2 Minwiinzannu 18:4 - Kazambale lé Sebe Sauunu 1979

⁴ É gɔ nwiin yobannanu sɛrɛ, yé é miyilinu yéli yé é yo ’wuo ’wii, yé zénéméné lé Moizi a kɛlɛ é ’bɛ yéli télétéléné, naa, Izraɛl lé nénu éé lasikɔrɔ kyɛ blé a lɛ yifaama; wa laama Néusitan.

2 Minwiinzannu 18:4 ပူးပေါင်းရင်းမြစ်များ

1 Minwiinzannu 22:43

É tawo é ti Aza lé tawobɛ gi, yé é ’ka é yara si lɛ a ta lo, yé we lé ke é zima Gakelebale yuɛ gi, yee lé é a kɛlɛ.

2 Minwiinzannu 10:26

Wo go Baal lé kɔn looné gi yé wo miyilinu bɔra béera yé wo wo kyɛ ble.

2 Minwiinzannu 11:18

Ana tɛrɛlamunu faa wɔra Baal lé kɔn gi, yé wa sɛrɛ; wo a bannanu valé alé miyilinu ’wii yé wo Baalbanzan Matan gyɛ é banna ’lɛ. Balebanzan Jéojada Gakelebale lé kɔn tabinzannu dɔ.

2 Minwiinzannu 12:3

Naa, we do ana, é ’ka wolé gɔ nwiin yobannanu yi ga lɛ lo; munu éé sarakanu boo, ’té woo lasikɔrɔ no gɔ nwiin yobannanu ta.

2 Minwiinzannu 14:4

Naa, we do ana, é ’ka gɔ nwiin yobannanu yi ga lɛ lo; munu éé sarakanu boo ’té woo lasikɔrɔ no gɔ nwiin yobannanu ta.

2 Minwiinzannu 15:35

Naa, we do ana, é ’ka gɔ nwiin yobannanu yi ga lɛ lo; munu éé sarakanu boo, ’té woo lasikɔrɔ no é ziin gɔ nwiin yobannanu ta. Jotam Gakelebale lé kɔn duoli loruzan vɔ.

2 Minwiinzannu 15:4

Naa, we do ana, é ’ka gɔ nwiin yobannanu yi ga lɛ lo; munu éé sarakanu boo, ’té woo lasikɔrɔ no gɔ nwiin yobannanu ta.

2 Minwiinzannu 16:15

Minwiinzan blɛn Akaz lé Balebanzan Uri lɛ léma: Balebanwi lé wa kyɛ blé bladi, é valé nyanadi bale blan koo, wi lé minwiinzan blɛn a no a kyɛblele we ma valé alé bale blan koo, wi lé tɛrɛ ’ko la munu faa a no wo kyɛblele we ma, é valé wolé bale blannu koo, ’i wo kyɛ ble balebanna blɛn ta, yé ’i wolé baleban’yinu zana ’bɛna, yé balebanwi lé wa kyɛ blé, ’i ’bɛ faa nyɛ valé sarakabowi faa nyɛ nwɛɛn ’bɛna; dé é a balebanna lé wa kɛlɛ zéné nya, ’bɛ lé we nya, maa ’bɛ kɛla.

2 Minwiinzannu 18:22

Dé i dan a fe lɛ an lɛ léé, ’wo pale a Gakelebale ’wozé Bale ɛ taa? A bannanu valé alé gɔ nwiin yobannanu lé Ézékia a sɛrɛ ’té é a fé Judanu valé Jérusalɛm munu lɛ léé, ’wo dia ’wo bli la balebanna lé ke Jérusalɛm, yee do kpen ɛ ’lɛ, yee Bale kaan loo?

2 Minwiinzannu 21:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu dɔ; é Asataté miyili kɛlɛ, bélé Izraɛl nwiinzan Akab a kɛlɛ fɛan zo, a zo, yé é dia é bli la lagifɛnu faa ’lɛ, yé é wo bɔ.

2 Minwiinzannu 23:14

Jozias miyilinu yéli yé é yo’wuo ’wii, yé fɛana lé wo ke, é ana fan miwɔlɛnu nya.

