2 Minwiinzannu 18:22 - Kazambale lé Sebe Sauunu 1979

²² Dé i dan a fe lɛ an lɛ léé, ’wo pale a Gakelebale ’wozé Bale ɛ taa? A bannanu valé alé gɔ nwiin yobannanu lé Ézékia a sɛrɛ ’té é a fé Judanu valé Jérusalɛm munu lɛ léé, ’wo dia ’wo bli la balebanna lé ke Jérusalɛm, yee do kpen ɛ ’lɛ, yee Bale kaan loo?

2 Minwiinzannu 18:22 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 31:1

’Bɛ faa lɛsɔɔle zuo, Izraɛlnu faa lé ke ana mi, wo si ana yé wo go Juda flanu ta. Yé wo yobɔnu ’wii yé wo miyilinu dia, yé gɔ nwiin yobanna valé miyili bannanu lé ke Juda valé Bɛnjamɛn tɛrɛnu ta koo, Éfraim valé Manasé tɛrɛnu faa ta koo, wona, wo wo guru zana a gi. ’Bɛ zuo, Izraɛlnu faa nɔla wo pa gi wolé flanu ta; wo faa do do go ’wo nyanana.

1 Korent munu 2:15

Naa, lélimi zé a é yɛrama; éé we faa gi bɔié é bɔina, dɔlé té mi do kpen ’ka léli mi lé we gi bɔina dɔɔa lo.

Matio 27:43

Ébo bɛ pa Kazambale lee, naa, dé é sɔ Kazambale lɛ, ’bɛ a si we gi sin ma. Jézu a fe é kyɛn léé, ’é a Kazambale Be nya, amalé wa fe.

Daniɛl 3:15

Sin, ’ka ka ma’lɛrɛ, yé béli koo, gobé koo, gitaa koo, séén koo, kpélé koo, kɔnɔ koo, lɛrɛvɔafɛnu gɔnɔ faa koo, dé ka wo dére ’ma bléyian va, ’ka dia ka bli la kyan miyili lé maa a kɛlɛ, a ’lɛ, yé ka a bɔ. Dé ka ’ka a bɔ lɛ lo, wo dan ka vuli lɛ é nya do ’furu lé kyɛ a tana, a gi. Dé bale kyɛn ɛ dan ka si lɛ an lee?

Ézai 36:7

Dé i dan a fe lɛ an lɛ léé, ’wo pale a Gakelebale ’wozé Bale ɛ taa? A bannanu valé alé gɔ nwiin yobannanu lé Ézékia a sɛrɛ, ’té é a fé Judanu valé Jérusalɛm munu lɛ léé, ’wo dia ’wo bli la balebanna lé ke Jérusalɛm, yee do kpen ɛ ’lɛ, yee Bale kaan loo?

2 Minwiinmunu lé Wezuofe Sɛbɛ 32:12

Yee Ézékia, é gɔ nwiin yobannanu valé balebannanu si ana yé é Judanu valé Jérusalɛm munu béli dɔ léé, ’ka dia ka bli la balebanna do kpen ɛ ’lɛ, yé ’ka Bale ban lasikɔrɔnu nya ana. Yee kaan loo?

2 Minwiinzannu 18:23

Sin, ’i gi pa do anzan Asiri nwiinzan blɛn va, yé maa dan wisoo baa do nɔ lɛ i lɛ, ’té dé i bɔaléé, i wotazannu yee?

2 Minwiinzannu 19:6

Yé Ézai lé wo lɛ léma: We lé ka dan a fe lɛ kazan lɛ, yee lé ke ’ko: Gakelebale léma: An sɔnɔdérenu lé Asirimunu nwiinzan lé nwunvɔzannu a fe, ’té ka a ’ma bɛ, té ’wo kana vɔ i gi lo.

Bélidɔwesɛbɛ Fiézan 12:5

’Ka a nagini é nyanana, fɛna do lé Gakelebale, kalé Bale é dan a si lɛ ézé nya ka bɛnnu faa va, yé é tɔ pa a ma, ’ka go yee ɛ na.

Bélidɔwesɛbɛ Fiézan 12:11

Yé Gakelebale, kalé Bale, é dan fɛ do na si lɛ yé é dan ’é tɔ pa lɛ a ma. Fɛ faa lé maa a fena ka lɛ kyɔ, ka dan da lɛ wo nya yee ɛ na; kalé winu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininnu koo, kalé bale kunle lɛ sɔɔ sarakanu koo, ka dan da lɛ wo nya yee ɛ na.

Bélidɔwesɛbɛ Fiézan 12:14

naa, winu lé wa kyɛ blé, ka dan wo nɔ lɛ fɛana lé Gakelebale é dan ana si lɛ ka bɛn do va, ana; we faa lé maa wo fe ka lɛ, ’bɛna lé ka dan wo kɛlɛ lɛ.