2 Minwiinzannu 17:25 - Kazambale lé Sebe Sauunu 1979

²⁵ Wo nyana ana aan wo, wo ’ka kanaan Gakelebale lee lo, yé Gakelebale golizranu nwunvɔ wo ma, yé ’bɛnu wo gyɛ.

2 Minwiinzannu 17:25 ပူးပေါင်းရင်းမြစ်များ

1 Minwiinzannu 13:24

Bale lé mi go; wo kee golizra do nya zia yé ’bɛ a gyɛ. A gale a é soile zia; sokofale vo a sɔnɔ yé golizra dɔ a gale bɛ do la.

1 Minwiinzannu 20:36

Yé é lé a lɛ léé: Bé ye, i ’ka Gakelebale dére lɛdɔ lɛ a ma lo, amalé dé i si an va golizra é dan i gyɛ lɛ. É si a va aan wo, wo valé golizra kee yé ’bɛ a gyɛ.

2 Minwiinzannu 17:26

Wo lé Asirinu nwiinzan blɛn lɛ léé: Bɛnnu lé i da wo nya yé i wo nyana Samari lé flanu ta bɛ, wo ’ka tɛrɛ ’ko lé Bale bɔbɛ dɔɔa lo, yé é golizranu nwunvɔ wo va, yé ’bɛnu wo gyɛ, wo ’ka tɛrɛ ’ko lé Bale bɔbɛ dɔɔa lo, azama.

2 Minwiinzannu 17:28

Balebanzan do lé, wa si Samari yé wo goan luu gi, é da yé é nyana Bétɛl, yé é a lé wo kana Gakelebale lee fɛan zo, é a paa wo gi.

2 Minwiinzannu 17:32

Woo kanaan Gakelebale lee é ziin, yé wo munu si munu faa méléna yé wo wo dɔ balebanzannu nya gɔ nwiin yobannanu na; balebanmunu ’ko wolé sarakanu boo gɔ nwiin yobanna kɔnnu gi.

2 Minwiinzannu 17:34

We lé wa kɛlɛ é vinin, wa yee duo kɛlɛna tan kyɔ; wo ’ka kanaan Gakelebale lee lo; wolé bélidɔwe koo, wolé déretawenu koo, bélidɔwe valé é sɔnnénu lé Gakelebale a fe Jakɔb lé é a laa Izraɛl, alé nénu lɛ koo, wo ’ka tawoo a do kpen ta lo.

2 Minwiinzannu 17:41

Bɛnnu ’ko, woo kanaan Gakelebale lee, ’té woo ’wolé miyilinu bɔa; we lé wo tinu a kɛlɛ, yee lé wolé nénu valé wolé néné zi nénénu vo a kɛlɛna fɔɔ kyɔ.

2 Minwiinzannu 2:24

É nɔla yé é wo nagini, yé é bale pa wo ma Gakelebale tɔ nya. Yé wi blɛn lé wa laama urisi, wo si pɔrɔ gi fié yé wo pɛniɛnu ’ko va mi yɔ fié wɔlɛ fié gyɛ.

Ézai 15:9

’Yibanu gi fan nyɛ nya Dimɔn. Maa dan nyané taa pa lɛ Dimɔn munu ta; Moab munu lé wo so we lee, maa dan golizra pa lɛ wo lɛ zia; wo kiéné lé wo vo Moab tɛrɛ la, maa dan golizra pa lɛ wo lɛzia.

Jérémi 10:7

Bɛnnu nwiinzan, de ɛ ’ka kanaan i lee loo? Kanale i lee yara lé; Naa, bɛnnu lé wedɔɔmunu faa koo, bɛngɔnɔnu faa koo, I danmazan do kpen ’ka wo va lo.

Jérémi 15:3

Gakelebale léé: Maa dan bawurumagyɛ ziɛn pa lɛ wo lɛ zia; gwɔun lé wo gyɛle koo, blénnu lé wo ganale koo, lagi mianénu valé tɛrɛlawinu lé wo blele valé wo sɛrɛle koo, woo lé.

Jérémi 5:6

Amalé pɔrɔ gi golizra éé wo gya, Bwila glau éé wo wi kinié ékema, Kua a wo mavɔɔna wolé flagɔrɔ ’léé, Munu faa lé woo sié fla, é dan wo wi kini lɛ ékema; Naa, wo bélidɔwe sɛrɛ di, Wo yuɛgiblanle gi gyɛ.

Ézékiɛl 14:15

Dé maa a se kɛlɛ kɔɔn migyɛwinu lɛ léé, wo gié tɛrɛ ’ko ta a tamunu gyɛle we ma, dé tɛrɛ ’ko la kɛlɛ bwii lé, mi do ’ka bɔa giéle lɛ ana wi nyanénu ’ko lé we ma lo, ana nya,

Ézékiɛl 14:21

Amalé we lé Mizan Gakelebale a fe, yee lo: Dé maa anlé welɛdɔ migifɛ ziɛn pa Jérusalɛm lɛ zia, gwɔun koo, lɔrɔ koo, migyɛwinu koo, migyɛgyɛ koo, woo lé, dé maa wo pa zia blaminu valé winu kulu gale we ma,

Daniɛl 6:26

Maa munu béli dɔ anlé tɛrɛ faa la léé, munu ’é kana Daniɛl lé Bale lee, yé di blɛn ’é kini wo gi alé we ma. Naa, yee ɛ ke Bale yuɛmale nya, yé éé voo ana lɛɛfaama, a glɛ ’ka lo. Alé plale mi nwiin ’ka sɛra lo, yé é dan vo lɛ mi nwiin fɔɔ yé é bɔ a ’wuo plana.

Lévinu 26:22

Maa dan bwigiwinu nwa lɛ ka ma, yé wo dan kalé nénu si lɛ ka lee yé wo dan kalé winu kulu ga lɛ, yé wo dan ka ke si lɛ a va yé ka vo sɛné; yé kalé zinu é dan ga lɛ.

Jonas 1:9

É a zi pa wo lɛ léé: Maa a Ébru mi nya. An kanaan Gakelebale, lanu lé Bale lee. Yee ɛ wɛyi valé tɛrɛ kɛlɛ. Yé maa a gona yɔɔna a lee. Di kini munu ’konu gi é baba, yé wo lé a lɛ léé: Mɛmalé i we ’ko kɛlɛ a zoo?

Jozué 22:25

Rubɛnnu valé Gadnu, Gakelebale Juudɛn yuu dɔ kaa méléna glɛ nya. Kazé ’ka Gakelebale va lo. Yé ’bɛ zo lé ka benu é dan ko benu lé kanale Gakelebale lee yi ga lɛ.