2 Minwiinzannu 17:20 - Kazambale lé Sebe Sauunu 1979

²⁰ Gakelebale sɔn vɔ Izraɛl bɛn faa ma; é wo gyɛ yara nya yé é wo pa ’wiiéwotamunu lee, yé é a ’wuo pla wo binle nya é yara baa.

2 Minwiinzannu 17:20 ပူးပေါင်းရင်းမြစ်များ

2 Minwiinzannu 13:23

Naa, Gakelebale zin kɛlɛ wo lɛ yé a nyanai zén wo ta, yé é yara nɔla wo ta gipawe lé é a kɛlɛ Abraam koo, Izak koo, Jakɔb koo, wo va, a we ma. É ’ka a va léé, ’é wo kulu ga lo, yé fɔɔ kyɔ yi nya é ’ka sɔn vɔ lɛ wo ma lo.

2 Minwiinzannu 13:3

Gakelebale bli fli Izraɛlnu ma, yé é wo pa Siri nwiinzan Azaɛl valé Azaɛl be Bɛn‐Adad lee, minwiinzan ’konu lé tɛrɛla faa gi.

2 Minwiinzannu 13:7

Wisootazannu yɔ fié wɔlɛ vu koo, goro vu koo, gane la sunyanu baa soru koo, wo saa lé Gakelebale a vo Joakaz lee, munu faa lé wo ke a va é vinin, wo va munu nya; naa, Siri nwiinzan blɛn mi pɔnénu gyɛ, yé é wo kɛlɛ bélé vun lé mi a zɔn é gane nya, a zo.

2 Minwiinzannu 15:29

Izraɛl nwiinzan blɛn Pékas bléyi va, Asiri nwiinzan blɛn Tiglat‐Pilézɛɛ da, yé Ijɔn koo, Abɛl‐Bɛt‐Maaka koo, Janoas koo, Kédɛs koo, Asɔɔ koo, Galaad koo, Galilé koo, Néfitali lé tɛrɛ faa koo, é wo si, yé é go ana munu nya luu gi Asiri tɛrɛ la.

2 Minwiinzannu 17:15

Wo sɔn vɔ alé bélidɔwe koo, gipawe lé é a kɛlɛ wo tinu va koo, wenu lé é a pla wo lɛ koo, wo ma. Wo go boafɛnu zuo yé wobozen kɛlɛ boazannu nya, yé bɛnnu lé ke wo zi, wo go wo zuo, dɔlé ’té Gakelebale a yi ga wo lee léé, té ’wo wo zuo sona lo.

2 Minwiinzannu 17:18

É ziin, Gakelebale bli fli wo ma é baba yé é wo si é yara baa. Juda bɛn do kpen ɛ vo.

2 Minwiinzannu 18:9

Ézékia lɛɛ ziɛnzan lé ke Izraɛl nwiinzan Éla be Ozé lɛɛ sɔrafiézan nya, Asiri nwiinzan blɛn Salmanazaa nwa Samari ma yé é a mabɛn.

2 Minwiinzannu 21:14

Anlé munu pɔné lé wo vo, maa dan daan lɛ wo ma, yé maa dan wo pa lɛ wo nyanézannu lee; wo dan kɛlɛ lɛ wo nyanézannu faa lé gulizarafɛ valé dɔnmawi nya;

2 Minwiinzannu 23:27

Yé Gakelebale léé: Maa Izraɛl si an yuɛ gi fɛan zo, a zo duo lé maa dan Judanu si lɛ an yuɛ gi é ziin, yé fla ’ko, Jérusalɛm lé maa si a va, é valé kɔn lé maa a mawe fe léé, ’bɛna lé an tɔ é dan kɛlɛ lɛ, maa dan sɔn vɔ lɛ wo ma.

2 Minwiinzannu 24:3

We ’ko kɛlɛ Gakelebale lé blibɔmawe nya, we bɛ ma kaan lo; é a a va léé, é Juda si é yuɛ gi, wenyané faa lé Manasé a kɛlɛ,

Néémi 9:2

Munu lé wo ke Izraɛl bɛnnu nya, yé wo kan kini bɛn bɛnu faa ma, wo bɔra a gi, yé wo ’wolé wenyané fe yé wo ’wo tranu kɛlɛwe plenu fe.

Lɛrɛvɔ Sɛbɛ 51:13

Té i an si i ma baa lo, Té i i léli sauun si an gi lo.

Lɛrɛvɔ Sɛbɛ 53:5

Munu lé woo weple kɛla, dé wedɔɔle saan wo gii? É sɔ wo lɛ léé, wo anlé munu ble bélé fɛblele zo; Wo ’ka Bale tɔ laan pelo.

Lɛrɛvɔ Sɛbɛ 80:13

Mɛmalé i a zi gɔrɔ zana a gii? Yé giémunu faa a poro soo?

Ézai 2:6

Naa, Gakelebale sɔn vɔ élé munu, Jakɔb lé munu ma. Wo yirinwanazia munu lé yonu ble yé wo ’wobo nɔ yo kɛlɛle lɛ bélé Filisitinu zo, yé wo gi pa do bɛn bɛnu va, amalé Gakelebale sɔn vɔ wo ma.

