2 Minwiinzannu 18:7 - Kazambale lé Sebe Sauunu 1979

⁷ Yé Gakelebale kɛlɛ Ézékia va, yé we faa lé é a pélisia, é a ’wuo pla. É nwa Asiri nwiinzan blɛn ma, yé é ’ka pla lɛ a wuo é dɛrɛ lo.

2 Minwiinzannu 18:7 ပူးပေါင်းရင်းမြစ်များ

Wepélisiananu 21:22

’Bɛ bléyi va Abimélɛk élé sunyanu nwiinzan Pikɔl pa é va yé é go yé é lé Abraam lɛ léé: Kazambale a i va ilé we faa kɛlɛle gi.

2 Samuɛl 8:14

É sunya lɛ do donu nyana Édom tɛrɛ faa la. Yé Édom tɛrɛ faa pla David wuo. Gakelebale éé David takuun‐an a gona faana.

2 Samuɛl 8:6

Yé David sunyanu nyana Damas, Siri tɛrɛ la. Yé Sirimunu pla David wuo ’té woo gɔɔli banwoo a lɛ. Dé David go fɛofɛana, Gakelebale a takuun‐an.

2 Minwiinzannu 16:7

Akaz munu nwunvɔ Asiri nwiinzan blɛn Tiglat‐Pilézɛɛ va, a fele a lɛ we gi léé: Maa a i wuozan valé i be nya; ’i da yé ’i an si Siri nwiinzan blɛn valé Izraɛl nwiinzan blɛn lé wo nwa an ma ’ko, wo lee.

2 Minwiinzannu 17:3

Asiri nwiinzan Salmanazaa nwa a ma. Ozé pla a wuo, yé é gɔɔli banwo a lɛ.

2 Minwiinzannu 18:14

Juda nwiinzan Ézékia we pa Asiri nwiinzan lɛ zia Lakis léé: An saan. ’I si an ma baa. Dé i ban dɔ an nwiin maa dan a wo lɛ. Yé Asiri nwiinzan blɛn gɔɔlifu talan wuru do yɔ soru valé kyan talan yɔ do wɔlɛ vu ban dɔ Juda nwiinzan Ézékia nwiin.

2 Minwiinzannu 18:20

I léé: Dé mi léé, ’é guli dan, a mawe a plɛplɛ valé gikinile gi. Naa, i dérenu éé giéan an tɔné la bélé fu zo. I pale a mi kyɛn ɛ ta yé i léé, ’é nwa an maa?

2 Minwiinmunu lé Wezuofe Sɛbɛ 15:2

yé Azaria go Aza va, yé é lé a lɛ léé: Aza, ’i tɔné dɔ an lɛ, bii valé Judanu valé Bɛnjamɛnnu. Bléyian va lé ka a Gakelebale va, ’té é a ka va. Dé ka a nagini, ka dan a ye lɛ; naa, dé ka sɔn vɔ a ma, é dan sɔn vɔ lɛ ka ma.

2 Minwiinmunu lé Wezuofe Sɛbɛ 31:21

We faa lé é ke a kɛlɛna, dé é a Bale lé kɔn va nyanama nyaoo, dé é a bélidɔwe valé a sɔnnénu zé nyaoo, é a élé Bale lé blibɔmawe naginina a gi. É a kɛlɛna é bli faa nya, yé we faa lé é a kɛlɛ, a nyian wo a ma tegele.

2 Minwiinmunu lé Wezuofe Sɛbɛ 32:30

Yee Ézékia é Giɔn ’yibɔnanu lɛ tan loru zia yé é wo nɔla tɛrɛ zia David lé fla yirivɔnazia. Kwa faa lé Ézékia a kuli, a nyian wo a ma.

Lɛrɛvɔ Sɛbɛ 1:3

É a bélé yili lé wa suru ’yi lé éé yoroan, a sɔnɔ, ’Té éé poro baan é poro baa bléyi va, ’Té a laanu ma ’ka yuruan monomono lo, a zo: We faa lé éé a kɛla, a nyian é dan wo lɛ a ma.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 60:12

Oo Bale, bii lé i ko si i ma, ’Té i ’ka bɔa kolé sunyanu va é dɛrɛ lo, oo Bale, bii kaan loo?

Ézai 33:6

I dan ilé tɛrɛla kɛlɛ lɛ drɔɔ; wedɔɔle valé ’wuoatawe a sile we gi ’wuo nya; kanale Gakelebale lee a Siɔn munu lé fɛwezan nya.

Ézai 36:5

Maa fe i lɛ, i dérenu éé giéan an tɔné la bélé fu zo. Dé mi léé, ’é guli dan, a mawe a plɛplɛ valé gikinile gi. I pale a mi kyɛn ɛ ta yé i léé, ’é nwa an maa?

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Weblezannu 1:19

Gakelebale a Judanu va; yé wo gɔ si, naa, wo ’ka bɔ lɛ fɛna pɛblɛɛna munu binle lɛ lo, ’bɛnu lé foliɛwɔlɛ goronu a, ’bɛzama.

1 Samuɛl 18:14

Dé é weowean péli sia éé a kɛlɛle lɛ sɔɔan, yé Gakelebale a a va.

1 Samuɛl 18:5

Dé Saul a nwunvɔ fɛofɛana David éé goo ana yé é a kɛlɛle lɛ sɔɔan. Saul a dɔ gulidanmunu zilɛzan nya, yé é sɔ munu faa lɛ, dé é a Saul wuozannu nyaoo.