2 Minwiinzannu 18:12 - Kazambale lé Sebe Sauunu 1979

¹² wo ’ka tɔné dɔ lɛ Gakelebale, wolé Bale dére lɛ lo, yé wo alé gipawe sɛrɛ, yé we lé Gakelebale wuozan Moizi wo béli dɔ a nya, wo ’ka ’wo tɔné dɔ lɛ a lɛ lo, yé wo ’ka tawo lɛ a ta lo, azama.

2 Minwiinzannu 18:12 ပူးပေါင်းရင်းမြစ်များ

1 Minwiinzannu 9:6

Naa, dé ka si an va, ka valé ka benu nya, an sɔnnénu valé anlé bélidɔwenu lé maa wo fe ka lɛ, dé ka ’ka wo ta tawo lɛ lo, dé ka go bale bɛnu bɔ lɛ yé ka dia ka bli la wo ’lɛ,

2 Minwiinzannu 21:8

Maa ’ka dan Izraɛl bin lɛ tɛrɛ lé maa léé, maa a nɔ wo tranu lɛ, ana é ziin lo, ’té dé wo tawo an dérenu valé bélidɔwe faa lé an wuozan Moizi a fe wo lɛ, wo ta.

Néémi 9:17

Wo sɔn vɔ i lɛdɔmale ma, yé givuruwenu lé bé kɛlɛ wo lɛ, wo gi san wo ma. Wo ’wo bɔrɔ vɔɔ i nwiin, yé wolé nwale i ma gi, wo mi do dɔ wo nwiinzan nya, léé, ’wo go ’wolé luu gi é ziin. Naa, bii a Bale lé a ma ke é ’lɛrɛle mi ma we vole we ma, a nya; bii a mimawedɔɔzan valé nyanaizénzan nya. I bli ’ka flian é kele lo, ilé zin glɛ ’ka lo, yé i ’ka sɔn vɔ lɛ wo ma lo.

Lɛrɛvɔ Sɛbɛ 107:17

Tavozannu kɛlɛwe naanénu Valé wolé weplenu lé we ma lé wo kɛlɛ wenaanébɔmazannu nya.

Lɛrɛvɔ Sɛbɛ 78:10

Wo ’ka Bale lé gipawe tawe kɛlɛ lɛ lo, Yé wo sɔn vɔ alé bélidɔwe ta tawole ma.

Lɛrɛvɔ Sɛbɛ 81:12

Naa, anlé munu ’ka tɔné dɔ lɛ an dére lɛ monomono lo. Izraɛl munu ’ka an lɛdɔ lɛ a ma pelo.

Ézai 1:19

Dé ka an lɛdɔma bli drɔɔ nya, ka dan fɛ zinnu ble lɛ tɛrɛ ’ko la.

Jérémi 3:8

Izraɛl lé é ’ka vo an wuo lo, maa a bɔra élé gɔnéginile faa lé we ma, yé maa a bɔrasɛbɛ nɔ a lɛ. Naa, duowo, maa a ye léé, a buru Juda lé éé gilawe kɛla, é ’ka kana lɛ monomono lo, naa, é go gɔné gini lɛ é ziin bélé Izraɛl zé zo.

Jérémi 7:23

Naa, ka ye, we lé maa fe wo lɛ, yee lé ke ’ko: ’Ka tɔné dɔ an dére lɛ yé an dan kɛlɛ lɛ kalé Bale nya yé ka dan kɛlɛ lɛ anlé munu nya; zinu lé maa wo ta tawole fe ka lɛ, ’ka tawo wo ta, ka gi nanale we gi.

Ézékiɛl 11:12

Yé ka dan a gi dɔɔ lɛ léé, maa lé ke Gakelebale lé, ka ’ka a déretawenu kɛlɛ lɛ lo yé ka ’ka alé bélidɔwenu ta tawo lɛ lo, a nya; naa, ka we kɛlɛ bɛnnu lé wo ke ka zi, wolé bélidɔwe yɛrama.

Daniɛl 9:5

Ko wenyané kɛlɛ; ko weplenu kɛlɛ; ko a mi nyanénu valé nwamimazannu nya. Ko sɔn vɔ ilé bélidɔwe sɔnnénu valé i déretawenu ma.

Amɔs 2:6

Gakelebale léma: Izraɛlnu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo. Wo mi tegele dan gɔɔli va, yé wo nyanégyɛzan dan sawala ba fié va.

Misé 3:4

’Bɛ zuo wo dan siaa lɛ Gakelebale lɛ, naa, é ’ka dan we lɛ wo zi lo; ’bɛ bléyi va é dan é yara yɔɔ lɛ wo lee; wo wenaanénu kɛlɛ, azama.

Mi Nɔnɔle 12:7

An wuozan Moizi zé ’ka ’bɛ zo lo. É a yarapawelazan nya anlé we faa gi.

Bélidɔwesɛbɛ Fiézan 11:28

dé ka ’ka Gakelebale, kalé Bale sɔnnénu pa lɛ lo, zi lé maa a gɔɔn ka lɛ kyɔ, dé ka si ’bɛ ta yé ka go bale bɛnu lé, ka ’ka wo dɔɔ lɛ é kyɛn lo, wo zuo, ’té bale a é pale ka ma.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

Bélidɔwesɛbɛ Fiézan 31:17

’Bɛ yi la, an bli é dan fli lɛ wo ma. An dan sɔn vɔ lɛ wo ma yé maa dan an yara si lɛ wo ta, yé we é dan wo mini lɛ. Wenaané valé kleblele kiɛre é dan bɔ lɛ wo ma yé wo dan a fe lɛ léé, ’wolé Bale ’ka ’wo va lo, bɛwemalé wenaanénu ’ko ke bɔna ’wo ma, yee kaan loo?

Bélidɔwesɛbɛ Fiézan 34:5

Gakelebale wuozan Moizi ga ’bɛna, Moab tɛrɛ la, Gakelebale a fe fɛan zo, a yɛrama.

Bélidɔwesɛbɛ Fiézan 8:20

Bɛnnu lé Gakelebale wo gyɛ za ma ka ’lɛ, ka dan zamaga wo lɛ bélé wo zo, ’té dé ka ’ka kɔɔn ka tɔné dɔ lɛ Gakelebale, kalé Bale dére lɛ lo.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

2 Timoté 2:24

Naa, té Mizan wuozan é we sia lo. ’É kɛlɛ blidrɔɔzan nya mi faa va ma. É a lé é kɛlɛ mi lé éé we paan munu gi é zua, a nya; a bli ’é kɛlɛ tiéé ma.

Jozué 1:1

Gakelebale wuozan Moizi gale zuo, Gakelebale lé Moizi wuozan Nɛn be Jozué lɛ léé:

1 Piɛri 2:8

Misaangɔlɛ nya, Midiéragɔlɛ nya. Munu lé wo ’ka ’wo bli vo lɛ Jézu lɛ lo, Jézu kɛlɛ yee gɔlɛ nya wo lɛ. Wo ’ka dɔ lɛ Bale dére ta lo, amalé misaangɔlɛ ’ko, é wo saan. Kazambale a kɛlɛ é kyɛn, amalé é kɛlɛ a zo.

1 Piɛri 4:17

Weblebléyi bɔ sin, yé a péli éé sian Kazambale lé kɔngimunu va. Yé dé a pélisia kaa va, munu lé wo ’ka Kazambale lé Wenéné lɛdɔama lo, wozé we ’wuo é dan pla lɛ kaa?