Ézai 45:25

Gakelebale é dan Izraɛl kulu faa kɛlɛ lɛ tegele, ’Té éé wo tɔ kɛla blɛn.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 46:28

Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Jérémi 52:3

Gakelebale bli fli Jérusalɛm valé Juda ma, yé é a a va léé, ’é wo si é yuɛ gi, amalé we ’ko kɛlɛ. Yé Sédésias nwa Babilɔn minwiinzan blɛn ma.

Jérémi 6:30

Woo wo laama gɔɔlifu bo. Naa, Gakelebale sɔn vɔ wo ma, azama.

Jérémi 7:15

Yé maa dan ka bin lɛ an ma baa, bélé fɛan zo lé Éfraim kulunu lé wo ke ka bwenu nya, maa sɔn vɔ wo ma fɛan zo, a zo. Maa Gakelebale ɛ ke a fena.

OZÉ (Osée) 1:6

É bɔn si é ziin, yé é né yaa le nya. Yé Gakelebale lé Ozé lɛ léé: Bé tɔ pa Lo‐Rusama; a gi léé, nyanai ’ka dan zén lɛ lo; naa, an nyanai ’ka dan zén lɛ Izraɛl munu ta é dɛrɛ lo, yé maa ’ka dan wo ma we vo lɛ é dɛrɛ lo.

OZÉ (Osée) 12:3

Gakelebale a we blena Juda va, yé é dan we lɛdɔ lɛ Jakɔb gi alé tawobɛ ma, yé é dan a banwo lɛ a kɛlɛwe yɛrama.

Jonas 1:3

Yé Jonas nwa gole Taasis we ma, yɔɔle Gakelebale lee we gi. É go Jafo, yé é ’yitagoro do ye, ’té ’bɛ é go Taasis. É a banwo, yé é vɔ a gi, munu lé wa gona Taasis, wo va, yɔɔle Gakelebale lee we gi.

Matio 25:41

A zuo an dan a fe lɛ an bɛbolazannu lɛ léé: Balepamazannu, ’ka si an va; ’ka go kyɛ lé é ’ka dirian monomono lo, ’té wa kɛlɛ yonufaatagɔné valé élé yonu zé nya bɛ, a va.

Bélidɔwesɛbɛ Fiézan 11:12

é sia lɛɛ dɛrɛ bɔ bléyi va fɔɔ yé lɛɛ é nyaa a zo, Gakelebale, kalé Bale éé tɛrɛ ’ko paan, ’té a yuɛ a a va bléyi faa va.

Bélidɔwesɛbɛ Fiézan 32:20

É léé: An dan an yara si lɛ wo la, Yé an dan wozé ’wuoplana ye lɛ; Naa, wa bɛn sɛrɛle nya, Wa yuɛi blaan nénu nya.

2 Tɛsalɔnik munu 1:9

Kazambale é dan wo si lɛ Mizan valé élé plɛplɛ lé fuasan ma baa, yé é dan we lɛdɔ lɛ wo gi wo sɛrɛle tata nya.

Jozué 23:13

é a sɔbɛlawe nya léé, Gakelebale, kalé Bale ’ka dan vo lɛ bɛn ’konu binna ka ’lɛ lo; wo dan kɛlɛ lɛ ka lɛ séli valé san nya, plén nya ka sɛe gi, lélinu nya ka yuɛ gi, fɔɔ yé ka kulu é ga tɛrɛ zin lé Gakelebale kalé Bale a nɔ ka lɛ, a ta.

Weblezannu 18:30

Wo miyili nyaale dɔ wozé nya, yé Manasé be Gɛɛsom, ’bɛ be Jonatan, yee valé é benu kɛlɛ balebanzannu nya Dan bɛn lɛ, fɔɔ yé é bɔ wo gole luu gi ma.

Weblezannu 2:14

Gakelebale bli fli Izraɛl ma. É wo pa gulizarafɛ sizannu lee, yé ’bɛnu gulizarafɛnu si wo lee. É wo dan wo nyanézannu lé wo ke wo zi, wo lee, yé wo ’ka bɔa lɛ yé wo dɔ wo nyanézannu ’lɛ é dɛrɛ lo.

1 Samuɛl 15:23

Naa, lɛgamale a bélé ’moné dɔle zo, yé dɔle mi ma plɛplɛ a bélé yobanle valé miyilinu zo. I sɔn vɔ Gakelebale dére ma, amalé é sɔn vɔ i kɛlɛle minwiinzan nya ma é ziin.

1 Samuɛl 15:26

Samuɛl lé Saul lɛ léé: I sɔn vɔ Gakelebale dére ma, yé Gakelebale sɔn vɔ i ma, té i kɛlɛ Izraɛl nwiinzan nya é dɛrɛ lo we gi, amalé an ’ka dan go lɛ i va lo.

1 Samuɛl 16:1

Gakelebale lé Samuɛl lɛ léé: I dan daan lɛ Saul ma wuvɔle ma mɛ yi laa? An sɔn vɔ a ma, té é pla Izraɛl nwiin é ziin lo we gi. ’I nyɔnɔ fan ilé wibéli nya yé ’i go; mi lé é sɔ an lɛ léé, é kɛlɛ minwiinzan nya, maa a ye Bɛtléɛm mi Izai benu va, amalé maa dan i pa lɛ zia alé kɔn ’léé.