2 Minwiinzannu 17:18 - Kazambale lé Sebe Sauunu 1979

¹⁸ É ziin, Gakelebale bli fli wo ma é baba yé é wo si é yara baa. Juda bɛn do kpen ɛ vo.

2 Minwiinzannu 17:18 ပူးပေါင်းရင်းမြစ်များ

1 Minwiinzannu 11:13

Maa ’ka dan kalé tɛrɛ faa si lɛ a lee lo; maa dan bɛn do vo lɛ i be lee, an wuozan David valé Jérusalɛm lé maa a si a va, wolé we ma.

1 Minwiinzannu 11:32

Naa, bɛn do é dan vo lɛ a lee, an wuozan David valé fla lé maa a si a va anzé nya Izraɛl bɛnnu faa gi, Jérusalɛm lé we ma.

1 Minwiinzannu 11:36

maa dan bɛn do vo lɛ a be lee, léé, té an wuozan David lé kyɛbɔ é diri an yara, Jérusalɛm lé maa a si a va an tɔ pale a ma we gi, ana lo.

1 Minwiinzannu 12:20

Izraɛl munu faa a ’ma aan wo léé, Jéroboam da, wa laa léé, ’é da wo zénna ékeva na, yé wa dɔ Izraɛl faa nwiinzan nya. Juda bɛn do kpen ɛ go David gɔnɔlamunu va.

1 Minwiinzannu 8:46

Dé wo wenyané kɛlɛ i ma, naa, mi lé é ’ka wenyané kɛla lo, ’bɛzan ’ka lo, dé i bli fli wo ma yé i wo pa wo nyanézannu lee, yé wo go wo nya luu gi wolé tɛrɛ la, dé tɛrɛ baa léé, dé tɛrɛ pu léé,

2 Minwiinzannu 13:23

Naa, Gakelebale zin kɛlɛ wo lɛ yé a nyanai zén wo ta, yé é yara nɔla wo ta gipawe lé é a kɛlɛ Abraam koo, Izak koo, Jakɔb koo, wo va, a we ma. É ’ka a va léé, ’é wo kulu ga lo, yé fɔɔ kyɔ yi nya é ’ka sɔn vɔ lɛ wo ma lo.

2 Minwiinzannu 17:6

Ozé lɛɛ sɔraziɛnzan nya Asiri nwiinzan blɛn Samari si yé é go Izraɛl nya luu gi Asiri tɛrɛ la. É wo nyana Salaki valé Sabɔɔ yuu lé ke Gozan tɛrɛ la, a gɔ la, é valé Mɛdenu lé flanu ta.

2 Minwiinzannu 21:14

Anlé munu pɔné lé wo vo, maa dan daan lɛ wo ma, yé maa dan wo pa lɛ wo nyanézannu lee; wo dan kɛlɛ lɛ wo nyanézannu faa lé gulizarafɛ valé dɔnmawi nya;

2 Minwiinzannu 23:27

Yé Gakelebale léé: Maa Izraɛl si an yuɛ gi fɛan zo, a zo duo lé maa dan Judanu si lɛ an yuɛ gi é ziin, yé fla ’ko, Jérusalɛm lé maa si a va, é valé kɔn lé maa a mawe fe léé, ’bɛna lé an tɔ é dan kɛlɛ lɛ, maa dan sɔn vɔ lɛ wo ma.

2 Minwiinzannu 24:3

We ’ko kɛlɛ Gakelebale lé blibɔmawe nya, we bɛ ma kaan lo; é a a va léé, é Juda si é yuɛ gi, wenyané faa lé Manasé a kɛlɛ,

Lɛrɛvɔ Sɛbɛ 51:13

Té i an si i ma baa lo, Té i i léli sauun si an gi lo.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 52:3

Gakelebale bli fli Jérusalɛm valé Juda ma, yé é a a va léé, ’é wo si é yuɛ gi, amalé we ’ko kɛlɛ. Yé Sédésias nwa Babilɔn minwiinzan blɛn ma.

Jérémi 7:15

Yé maa dan ka bin lɛ an ma baa, bélé fɛan zo lé Éfraim kulunu lé wo ke ka bwenu nya, maa sɔn vɔ wo ma fɛan zo, a zo. Maa Gakelebale ɛ ke a fena.

OZÉ (Osée) 12:3

Gakelebale a we blena Juda va, yé é dan we lɛdɔ lɛ Jakɔb gi alé tawobɛ ma, yé é dan a banwo lɛ a kɛlɛwe yɛrama.

OZÉ (Osée) 9:3

Ka ’ka dan vo lɛ Gakelebale lé tɛrɛ la lo, Éfraimnu wo dan go lɛ Éjipiti tɛrɛ la wo pa gi, yé wo dan ’wo sɔnné ble lɛ Asirinu va.

Bélidɔwesɛbɛ Fiézan 32:20

É léé: An dan an yara si lɛ wo la, Yé an dan wozé ’wuoplana ye lɛ; Naa, wa bɛn sɛrɛle nya, Wa yuɛi blaan nénu nya.

Jozué 23:13

é a sɔbɛlawe nya léé, Gakelebale, kalé Bale ’ka dan vo lɛ bɛn ’konu binna ka ’lɛ lo; wo dan kɛlɛ lɛ ka lɛ séli valé san nya, plén nya ka sɛe gi, lélinu nya ka yuɛ gi, fɔɔ yé ka kulu é ga tɛrɛ zin lé Gakelebale kalé Bale a nɔ ka lɛ, a ta.

Jozué 23:15

Dére zinnu faa lé Gakelebale, kalé Bale a fe ka lɛ, wo lɛ sɔɔ fɛan zo, a zo duo lé Gakelebale é dan dére naanénu faa lɛ sɔɔ lɛ, fɔɔ yé é ka guru zana a gi tɛrɛ zin lé Gakelebale, kalé Bale a nɔ ka lɛ, a ta.

Weblezannu 18:30

Wo miyili nyaale dɔ wozé nya, yé Manasé be Gɛɛsom, ’bɛ be Jonatan, yee valé é benu kɛlɛ balebanzannu nya Dan bɛn lɛ, fɔɔ yé é bɔ wo gole luu gi ma.