2 Minwiinzannu 18:16 - Kazambale lé Sebe Sauunu 1979

¹⁶ Kyan lé Juda nwiinzan Ézékia Gakelebale lé kɔn duoli valé a duoli yili ma sɔɔla a nya, é a si wo ma sin, yé é a nɔ Asiri nwiinzan blɛn lɛ.

2 Minwiinzannu 18:16 ပူးပေါင်းရင်းမြစ်များ

2 Minwiinzannu 12:18

Fɛnu faa lé wa pa é yɛrama Bale zé nya koo, fɛnu lé a tranu, Juda nwiinzannu, Jozafat valé Joram valé Akazia a pa é yɛrama Bale zé nya koo, fɛnu lé yeebozen a pa é yɛrama Bale zé nya koo, kyan faa lé ke fɛwezannu tadɔna Gakelebale lé kɔn valé minwiinzan blɛn lé kɔn gi koo, Juda nwiinzan Joas a faa si yé é a faa pa zia Siri nwiinzan Azaɛl lɛ, yé ’bɛ ’ka da lɛ guli dan lɛ Jérusalɛm munu va lo.

2 Minwiinzannu 12:19

Joas kɛlɛwe pɔnénu valé we faa lé é a kɛlɛ, wa é gyɛle Juda nwiinzan blɛnnu lé we zuo fe sɛbɛ gi.

2 Minwiinzannu 18:15

Gɔɔlifu lé ke Gakelebale lé kɔn gi valé yee lé ke fɛwezannu va minwiinzan blɛn lé kɔn gi, Ézékia a faa nɔ.

2 Minwiinzannu 18:17

Taatan koo, Rab‐Saris koo, Rabasaké koo, gulidansunya plɛplɛnu koo, Asiri nwiinzan blɛn wo pa zia léé, ’wo si Lakis yé ’wo go minwiinzan blɛn Ézékia va Jérusalɛm. Wo nwa yé wo go Jérusalɛm. Wo bɔ aan wo, wo dɔ ’yidoo lé ke loru, a yoro sɔnɔ, ’té ’bɛ a sɔgibɔzan lé féi zi ’léé.

2 Minwiinmunu lé Wezuofe Sɛbɛ 29:3

A plale mi nwiin lɛɛ vininzan lé moné vininzan nya, é Gakelebale lé kɔn lɛnu so, yé é wo ma’lɛrɛ.

Ézai 39:2

É sɔ Ézékia lɛ, yé fɛ vlɛzannu koo, gɔɔlifu valé kyan koo, zianbla ginzannu valé nyɔnɔwezan koo, alé gulidanfɛnu koo, fɛ faa lé ke alé fɛwezannu nya koo, é a faa pana gɔɔn wo lɛ. Fɛ lé ke alé kɔn gi valé alé tɛrɛ faa la yé Ézékia ’ka ’bɛ gɔɔn lɛ wo lɛ lo, ’bɛ fɛ ’ka lo.