2 Minwiinzannu 17:23 - Kazambale lé Sebe Sauunu 1979

²³ fɔɔ yé Gakelebale Izraɛl bin é yara baa, fɛan zo lé é a fe é wuozannu Balelayezannu faa lɔlu nya, a zo. Yé wo go Izraɛl munu nya luu gi wolé tɛrɛ ma baa, Asiri tɛrɛ la, ana lé wo vo fɔɔ kyɔ yi nya.

2 Minwiinzannu 17:23 ပူးပေါင်းရင်းမြစ်များ

1 Minwiinzannu 13:2

É siaa balebanna ta Gakelebale dére nya, yé é léé: Balebanna! Balebanna! Gakelebale léma: Bé ye, wo dan né do yaa lɛ David gɔnɔ gi; wo dan a tɔ laa lɛ Jozias; gɔ nwiin yobannanu lé balebanzannu lé woo lasikɔrɔ kyɛ blé i ta bɛ, é dan saraka bo lɛ wo nya i ta, yé wo dan mi wɔlɛnu kyɛ ble lɛ i ta.

1 Minwiinzannu 14:16

Wenyanénu lé Jéroboam a kɛlɛ, é valé wenyané lé é a vɔ Izraɛlnu lee, alé we ma lé Bale é dan daan lɛ Izraɛl ma.

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

2 Minwiinzannu 13:23

Naa, Gakelebale zin kɛlɛ wo lɛ yé a nyanai zén wo ta, yé é yara nɔla wo ta gipawe lé é a kɛlɛ Abraam koo, Izak koo, Jakɔb koo, wo va, a we ma. É ’ka a va léé, ’é wo kulu ga lo, yé fɔɔ kyɔ yi nya é ’ka sɔn vɔ lɛ wo ma lo.

2 Minwiinzannu 17:13

Gakelebale we pla Izraɛl valé Juda lɛ élé balelayezannu faa valé fɛnayezannu faa lɔlu nya, yé é lé wo lɛ léé: ’Ka si kalé zi naané ta, ’ka tawo anlé bélidɔwe yɛrama, ’ka an déretawe kɛlɛ, yé bélidɔwe lé maa a fe ka tranu lɛ yé maa a pa ka lɛ zia an wuozannu balelayezannu nya, ’ka a faa kɛlɛ tegele.

2 Minwiinzannu 17:18

É ziin, Gakelebale bli fli wo ma é baba yé é wo si é yara baa. Juda bɛn do kpen ɛ vo.

2 Minwiinzannu 17:20

Gakelebale sɔn vɔ Izraɛl bɛn faa ma; é wo gyɛ yara nya yé é wo pa ’wiiéwotamunu lee, yé é a ’wuo pla wo binle nya é yara baa.

2 Minwiinzannu 17:22

Wenyanénu faa lé Jéroboam a kɛlɛ, Izraɛl munu wobo nɔ a faa kɛlɛle lɛ; wo ’ka ’wo yara si lɛ wo ta lo,

2 Minwiinzannu 17:6

Ozé lɛɛ sɔraziɛnzan nya Asiri nwiinzan blɛn Samari si yé é go Izraɛl nya luu gi Asiri tɛrɛ la. É wo nyana Salaki valé Sabɔɔ yuu lé ke Gozan tɛrɛ la, a gɔ la, é valé Mɛdenu lé flanu ta.

2 Minwiinzannu 21:14

Anlé munu pɔné lé wo vo, maa dan daan lɛ wo ma, yé maa dan wo pa lɛ wo nyanézannu lee; wo dan kɛlɛ lɛ wo nyanézannu faa lé gulizarafɛ valé dɔnmawi nya;

2 Minwiinzannu 23:27

Yé Gakelebale léé: Maa Izraɛl si an yuɛ gi fɛan zo, a zo duo lé maa dan Judanu si lɛ an yuɛ gi é ziin, yé fla ’ko, Jérusalɛm lé maa si a va, é valé kɔn lé maa a mawe fe léé, ’bɛna lé an tɔ é dan kɛlɛ lɛ, maa dan sɔn vɔ lɛ wo ma.

2 Minwiinzannu 24:3

We ’ko kɛlɛ Gakelebale lé blibɔmawe nya, we bɛ ma kaan lo; é a a va léé, é Juda si é yuɛ gi, wenyané faa lé Manasé a kɛlɛ,

2 Minwiinzannu 25:21

Babilɔn nwiinzan wo gyɛ yé wo ga Ribla, Amat tɛrɛ la.

