2 Minwiinzannu 17:14 - Kazambale lé Sebe Sauunu 1979

¹⁴ Naa, wo ’ka ’wo tɔné dɔ lɛ lo, yé wo kɛlɛ tɔnégiplɛplɛzannu nya bélé wo tranu lé wo ’ka bli vo lɛ Gakelebale, wolé Bale lɛ lo, wo zo.

2 Minwiinzannu 17:14 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 24:19

Gakelebale balelayezannu pa wo lɛ zia léé, ’wo da wo nya ’é va é ziin, naa, wo ’ka wo tɔné dɔ lɛ wolé weplalenu lɛ lo.

2 Minwiinmunu lé Wezuofe Sɛbɛ 36:13

Minwiinzan blɛn Nébukanɛsaa lé, é lé Sédésias lɛ léé, ’i bale ’nyɔɔn, Sédésias nwa ’bɛ ma é ziin. É tɔné gi dɔ plɛplɛ yé é bli ta dɔ plɛplɛ léé, ’é ’ka nɔlana ’é pa gi Gakelebale, Izraɛl lé Bale va lo.

Néémi 9:29

I we pla wo lɛ léé, ’wo da ilé bélidɔwe kɛlɛ é ziin, yé wo yara pa wolé boblɛn kɛlɛle ta. Wo ’ka wo tɔné dɔ lɛ ilé bélidɔwe sɔnnénu lɛ lo. Déretawenu lé, dé mian é tawo a ta é vo é yuɛma a nya bɛ, wo ’bɛ sɛrɛ, wo ’wo bɛapa nwa i ma, ’té woo ’wo bɔrɔ vɔɔan i ta, yé wo ’ka i lɛdɔ lɛ a ma monomono lo.

Lɛrɛvɔ Sɛbɛ 106:24

Yé tɛrɛ lé éé mi gi nanaan é baba, wa ye boatɛrɛ nya, Wo ’ka ’wo bli vo lɛ Gakelebale dére lɛ lo,

Lɛrɛvɔ Sɛbɛ 78:22

Wo ’ka ’wo bli vo lɛ Bale lɛ lo, azama; Wo ’ka pa lɛ a ta léé, é dan bɔ lɛ ’wo va lo.

Lɛrɛvɔ Sɛbɛ 78:32

Naa, duowo, wo vo wenyané kɛlɛna, Wo ’ka wo bli do kpen vo lɛ alé weblɛnblɛnnu kɛlɛle lɛ lo.

Lɛrɛvɔ Sɛbɛ 78:8

Léé, té wo kɛlɛ bɛn lé woo mi lɛgaan a ma, yé wo tɔné gi ke plɛplɛ bélé wo tinu zé zo, wo nya lo, Bɛn lé wo bli ta ’ka é dɔle plɛplɛ lo, Yé wo léli fuu ’ka é ta Bale lé we gi lo, té wo kɛlɛ ’bɛ nya lo.

Fwile 16:28

Yé Gakelebale lé Moizi lɛ léé: Mɛ yi la lé ka dan an sɔnné pa lɛ yé ka anlé bélidɔwenu kɛlɛɛ?

Fwile 32:9

Gakelebale lé Moizi lɛ léé: Maa ye léé, munu ’ko, wa wemaplɛplɛzannu nya.

Fwile 33:3

’I go tɛrɛnyɔnɔzan na zia. Naa, maa ’ka dan go lɛ ka va lo, dé maa da ka guru zana a gi zia, ka a wemaplɛplɛzannu nya, azama.

Wegɔnévɔlenu 29:1

Mi lé a yara a lé, wo we pla a lɛ, yé é ’ka é ’wuo dɔa a wuo lo, wo dan a ’wii lɛ za ma, té a lia ’ka lo.

Ézai 48:4

Maa gi dɔɔ léé, ka bli a plɛplɛ, Yé ka tɔné gi a plɛplɛ bélé foliɛwɔlɛ zo, Yé ka yuɛ ma a plɛplɛ bélé gɔlɛ zo,

Jérémi 3:7

Yé maa léé: We ’konu faa kɛlɛle zuo, Izraɛl é dan da lɛ an va. Naa, é ’ka da lɛ lo. Yé a buru Juda lé ke gilawe kɛlɛzan nya, é ana ye.

Jérémi 34:14

Lɛɛ sɔrafié giéle zuo, ka faa do do, ka bwe Ébrunu lé wo wobo dan ka lee, ’ka wo vo wobo ma. ’Wo nyanama pa i va lɛɛ suiɛdo, ’bɛ zuo yé bé si ilé kɔn ’léé, yé ’é vo ébo ma. Naa, ka tranu ’ka wo tɔné dɔ lɛ an dére lɛ lo, wo ’ka an ban lɛ wo tɔné nya lilo.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Ézékiɛl 12:2

Blami be, i a é nyanale tɔnégiplɛplɛzannu méléna; munu lé wo yuɛnu ke léé, wo yɛrɛ ye, yé wo ’ka yɛrɛ yé lo; ’té wo tɔnénu ke léé, wo we ’ma, yé wo ’ka we maan lo, woo lé. Naa, wa tɔnégiplɛplɛzannu nya.

Ézékiɛl 2:3

É lé an lɛ léé: Blami be, maa i pa zia Izraɛl munu lé woo bɔrɔ vɔɔan an nwiin, ’té woo nwaan an ma, wo va. Wo valé wo tinu, wo wenyané kɛlɛ an ma fɔɔ kyɔ yi ’ko nya.

Ézékiɛl 3:19

Naa, dé i we lɛ kini wenyanékɛlɛzan lɛ, dé é ’ka si lɛ élé wenyané kɛlɛle valé élé wenaané kɛlɛle zuo lo, é dan ga lɛ élé weple nya é lee, ’té a gawe ’ka i nwiin lo.

Daniɛl 5:20

Naa, bléyian va lé é bo kɛlɛ blɛn yé a yuɛ ma kɛlɛ plɛplɛ fɔɔ yé é blii boblɛn nya, wa zun gla nya élé webleblin ta, yé wo alé fua si a lee.

OZÉ (Osée) 11:2

Dé maa wo laaoo, ’té wo yara a wo ’lɛ mi; Wo Baalnu ban Yé wo lasikɔrɔpo kyɛ ble yonu lɛ.

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Bélidɔwesɛbɛ Fiézan 1:32

Dé Gakelebale, kalé Bale ’bɛ faa kɛlɛoo, ka ’ka pa lɛ ’bɛ ta lo;

Bélidɔwesɛbɛ Fiézan 31:27

Naa, maa kalé nwamimabli valé ka tɔnégiyuyu dɔɔ. Dé ka nwa Gakelebale ma bléyian va lé maa a é yuɛma ka méléna, an gale zuo zé ’ka dan mini lɛ loo?

Bélidɔwesɛbɛ Fiézan 9:13

Gakelebale lé an lɛ léé, ’é a ye léé, munu ’ko a wemaplɛplɛzannu nya.

Ébrunu 3:12

Bwenu, ’ka yuɛ pa kabozen va; bli nyané lé é ’ka vo we lɛ lo, té ’é kɛlɛ ka va mi do gi fɔɔ yé é diéra Bale yuɛmale zuo lo.