2 Minwiinzannu 17:16 - Kazambale lé Sebe Sauunu 1979

¹⁶ Wo Gakelebale, wolé Bale lé bélidɔwenu faa vo, yé wo diriné serele fié kɛlɛ, wo Asataté miyilinu kɛlɛ, wo dia ’wo bli la lagi fɛnu faa ’lɛ, yé wo Baal bɔ.

2 Minwiinzannu 17:16 ပူးပေါင်းရင်းမြစ်များ

1 Minwiinzannu 12:28

Dé é ’é gi bɔrɔ faa minwiinzan kyandiriné kɛlɛ fié yé é lé munu lɛ léé: Izraɛl munu, ka gole Jérusalɛm bɔ é yi; kalé Bale lé é ka si Éjipiti tɛrɛ la, yee lo.

1 Minwiinzannu 14:15

Gakelebale é dan Izraɛl bla lɛ, yé é dan kɛlɛ lɛ bélé gyan lé ’yinu a nyɔɔn‐an, a zo; tɛrɛ zima lé é a nɔ Izraɛl tranu lɛ, é dan a si lɛ Izraɛl lee, yé é dan wo nwɛɛn lɛ yuu zi, wo miyilinu kɛlɛ yé wo Gakelebale bli fli, azama.

1 Minwiinzannu 14:23

Wo é ziin, wo gɔ nwiin yobannanu kɛlɛ, ’té yofoto valé miyilinu a gɔ faa nwiin valé yili drɔɔdrɔɔ faa wuo.

1 Minwiinzannu 15:13

A bu segele Maaka miyili kɛlɛ Asataté zé nya amalé dé é a a bu segele nyaoo, é kɛlɛle minwiinle nya se si a lee. Aza alé miyili sɛrɛ yé é a kyɛ ble Sédrɔn yuu ma.

1 Minwiinzannu 16:31

Abo nɔle Nabat be Jéroboam lé wenyané kɛlɛle lɛ a a yuɛ gi we kiéné nya, yé é Sidɔn munu nwiinzan Étabaal lu Jézabɛl si é na nya yé é go Baal bɔ lɛ, ’té éé diaan é yara a ’lɛ.

1 Minwiinzannu 16:33

Akab Gakelebale, Izraɛl lé Bale blifliwe kɛlɛ é mini Izraɛl nwiinzannu faa lé ke a ’lɛ, wozé ta.

1 Minwiinzannu 22:53

We lé ke é naané Gakelebale yuɛ gi, yee lé é a kɛlɛ, yé é tawo é ti valé é bu koo, Nébat be Jéroboam lé é Izraɛl kɛlɛ wenyané kɛlɛzannu nya koo, wo gane pa gi.

2 Minwiinzannu 1:2

Akazia a ’élé kɔn nwiin kɔn gi Samari yé é dia fɛnɛti ta, yé é gyɛ kɛlɛ. É munu nwunvɔ yé é lé wo lɛ léé: ’Ka go, ’ka we laa Ékrɔn lé bale Baal‐Zébub lee, a gi dɔɔle we gi léé, dé an dan nwa lɛ gyɛ ’ko gii?

2 Minwiinzannu 11:18

Ana tɛrɛlamunu faa wɔra Baal lé kɔn gi, yé wa sɛrɛ; wo a bannanu valé alé miyilinu ’wii yé wo Baalbanzan Matan gyɛ é banna ’lɛ. Balebanzan Jéojada Gakelebale lé kɔn tabinzannu dɔ.

2 Minwiinzannu 16:3

É tawo Izraɛl nwiinzannu lé tawobɛ gi; yé dé é a a be vɔle nya kyɛ vaoo, é ’bɛ kɛlɛ; bɛnnu lé Gakelebale wo bin Izraɛl ’lɛ, é go wolé naanaawe zuo.

2 Minwiinzannu 17:10

Wo miyilinu valé yofotonu dɔ gɔ grɔgrɔ faa nwiin valé yili drɔɔdrɔɔ faa wuo.

