2 Minwiinzannu 16:10 - Kazambale lé Sebe Sauunu 1979

¹⁰ Minwiinzan blɛn Akaz go Damas wele Asiri nwiinzan blɛn Tiglat‐Pilézɛɛ va we gi. Balebanna lé ke Damas, minwiinzan Akaz a ye aan wo, é a kɛlɛbɛ valé a dɔbɛ pa Balebanzan Uri lɛ zia.

2 Minwiinzannu 16:10 ပူးပေါင်းရင်းမြစ်များ

2 Minwiinzannu 15:29

Izraɛl nwiinzan blɛn Pékas bléyi va, Asiri nwiinzan blɛn Tiglat‐Pilézɛɛ da, yé Ijɔn koo, Abɛl‐Bɛt‐Maaka koo, Janoas koo, Kédɛs koo, Asɔɔ koo, Galaad koo, Galilé koo, Néfitali lé tɛrɛ faa koo, é wo si, yé é go ana munu nya luu gi Asiri tɛrɛ la.

2 Minwiinzannu 16:11

Balebanzan Uri balebanna do kɛlɛ bélé a kɛlɛbɛ lé é si Damas, ’té minwiinzan Akaz a pa zia bɛ, a zo ’kyɛ, yé Balebanzan Uri a kɛlɛle nyaa faa yé minwiinzan Akaz si Damas.

2 Minwiinzannu 21:4

É yobannanu dɔ Gakelebale lé kɔn gi, dɔlé ’té Gakelebale a fe léé, Jérusalɛm ta lé é dan ’é tɔ vo lɛ.

Minwiinzannu lé Wezuofe Sɛbɛ 28:19

David léé: Gakelebale bozen bɛ nya lé an sɛbɛ ’ko gyɛ yé é we ’konu gɔɔn an lɛ, yé é an bɔn‐in kini wo kɛlɛbɛ ma.

Lɛrɛvɔ Sɛbɛ 106:39

A zo lé wo ’wobozen tiri dɔ ’wo kɛlɛwenu nya, Yé wo kɛlɛwenu kɛlɛ bélé bɔrɔdɛ le kɛlɛwe zo.

Fwile 24:4

Moizi Gakelebale dérenu faa gyɛ. ’Bɛ zuo é nwa bladi tutu; é balebanna kɛlɛ gɔ nyana ma yé é gɔlɛ vu ta fié pla é ke la Izraɛl bɛn vu ta fié zé nya.

Fwile 39:43

Moizi nyanama faa nagini; yé bé ye, wa kɛlɛ Gakelebale dére yɛrama, wa kɛlɛ ’kyɛ. Yé Moizi wo drɔɔ vo.

Ézai 8:2

Wenayezan fié lé a yara lé mi é pa wo ta, maa wo pa an va. Balebanzan Uri valé Bérékia be Zakari lé.

Jérémi 10:2

Gakelebale léma: Té ka bɛnnu lé tawobɛ zuosona lo, Té ka lagi tɔmasenu kana pa lo Dɔlé ’té bɛnnu a kanana wo lee.

Ézékiɛl 16:28

Ilé gɔnéginile ’ka i kan lɛ lo, amalé i Asirinu gini gɔné nya. I wo gini gɔné nya, naa, wo ’ka izé bɔ lɛ duowo lo.

Ézékiɛl 43:11

Dé yara wo gyɛ ’wolé tawobɛ faa lé we ma, ’i kɔn ’ko zi nagɔɔn wo lɛ; a ginu koo, a bɔrananu koo, a wɔrananu koo, a nyɔɔ gyɛle valé a sɔnnénu faa koo, a nyɔɔ gyɛle faa valé alé bélidɔwenu faa koo, bé gɔɔn wo lɛ. Bé gyɛ sɛbɛ ta yé bé pla wo yuɛ va, léé, a nyɔɔ faa koo, a sɔnnénu faa koo, wo dɔ a ta yé wo we kɛlɛ wo yɛrama.

Ézékiɛl 43:8

Wo ’wozé kɔnpa vɔ anzé sɔnɔ, yé wo ’wozé duoli vɔgiyilinu dɔ anzé sɔnɔ, kɔnguru do kpen ɛ ke maa valé wonu méléna. Wo an tɔ bɔle sɛrɛ wolé bozowenu kɛlɛle nya. Bɛwemalé an bli kɛlɛ wo maa tɔntɔn yé maa wo kulu ga.

Ézékiɛl 44:12

Naa, wo munu mawe kɛlɛ wolé miyilinu ’lɛ, yé wo Izraɛl munu kɛlɛ wenyanékɛlɛzannu nya, amalé an bɛ nwa wo ma léé, ’wo nyané ble wolé weple ma. A zo lé Mizan Gakelebale a fe.

Matio 15:6

Amalé ka Kazambale dére kɛlɛ we pla nya gɔnɔlawe lé ka dɔ bɛ, alé we ma.

Matio 15:9

Woo an bɔa é pla, Yé woo gɔnɔlawenu paa munu gi bélé Bale lé bélidɔwenu ɛ ke ’bɛ nya.

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

Bélidɔwesɛbɛ Fiézan 12:30

’ka yuɛ pa kabozen va, kalé wo kulu gale zuo, té ka wo zuosona yé ka vɔ san ’léé lo. Té ka wolé balenu gi laa léé, bɛnnu ’ko, wo ’wozé balenu bɔa kaa? lo. É sɔ ’wo lɛ léé, ’wo ’wozé kɛlɛ a zo. Té ka fe lo.

Jozué 22:28

Ko léma: Dé é kɛlɛ tɛlɛ tɛlama, dé wa fe ’bɛ zo, dé é a ko nyaoo, dé é a ko kulu nyaoo, ko lɛ, ko dan a zi pa lɛ léé: Gakelebale banna lé ko tinu a kɛlɛ, ka yé loo? Wo ’ka a kɛlɛ lɛ balebanwi kyɛblele valé saraka bole we ma lo, naa, wa dɔ kaa méléna tɔmase nya.

1 Piɛri 1:18

Ka a gi dɔɔ léé, é vinin ka tawo ka tranu lé gwɛma tawobɛ gi, naa sin, Bale ka si ’bɛ zuo. É ’ka ka tabo lɛ kyan valé gɔɔlifu lé woo sɛra, ’bɛnu nya lo.