2 Minwiinzannu 3:3

naa, ébo nɔ Nébat be Jéroboam lé é Izraɛl kɛlɛ wenyanékɛlɛzannu nya, alé wenyané kɛlɛle lɛ, yé é ’ka daan lɛ a ma lo.

Néémi 9:32

Yé sin, kolé Bale, Bale blɛn, Bale plɛplɛ, kana lee Bale, bii lé i ilé gipawe lɛ sɔɔan yé i nyanai éé zén‐é, ko koo, ko nwiinzan blɛnnu koo, kolé Balebanmunu koo, kolé balelayezannu koo, ko tranu koo, ilé munu faa koo, nyané faa lé ko faa a ble, é sia Asiri nwiinzan blɛnnu bléyi va fɔɔ yé é bɔ kyɔ yi ’ko ma, té bé ye we kiéné nya lo.

Lɛrɛvɔ Sɛbɛ 51:13

Té i an si i ma baa lo, Té i i léli sauun si an gi lo.

Ézai 7:8

Naa, Damas a Siri tɛrɛ la kuru ’léé nya, yé Rɛsɛn a Damas flanwiinzan nya. É sia ’ko, lɛɛ yɔ yaa wɔlɛ soru, Éfraim ’ka dan kɛlɛ lɛ bɛn nya é dɛrɛ lo.

Jérémi 52:3

Gakelebale bli fli Jérusalɛm valé Juda ma, yé é a a va léé, ’é wo si é yuɛ gi, amalé we ’ko kɛlɛ. Yé Sédésias nwa Babilɔn minwiinzan blɛn ma.

Jérémi 7:15

Yé maa dan ka bin lɛ an ma baa, bélé fɛan zo lé Éfraim kulunu lé wo ke ka bwenu nya, maa sɔn vɔ wo ma fɛan zo, a zo. Maa Gakelebale ɛ ke a fena.

OZÉ (Osée) 12:3

Gakelebale a we blena Juda va, yé é dan we lɛdɔ lɛ Jakɔb gi alé tawobɛ ma, yé é dan a banwo lɛ a kɛlɛwe yɛrama.

Amɔs 5:27

yé maa dan go lɛ ka faa nya luu gi Damas zi. A zo lé Gakelebale a fe; a tɔ lé lai sunyanu lé Bale.

Misé 1:5

We ’konu faa bɔ Jakɔb lé wenyané blɛnnu lé we ma; Izraɛlnu lé wenyanénu ma lé é bɔ. Jakɔb lé wenyané blɛn a mɛ fɛ nyaa? Samari kaan loo? Juda munu lé gɔ nwiin yobannanu a kyɛɛn? Jérusalɛm kaan loo?

Misé 1:6

Maa dan Samari kɛlɛ lɛ gɔlɛ zun nya bwi gi; é dan kɛlɛ lɛ dɔrɔféi pana nya. Maa dan alé kɔndɔgɔlɛnu vuli lɛ gɔ worona; maa dan alé kɔn ganenu ma bɔra lɛ.

Misé 2:5

Bɛwemalé i ’ka dan mi do kpen ye lɛ Gakelebale lé munu va, ’té é bawɔrɔ dan féi ma lo.

Bélidɔwesɛbɛ Fiézan 32:20

É léé: An dan an yara si lɛ wo la, Yé an dan wozé ’wuoplana ye lɛ; Naa, wa bɛn sɛrɛle nya, Wa yuɛi blaan nénu nya.

Jozué 23:13

é a sɔbɛlawe nya léé, Gakelebale, kalé Bale ’ka dan vo lɛ bɛn ’konu binna ka ’lɛ lo; wo dan kɛlɛ lɛ ka lɛ séli valé san nya, plén nya ka sɛe gi, lélinu nya ka yuɛ gi, fɔɔ yé ka kulu é ga tɛrɛ zin lé Gakelebale kalé Bale a nɔ ka lɛ, a ta.

Weblezannu 18:30

Wo miyili nyaale dɔ wozé nya, yé Manasé be Gɛɛsom, ’bɛ be Jonatan, yee valé é benu kɛlɛ balebanzannu nya Dan bɛn lɛ, fɔɔ yé é bɔ wo gole luu gi ma.