2 Minwiinzannu 23:4

Balebanmunu ’lɛzan Ilkija koo, Balebanzannu palu fiézan koo, kɔn ’léé tabinzannu koo, minwiinzan blɛn lé wo lɛ léé, kananu lé wa kɛlɛ Baal koo, Asataté koo, lagifɛnu faa koo, wozé nya, ’wo wo bɔra Gakelebale lé kɔn gi, yé ’wo wo kyɛ ble Jérusalɛm gini ma, Sédrɔn féinu ta, yé ’wo go wo yee nya Bétɛl.

2 Minwiinmunu lé Wezuofe Sɛbɛ 19:3

Duowo, i bli giwe a é zima; naa, i miyilinu si ilé tɛrɛ la yé i yara pa Bale naginile ta.

2 Minwiinmunu lé Wezuofe Sɛbɛ 31:1

’Bɛ faa lɛsɔɔle zuo, Izraɛlnu faa lé ke ana mi, wo si ana yé wo go Juda flanu ta. Yé wo yobɔnu ’wii yé wo miyilinu dia, yé gɔ nwiin yobanna valé miyili bannanu lé ke Juda valé Bɛnjamɛn tɛrɛnu ta koo, Éfraim valé Manasé tɛrɛnu faa ta koo, wona, wo wo guru zana a gi. ’Bɛ zuo, Izraɛlnu faa nɔla wo pa gi wolé flanu ta; wo faa do do go ’wo nyanana.

2 Minwiinmunu lé Wezuofe Sɛbɛ 33:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu kɛlɛ; é miyilinu dɔ Asataté zé nya, yé é dia é bli la lagifɛnu faa ’lɛ, yé é wo bɔ.

Lɛrɛvɔ Sɛbɛ 78:58

Wa bli fli wolé gɔ nwiin yobannanu nya, Yé walé maawole nwa wolé miyilinu nya.

Fwile 23:24

Té i dia i bli la wolé balenu ’lɛ lo, té i wo bɔ lo; té i wolé tawobɛ zuo sona lo, naa, ’i wo guru zana a gi, yé ’i wolé miyilinu yéli.

Fwile 34:13

Ka dan wolé balebannanu yara bua lɛ, ka dan wolé yofotonu ’wii lɛ yé ka dan wolé miyilinu yéli lɛ.

Ézai 36:7

Dé i dan a fe lɛ an lɛ léé, ’wo pale a Gakelebale ’wozé Bale ɛ taa? A bannanu valé alé gɔ nwiin yobannanu lé Ézékia a sɛrɛ, ’té é a fé Judanu valé Jérusalɛm munu lɛ léé, ’wo dia ’wo bli la balebanna lé ke Jérusalɛm, yee do kpen ɛ ’lɛ, yee Bale kaan loo?

Lévinu 26:30

Maa dan kalé gɔnwiin yobannanu sɛrɛ lɛ, yé kalé miyilinu lé ka wo pa é yɛrama yiri zé nya, maa dan wo sɛrɛ lɛ. Maa dan ka galenu pla lɛ kalé miyili sɛrɛlenu ta, yé anboen é dan serele bo lɛ ka ma.

Bélidɔwesɛbɛ Fiézan 5:5

Maa dɔ Gakelebale valé kanu méléna, Gakelebale dére fele ka lɛ we gi; naa, ka a kanana kyɛ lee, yé ka ’ka gɔ gié lɛ lo, ’bɛzama. Gakelebale léé:

Bélidɔwesɛbɛ Fiézan 7:5

We lé ka dan a kɛlɛ lɛ wo vazia, yee lé ke ’ko: ka dan wolé yobannanu zana lɛ a gi, ka dan wolé yowɔlɛnu sɛrɛ lɛ, ka dan wolé miyilinu yéli lɛ, yé ka dan wolé yonu kyɛ ble lɛ.

Weblezannu 6:25

Alé béli duo nya, Gakelebale lé Jédéɔn lɛ léé: ’I ti lé dirigɔné boroné si, é valé dirigɔné fiézan lé a lɛɛ ke sɔrafié, a nya. Yé Baal banna lé ke i ti zé nya bɛ, bé zana, yé miyili lé ke a ta loru bɛ, bé sɛrɛ.

Weblezannu 6:28

Flamunu nwa bladi tutu aan wo, bé ye, Baal banna yara a é buale; miyili lé ke a ta loru, é a é sɛrɛle, yé dirigɔné fiézan a é nɔle wi lé wa kyɛ blé, a nya, balebanna lé wa dɔ bɛ, a ta.