2 Minwiinzannu 20:5 - Kazambale lé Sebe Sauunu 1979

⁵ ’I diéra, bé fe anlé munu nwiinzan Ézékia lɛ léma: Gakelebale, i tra David lé Bale léma: Maa ilé bazoro dére ’ma, maa i yuɛ’yi ye. Bé ye, maa dan i béli lɛ; a yi yaazan nya i dan go lɛ Gakelebale lé kɔn gi.

2 Minwiinzannu 20:5 ပူးပေါင်းရင်းမြစ်များ

2 Samuɛl 5:2

É li é kwakwa, bléyian va lé Saul a ko nwiinzan nya, ’té bii ɛ goo Izraɛl nya, ’té i dan wo nya. Gakelebale lé i lɛ léé: Bii ɛ dan fɛblele nɔ lɛ élé munu Izraɛl lɛ, yé bii ɛ dan kɛlɛ lɛ Izraɛl nwiinzan blɛn nya.

1 Minwiinzannu 9:3

Yé Gakelebale lé a lɛ léé: Ilé bazorole valé zanté lé bé vɔ an lɛ, maa maan; kɔn ’ko lé bé dɔ an tɔ pale a ma yifaama we gi, maa a kɛlɛ sauun yé an yuɛ valé an bli é dan kɛlɛ lɛ ana yifaama.

2 Minwiinzannu 19:20

Yé Amosi be Ezai we pa Ézékia lɛ zia léé: Gakelebale, Izraɛl lé Bale léma: Ba lé bé zoro an lɛ Asiri mununwiinzan Sansérib lé we ma, maa ’ma.

2 Minwiinzannu 20:4

Ézai bɔra yé é ’ka tan bɔ lɛ gɔrɔ mélénazan ta lo tɔɔn, Gakelebale dére da a va dére ’konu nya léé:

2 Minwiinzannu 22:19

Guru zana a gi dére valé bale pa mi ma dére lé maa fe tɛrɛ ’ko valé a tamunu ma, bé ’ma aan wo, i bli kyɛ dɔ yé ibo kɛlɛ kiéné Gakelebale ’lɛ, ilé sɔnu fia yé i wuvɔ an ’lɛ, bɛwemalé maa é ziin, maa ’ma; yee lé Gakelebale a fe.

2 Minwiinmunu lé Wezuofe Sɛbɛ 13:12

Bé ye, Bale valé é banzannu a ko va ko zi ’lɛzannu nya, yé bélinu lé wo dére zuo gi éé wé, wa ko lee, léé, wa fɛn ka ma. Izraɛlnu, té ka guli dan Gakelebale ka tranu lé Bale va lo, naa, a va ’ka dan gyɛ lɛ ka lɛ lo.

2 Minwiinmunu lé Wezuofe Sɛbɛ 34:3

Jozias plale mi nwiin lɛɛ sɔraazan nya, bléyian va lé é a tan mi boroné nya, é kun é tra David lé Bale naginile ma; yé a plale mi nwiin lɛɛ vu ta fiézan nya é kun gɔ nwiin yobannanu koo, miyilinu koo, yofotonu koo, fɛfoto serelenu koo, wo sile ma Juda tɛrɛ la valé Jérusalɛm, ana kɛlɛle tegele we ma.

Lɛrɛvɔ Sɛbɛ 107:20

Bale é dére pa wo lɛ zia yé é wo béli. Yé é wo si ga lee.

Lɛrɛvɔ Sɛbɛ 119:26

Maa anlé wenu zuo fé, yé i tɔné dɔa an lɛ; ’I i déretawenu paa an gi.

Lɛrɛvɔ Sɛbɛ 126:5

Munuan woo fɛ vɔa yuɛyi sole nya Wo dan fɛ gyɛ lɛ ginanalɛrɛ vɔle nya.

Lɛrɛvɔ Sɛbɛ 147:3

Munu lé wo bli kyɛ dɔ é baba, éé fu vɔa wo bli ma, Yé éé wo tuonanu paan.

Lɛrɛvɔ Sɛbɛ 34:18

Dé mi tegelenu siaa, Gakelebale a maan, Yé éé wo sié wolé kleblelenu faa gi.

Lɛrɛvɔ Sɛbɛ 39:12

Dé i we lɛdɔ mi gi alé weplenu yɛrama, I alé fɛwezan sɛra bélé boworo zo. Iin, mi faa a fu fɛɛle do nya. Ka ye do.

Lɛrɛvɔ Sɛbɛ 56:8

Wo bli a a lɛ léé, wolé weple kɛlɛle nya lé wo dan so lɛ we lee; Baleoo, Bale, ’i migɔnɔnu zun i bliflile nya ma.

Lɛrɛvɔ Sɛbɛ 56:9

Nɔɔnu lé maa a wo tɛrɛ la, i wo nɔnɔan; ’I an yuɛyi zén ilé kuo gi; Wolé we ’ka é gyɛle ilé sɛbɛ gi loo?

Lɛrɛvɔ Sɛbɛ 6:10

Gakelebale éé anlé dunuvɔmadére maan, Gakelebale éé anlé bazorole nyi sié.

