2 Minwiinzannu 13:6 - Kazambale lé Sebe Sauunu 1979

⁶ Naa, Jéroboam lé é Izraɛl kɛlɛ wenyané kɛlɛzannu nya, wo ’ka ’wo yara si lɛ ’bɛ lé munu lé wenyané kɛlɛle ta lo; wo wo kɛlɛ é ziin, yé Asataté miyili a é dɔle Samari.

2 Minwiinzannu 13:6 ပူးပေါင်းရင်းမြစ်များ

1 Minwiinzannu 14:16

Wenyanénu lé Jéroboam a kɛlɛ, é valé wenyané lé é a vɔ Izraɛlnu lee, alé we ma lé Bale é dan daan lɛ Izraɛl ma.

1 Minwiinzannu 15:3

Wenyané faa lé a ti a kɛlɛ é vinin, ébo nɔ ’bɛ faa kɛlɛle lɛ; a bli faa ’ka Gakelebale, alé Bale lɛ, a tra David bli a fɛan zo, a zo lo.

1 Minwiinzannu 16:26

É tawo Nébat be Jéroboam lé tawobɛ faa zo, yé wenyanénu lé Jéroboam Izraɛl kɛlɛ wo kɛlɛzannu nya, ébo nɔ wo kɛlɛle lɛ, ’té woo Gakelebale Izraɛl lé Bale bli flian wolé miyilinu nya.

1 Minwiinzannu 16:33

Akab Gakelebale, Izraɛl lé Bale blifliwe kɛlɛ é mini Izraɛl nwiinzannu faa lé ke a ’lɛ, wozé ta.

2 Minwiinzannu 10:29

naa, Nébat be Jéroboam lé é Izraɛl kɛlɛ wenyanékɛlɛzannu nya, é ’ka nɔla lɛ ’bɛlé wenyanénu ma lo; kyandirinénu lé ke Bétɛl valé Dan, é ’ka daan lɛ wo ma lo.

2 Minwiinzannu 13:11

We lé ke é naané Gakelebale yuɛ gi, yee lé é a kɛlɛ. Wenyanénu lé Nébat be Jéroboam Izraɛl kɛlɛ wo kɛlɛzannu nya, é ’ka é yara si lɛ wo do kpen ta lo, yé ébo nɔ wo lɛ bélé yee zo.

2 Minwiinzannu 13:2

We lé ke é naané Gakelebale yuɛ gi, yee lé é a kɛlɛ. Wenyanénu lé Nébat be Jéroboam Izraɛl kɛlɛ wo kɛlɛzannu nya, yee wenyané duo lé é a kɛlɛ, yé é ’ka é yara si lɛ a ta lo.

2 Minwiinzannu 17:16

Wo Gakelebale, wolé Bale lé bélidɔwenu faa vo, yé wo diriné serele fié kɛlɛ, wo Asataté miyilinu kɛlɛ, wo dia ’wo bli la lagi fɛnu faa ’lɛ, yé wo Baal bɔ.

2 Minwiinzannu 18:4

É gɔ nwiin yobannanu sɛrɛ, yé é miyilinu yéli yé é yo ’wuo ’wii, yé zénéméné lé Moizi a kɛlɛ é ’bɛ yéli télétéléné, naa, Izraɛl lé nénu éé lasikɔrɔ kyɛ blé a lɛ yifaama; wa laama Néusitan.

2 Minwiinzannu 21:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu dɔ; é Asataté miyili kɛlɛ, bélé Izraɛl nwiinzan Akab a kɛlɛ fɛan zo, a zo, yé é dia é bli la lagifɛnu faa ’lɛ, yé é wo bɔ.

2 Minwiinzannu 23:4

Balebanmunu ’lɛzan Ilkija koo, Balebanzannu palu fiézan koo, kɔn ’léé tabinzannu koo, minwiinzan blɛn lé wo lɛ léé, kananu lé wa kɛlɛ Baal koo, Asataté koo, lagifɛnu faa koo, wozé nya, ’wo wo bɔra Gakelebale lé kɔn gi, yé ’wo wo kyɛ ble Jérusalɛm gini ma, Sédrɔn féinu ta, yé ’wo go wo yee nya Bétɛl.

Ézai 26:10

Dé wo zin kɛlɛ mi naané lɛ, é ’ka we tegele dɔɔa a gi lo, É ébo no wenaané lɛ we drɔle kɛlɛtɛrɛ la, Yé Bale kɛlɛle blɛn ’ka a yuɛ gi bɔa lo.

Bélidɔwesɛbɛ Fiézan 7:5

We lé ka dan a kɛlɛ lɛ wo vazia, yee lé ke ’ko: ka dan wolé yobannanu zana lɛ a gi, ka dan wolé yowɔlɛnu sɛrɛ lɛ, ka dan wolé miyilinu yéli lɛ, yé ka dan wolé yonu kyɛ ble lɛ.