2 Minwiinzannu 18:6

É yere Gakelebale ma, yé é ’ka diéra lɛ a zuo lo, yé bélidɔwenu lé Gakelebale a fe Moizi lɛ, é wo kɛlɛ.

2 Minwiinzannu 21:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu dɔ; é Asataté miyili kɛlɛ, bélé Izraɛl nwiinzan Akab a kɛlɛ fɛan zo, a zo, yé é dia é bli la lagifɛnu faa ’lɛ, yé é wo bɔ.

Fwile 32:4

É wo si wo lee yé é wo zén folibofɛ gi yé é sele yé é wo kɛlɛ diriné nya. Yé wo léé: Izraɛl, ilé bale lé é i fwi Éjipiti tɛrɛ la, yee lo.

Fwile 32:8

Zi lé maa a gɔɔn wo lɛ, wa saan é kele; wo diriné selele kɛlɛ ’wobo lɛ, yé wo dia ’wo bli la a lɛ; wo sarakanu bo a lɛ, yé wo léé: Izraɛl, ilé bale lé é i fwi Éjipiti tɛrɛ la, yee lo.

Ézai 2:8

Miyilinu a é fanle wolé tɛrɛ la; woo diaan ’wo bɛ kɛlɛfɛnu ’lɛ, fɛnu lé wo wo nyaa woboan, woo diaan wo ’lɛ.

Jérémi 19:13

Jérusalɛm kɔnnu valé Juda nwiinzannu lé kɔnnu, wo dan kɛlɛ lɛ fɛ lé wana sɔnné sɛrɛ, a nya, bélé Tofɛt zo; kɔnnu faa lé wo lasikɔrɔ kyɛ ble wo nwiin lagifɛnu faa ’lɛ, ’té woo baleban’yi zanaan bale bɛnu lɛ wo nwiin bɛ, woo lé.

Jérémi 44:17

Naa, dé ko wean fe, ko kɛla; é sɔ ko lɛ léé, ko lasikɔrɔpo kyɛ ble lagi fuale lɛ yé ko ’yi zana a lɛ, ko valé ko tranu koo, ko nwiinzan blɛnnu valé ko nwiinzannu koo, ko kɛla turu fɛan zo Juda tɛrɛ la flanu valé Jérusalɛm zinu ta, a zo. ’Bɛ bléyi va ko fɛ blé yé ko kaan, ko gi éé nanaan, ’té wenaané do kpen ’ka bɔa ko ma lo.

Ézékiɛl 23:8

Éjipiti munu yia a va a boroné la bléyi va; wo bɛ mane a nyɔ toroné ma, yé wo ’wolé leginile vɔ a lee, amalé é ’ka sɔn vɔ lɛ gɔné ginile ma wo va lo.

Lévinu 26:1

Té ka miyilinu kɛlɛ kabo lɛ lo, té ka fɛ do kpen foto kɛlɛ lo, té ka yobɔ kɛlɛ lo; gɔlɛ lé wa ma guru vɔ mi ’wuo foto nya, té ka do kpen dɔ kalé tɛrɛ la, ka diale wo ’lɛ we gi lo; maa a Gakelebale, kalé Bale nya, azama.

Bélidɔwesɛbɛ Fiézan 16:21

Bale banna lé ka dan a kɛlɛ lɛ Gakelebale, kalé Bale zé nya, té ka miyili dɔ a sɔnɔ lo.

Bélidɔwesɛbɛ Fiézan 4:19

Dé ka yara nwa lai zia, yiri koo, moné koo, monénénu koo, lagifɛ gbaunu bɛ, dé ka wo ye, té ’wo ka sia ana yé ka dia ka bli la wo ’lɛ yé ka wo bɔ lo; dé ka kɛlɛ, ’té ka kabo sɛrɛ. Gakelebale, kalé Bale fɛ ’konu kɛlɛ munu faa lé ke tɛrɛ la, wo faa zé nya.