Lɛrɛvɔ Sɛbɛ 65:2

Oo Bale, maa dan i tɔ zin fe lɛ Siɔn an bli ta plɛplɛ nya, Dérenu lé wa fe balekunle nya, wo dan wo lɛ sɔɔ lɛ.

Lɛrɛvɔ Sɛbɛ 65:3

Oo bii, biian i tɔné dɔa bazorole lɛ, Munu faa é dan da lɛ bii ɛ va.

Fwile 15:26

É léé: Dé i Gakelebale, ilé Bale dére ban i tɔné nya é zima, we lé ke tegele a yuɛ gi, dé bé kɛlɛ, dé i tɔné dɔ alé bélidɔwenu lɛ, dé i tawo a sɔnné faa yɛrama, gyɛnu lé maa Éjipiti munu gyɛ wo nya, maa ’ka dan i gyɛ lɛ a do kpen nya lo; maa a Gakelebale lé éé i bélié, a nya, azama.

Fwile 3:7

Gakelebale léé: Anlé munu lé ke Éjipiti, maa wolé nyanéblele ye, yé dunnu lé wa wona nyanépawotazannu lee, maa a ’ma, yé maa wolé we tɔntɔn gi dɔɔ.

Fwile 3:9

Izraɛl lé siaalenu bɔ an va, yé nyané lé Éjipiti munu a paan wo ta, maa a ye.

Ézai 19:22

’Bɛ zo lé Gakelebale é dan Éjipiti munu bla lɛ. É dan wo bla lɛ, naa, é dan wo béli lɛ yé wo dan ’wo péli vɔ lɛ Gakelebale va yé é dan é tɔné dɔ lɛ wo lɛ yé é wo béli.

Ézai 38:22

Yé Ézékia a fe kɔɔn léé: Tɔmase kaa nya lé maa dan a gi dɔɔ lɛ léé, maa dan go lɛ Gakelebale lé kɔn gii?

Ézai 38:5

’I go bé fe Ézékia lɛ léma: Gakelebale, i ti David lé Bale léma: Maa ilé bazorodére ’ma, maa i yuɛ’yi ye. Bé ye, maa dan lɛɛ vu ta soru nɔ lɛ i lɛ é ziin.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Matio 22:32

É léé: Abraam koo, Izak koo, Jakɔb koo, maa a wolé Bale nya. Dé Kazambale a fe léé, ’é a mi do lé Bale nya, ’té azan a é yuɛma. Dé é gaoo, é a é yuɛma duowo.

WENÉNÉ LÉ LUK A GYE (Évangile selon Luc) 1:13

Naa, lanje lé a lɛ léé: Zakari, Bale ilé bazoro dére ’ma, amalé té i kana lo. I na Élizabɛt é dan né yaa lɛ gɔné nya i lɛ yé bé tɔ pa Jan.

WENÉNÉ LÉ LUK A GYE (Évangile selon Luc) 18:10

É léé: Mi fié go bazoro lɛ Balebangikɔn gi; a do a Farizimi nya, yé a do a vagɔɔlisizan nya.

WENÉNÉ LE JAN A GYE (Évangile selon Jean) 5:14

’Bɛ zuo, Jézu a ye Balebangikɔn gi yé é lé a lɛ léé: I a yé loo? I béli; té i wenyané kɛlɛ é dɛrɛ lo, we lé é ke tɔntɔn é mini a koɛ ta, dé ’bɛ é da bɔ i ma.

Bélidɔwesɛbɛ Fiézan 32:39

Amalé, ka gi dɔɔ léé, maa ɛ ke Bale nya, Yé bale bɛ ’ka lo; Maa ɛ mi voo é yuɛma, yé maa ɛ mi gya, Maa ɛ mi tuoan, yé maa ɛ mi bélié, Yé mi do kpen ’ka bɔa mi sile lɛ an lee lo.

Ébrunu 2:10

Naa, Kazambale lé, fɛnu faa ke azé nya, ’té é wo faa kɛlɛ bɛ, é sɔ a lɛ léé, mi kiɛre ’é kɛlɛ ’é benu nya yé ’é wo kɛlɛ fua nya, yé é a é zima léé, mi lé é wo béliwe bɔra bɛ, Kazambale ’é gun si a ma alé nyanéblele nya.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.

1 Samuɛl 10:1

Samuɛl nyɔnɔ kuoné si yé é a zén Saul nwiin. É pwɛpwɛ vɔ a ma yé é léé: Gakelebale ’ka nyɔnɔ zén lɛ i nwiin i plale alé munu nwiin we ma loo?

1 Samuɛl 9:16

Tɛlɛ, yiri ’ko nya, maa dan Bɛnjamɛn mi do pa lɛ i lɛ zia, yé i dan nyɔnɔ zén lɛ a nwiin anlé munu Izraɛl nwiinzan nya. É dan anlé munu si lɛ Filisitinu lee; naa, anlé munu lé siaale bɔ an va, amalé an yuɛ vɔ wo ta.