2 Minwiinzannu 16:7 - Kazambale lé Sebe Sauunu 1979

⁷ Akaz munu nwunvɔ Asiri nwiinzan blɛn Tiglat‐Pilézɛɛ va, a fele a lɛ we gi léé: Maa a i wuozan valé i be nya; ’i da yé ’i an si Siri nwiinzan blɛn valé Izraɛl nwiinzan blɛn lé wo nwa an ma ’ko, wo lee.

2 Minwiinzannu 16:7 ပူးပေါင်းရင်းမြစ်များ

1 Minwiinzannu 20:4

Izraɛl nwiinzan blɛn léé: Anzan, minwiinzan, maa valé anlé fɛnu faa a izé nya, bé fe fɛan zo, a zo.

2 Minwiinzannu 15:29

Izraɛl nwiinzan blɛn Pékas bléyi va, Asiri nwiinzan blɛn Tiglat‐Pilézɛɛ da, yé Ijɔn koo, Abɛl‐Bɛt‐Maaka koo, Janoas koo, Kédɛs koo, Asɔɔ koo, Galaad koo, Galilé koo, Néfitali lé tɛrɛ faa koo, é wo si, yé é go ana munu nya luu gi Asiri tɛrɛ la.

2 Minwiinzannu 18:7

Yé Gakelebale kɛlɛ Ézékia va, yé we faa lé é a pélisia, é a ’wuo pla. É nwa Asiri nwiinzan blɛn ma, yé é ’ka pla lɛ a wuo é dɛrɛ lo.

Minwiinzannu lé Wezuofe Sɛbɛ 5:26

Yé Izraɛl lé Bale Pul valé Tiglat‐Pilézɛɛ bli nwa, ’té ’bɛnu ke Asirimunu nwiinzan blɛnnu nya bɛ, yé Tiglat‐Pilézɛɛ go Rubɛnnu valé Gadnu valé Manasénu lɛgɔnɔ do nya luu gi; é go wo nya Salaki koo, Sabɔɔ koo, Aara koo, Gozan yuu koo, wona, yé woo nyanaan ’bɛna fɔɔ kyɔ yi ’ko nya.

2 Minwiinmunu lé Wezuofe Sɛbɛ 28:16

’Bɛ bléyi va, minwiinzan blɛn Akaz mi nwunvɔ Asirinu nwiinzan blɛn va, léé, ’é da bɔ ’é va.

2 Minwiinmunu lé Wezuofe Sɛbɛ 28:20

Asirinu nwiinzan blɛn Tiglat‐Pilézɛɛ da a va guli nya yé é we kɛlɛ a lɛ bélé é nyanézan zo. É ’ka bɔ lɛ a va lo.

Ézai 2:6

Naa, Gakelebale sɔn vɔ élé munu, Jakɔb lé munu ma. Wo yirinwanazia munu lé yonu ble yé wo ’wobo nɔ yo kɛlɛle lɛ bélé Filisitinu zo, yé wo gi pa do bɛn bɛnu va, amalé Gakelebale sɔn vɔ wo ma.

Jérémi 13:21

É we lɛdɔ i gi, i lé ’bɛ gi nɔɔ? Biibozen we paa wo gi léé, ’wo kɛlɛ izan nya; i ’ka dan kle ble lɛ bélé né yaa le lé né a kun, a zo loo?

Jérémi 17:5

Gakelebale we fe yé é léma: Mian éé paan blami ta, ’Té éé mi kɛla é tɛngizan nya, ’Té éé bli sié Gakelebale lɛ, ’wo bale pa ’bɛzan ma.

Jérémi Lé Wuvɔ Sɛbɛ 4:17

Ko yuɛ pɛ ga é gi é ziin, Ko ko bɔavazannu lɛbɛn é pla. Ko vo a naginina, ’té ko bli a a lɛ léé, Bɛn do é dan ko si lɛ we gi, naa, ’bɛ ’ka lo.

Ézékiɛl 16:28

Ilé gɔnéginile ’ka i kan lɛ lo, amalé i Asirinu gini gɔné nya. I wo gini gɔné nya, naa, wo ’ka izé bɔ lɛ duowo lo.

Ézékiɛl 23:12

A bli bɔ Asirinu ma, minisinu valé mi blɛnnu lé wo ke é pu bɛ, wo ma, ’té wa é ’lɛrɛle kaii, ’té wa wisoo tazannu nya; pɛniɛ boronénu lé lomu bli éé bɔa wo ma, wo lɔrɔ a gyɛ.

Ézékiɛl 23:5

Oola kɛlɛ an ma gɔnéginizan nya; a bwɛnu lɔrɔ a gyɛ, a bwɛnu lé ke Asirinu lé wo ke a punma bɛ, wo nya.

OZÉ (Osée) 14:3

Asirinu ’ka dan ko si lɛ we gi lo, ko ’ka dan vɔ lɛ wisoonu ta lo. Ko ’ka dan a fe lɛ é dɛrɛ ko bɛ panyanama lɛ léé, kolé Bale, lo. Naa, ti valé bugalazan woo nyanai zénle ’wo ta yé bii ɛ va.

OZÉ (Osée) 7:11

Éfraim a bélé tavo plawuo lé a ’wuo ’ka a ta lo, a zo. Dé é bɛ vɔ Éjipiti lɛ, gba, dé é go Asiri va, gba.