2 Minwiinzannu 21:3 - Kazambale lé Sebe Sauunu 1979

³ Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu dɔ; é Asataté miyili kɛlɛ, bélé Izraɛl nwiinzan Akab a kɛlɛ fɛan zo, a zo, yé é dia é bli la lagifɛnu faa ’lɛ, yé é wo bɔ.

2 Minwiinzannu 21:3 ပူးပေါင်းရင်းမြစ်များ

1 Minwiinzannu 18:21

Yé Éli bié munu va yé é léé: Ka dan daan lɛ kalé yuɛ gi blanle ma mɛ yi laa? Dé Gakelebale a Bale nya, ’ka go a zuo; dé Baal lé, ’ka go ’bɛ zuo. Munu ’ka we do kpen zi pa lɛ a lɛ lo.

1 Minwiinzannu 18:26

Dirigɔné lé wa nɔ wo lɛ, wa si, yé wa ma’lɛrɛ; yé wo Baal tɔ laa, é sia bladi fɔɔ yé yiéyi pa, ’té wa fé léé: Baal, ’i we ko lɛ! Naa, dére valé we zi pale ’ka lo. ’Té woo fɔrɔan Baal banna lé wa kɛlɛ, a ’lɛ.

2 Minwiinzannu 13:6

Naa, Jéroboam lé é Izraɛl kɛlɛ wenyané kɛlɛzannu nya, wo ’ka ’wo yara si lɛ ’bɛ lé munu lé wenyané kɛlɛle ta lo; wo wo kɛlɛ é ziin, yé Asataté miyili a é dɔle Samari.

2 Minwiinzannu 17:16

Wo Gakelebale, wolé Bale lé bélidɔwenu faa vo, yé wo diriné serele fié kɛlɛ, wo Asataté miyilinu kɛlɛ, wo dia ’wo bli la lagi fɛnu faa ’lɛ, yé wo Baal bɔ.

2 Minwiinzannu 18:22

Dé i dan a fe lɛ an lɛ léé, ’wo pale a Gakelebale ’wozé Bale ɛ taa? A bannanu valé alé gɔ nwiin yobannanu lé Ézékia a sɛrɛ ’té é a fé Judanu valé Jérusalɛm munu lɛ léé, ’wo dia ’wo bli la balebanna lé ke Jérusalɛm, yee do kpen ɛ ’lɛ, yee Bale kaan loo?

2 Minwiinzannu 18:4

É gɔ nwiin yobannanu sɛrɛ, yé é miyilinu yéli yé é yo ’wuo ’wii, yé zénéméné lé Moizi a kɛlɛ é ’bɛ yéli télétéléné, naa, Izraɛl lé nénu éé lasikɔrɔ kyɛ blé a lɛ yifaama; wa laama Néusitan.

2 Minwiinzannu 8:18

Joram tawo Izraɛl minwiinzannu lé tawobɛ gi, Akab lé munu a kɛlɛ fɛan zo a zo, naa, é Akab lu si é na nya, yé we lé ke é naané Gakelebale yuɛ gi, yee lé é a kɛlɛ.

2 Minwiinzannu 8:27

Akazia tawo Akab lé kɔngimunu lé tawobɛ gi, yé we lé ke é naané Gakelebale yuɛ gi, yee lé é a kɛlɛ, bélé Akab lé kɔngimunu zo, naa, é nana Akab lé kɔngimunu va, a gɔnɔ la le a a lee, azama.

2 Minwiinmunu lé Wezuofe Sɛbɛ 32:12

Yee Ézékia, é gɔ nwiin yobannanu valé balebannanu si ana yé é Judanu valé Jérusalɛm munu béli dɔ léé, ’ka dia ka bli la balebanna do kpen ɛ ’lɛ, yé ’ka Bale ban lasikɔrɔnu nya ana. Yee kaan loo?

2 Minwiinmunu lé Wezuofe Sɛbɛ 34:3

Jozias plale mi nwiin lɛɛ sɔraazan nya, bléyian va lé é a tan mi boroné nya, é kun é tra David lé Bale naginile ma; yé a plale mi nwiin lɛɛ vu ta fiézan nya é kun gɔ nwiin yobannanu koo, miyilinu koo, yofotonu koo, fɛfoto serelenu koo, wo sile ma Juda tɛrɛ la valé Jérusalɛm, ana kɛlɛle tegele we ma.

JOB (Job) 31:26

Dé an yuɛ vɔ yiri yara, Dé an moné bile yéiyéi nagini,

Ézai 65:11

Naa, ka lé ka sɔn vɔ Gakelebale ma, ’té ka gi éé saan anlé gɔ sauun ma, ’té ka fɛblele no miyili Gad lɛ yé ka nwɛ no miyili Méni lɛ,

Jérémi 7:30

Naa, Gakelebale léma: We lé é ke an yuɛ gi é naané, Juda munu a kɛlɛ. Wo ’wolé bozofɛnu pla kɔn lé an tɔ ke a ma, a gi, a tiridɔle we ma.

Misé 6:16

Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.

Bélidɔwesɛbɛ Fiézan 16:21

Bale banna lé ka dan a kɛlɛ lɛ Gakelebale, kalé Bale zé nya, té ka miyili dɔ a sɔnɔ lo.

Bélidɔwesɛbɛ Fiézan 17:2

Flanu lé Gakelebale, kalé Bale a nɔ ka lɛ bɛ, dé gɔné do lé, dé le do lé, dé ’bɛ a ka va wo va fla do ta yé we lé ké naané Gakelebale, kalé Bale yuɛ gi, dé azan a kɛlɛ yé é Bale lé gipawe sɛrɛ,

Bélidɔwesɛbɛ Fiézan 17:3

dé é go bale bɛnu zuo yé é wo bɔ yé é dia é bli la wo ’lɛ, yiri koo, moné koo, lagifɛ gbaunu koo, dé é go wo zuo, maa ’ka ka béli dɔ lɛ léé, ’ka ’bɛnu bɔ lo.

Bélidɔwesɛbɛ Fiézan 20:18

Dé ka kɛlɛ a zo, wolé bozowenu lé wa kɛlɛna wolé balebɔwenu nya bɛ, ka ’ka dan wo zuosona lɛ lo, yé ka ’ka dan wenyané kɛlɛ lɛ Gakelebale, kalé Bale ma lo.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.