɛn ye ézannu lɛ ’mone dɔle we ma.

Bélidɔwesɛbɛ Fiézan 32:16

Wo Bale lé maawole nwa bale bɛnu nya, Wa bli fli bozowenu nya;

Bélidɔwesɛbɛ Fiézan 32:21

Wo anlé maawole nwa fɛnu lé wo ’ka bale nya lo, wo nya, Yé wo an bli fli wolé miyili planu nya; Yé maa, maa dan wolé maawole nwa lɛ, munu lé wo ’ka mi nya lo, wo nya, Yé maa dan wo bli fli lɛ, bɛn lé é ke ’tugyɛbɛn nya, a nya.