2 Minwiinzannu 11:19 - Kazambale lé Sebe Sauunu 1979

¹⁹ Mi yɔ soru soru nwiinzannu koo, Kérétimunu valé vlanburuzannu koo, ana tɛrɛlamunu faa koo, é go wo nya ’é va, yé wo minwiinzan blɛn si Gakelebale lé kɔn gi yé wo go a nya minwiinzan blɛn lé kɔn gi, vlanburuzannu lé kɔn ’léé zi ta. Yé Joas nyana minwiinzan blɛn lé webleblin ta.

2 Minwiinzannu 11:19 ပူးပေါင်းရင်းမြစ်များ

Wepélisiananu 37:36

Madian munu Jozɛfu dan Potifaa lee, Éjipiti tɛrɛ la. Potifaa a Faraɔn bɛgizan nya, gaadénu nwiinzan nya.

1 Minwiinzannu 1:13

’I go, ’i wɔra minwiinzan David va, yé bé fe a lɛ léé: Oo anzan minwiinzan, i ’ka bale ’nyɔɔn lɛ i wuo le lɛ léé, i be Salomɔn ɛ dan pla lɛ munu nwiin é pa gi yé é dan nyana lɛ ’élé webleblin ta, loo? Mɛmalé Adonija a é plale munu nwiin?

1 Minwiinzannu 14:27

Roboam mibotakuunfɛnu kɛlɛ zéné nya wo pa gi, yé é wo bɛ pa vlanburuzannu nwiinzannu lé woo yuɛ paan minwiinzan lé kɔn ’léé ta, wo lee.

Minwiinzannu lé Wezuofe Sɛbɛ 29:23

Salomɔn nyana minwiinzan blɛn nya Gakelebale lé webleblin ta, ’é ti David pa gi. Alé we faa vɔ a ma, yé Izraɛlnu faa a lɛdɔama.

2 Minwiinmunu lé Wezuofe Sɛbɛ 23:19

É kɔn ’léé tabinzannu dɔ Gakelebale lé kɔn ’léénu na, léé, dé weowean bɔ mi ma yé é ’ka tegele lo, té ’bɛzan é wɔra ana lo.

2 Minwiinmunu lé Wezuofe Sɛbɛ 23:20

Mi yɔ soru soru nwiinzannu koo, tɔzannu koo, munu lé woo plaan munu nwiin koo, ana tɛrɛlamunu faa koo, é go wo nya ’é va, yé wo minwiinzan blɛn si Gakelebale lé kɔn gi gɔrɔ ’léé lé é ke loru, ana zia. Yé wo minwiinzan blɛn nyana webleblin ta.

2 Minwiinmunu lé Wezuofe Sɛbɛ 23:5

palu do é dan dɔ lɛ minwiinzan blɛn lé kɔn gi, yé a palu do é dan dɔ lɛ Jézɔd lé kɔn ’léé. Munu faa é dan kɛlɛ lɛ Gakelebale lé kɔn gɔrɔ gi.

Jérémi 17:25

’té minwiinzan blɛnnu valé mi blɛnblɛnnu éé dan nyana lɛ David lé webleblin ta. Wo dan wɔra lɛ fla ’ko gɔrɔ gi, ’té wa é vɔle goronu gi valé wisoonu ta; wo koo, wo nwiinzannu koo, Juda munu koo, Jérusalɛm munu koo, woo lé, yé munu é dan kɛlɛ lɛ fla ’ko ta lɛɛfaama.

Jérémi 22:4

Naa, dé ka we kɛlɛ dére ’ko yɛrama, minwiinzan blɛnnu lé woo nyanaan David lé webleblin ta, wo dan wɔra lɛ kɔn ’ko ’léénu na, ’té wo ke é vɔle goronu gi valé wisoonu ta, wo koo, wo wuozannu koo, wolé munu koo, woo lé.

Matio 19:28

Jézu lé wo lɛ léé: Maa lé ka lɛ webozen nya léé, a bléyi é dan bɔ lɛ yé ’wo fɛnu faa kɛlɛ é dɛrɛ; dé ’bɛ bléyi bɔ, dé maa, blami Be nyana anlé webleblin tɔbɔle ta, ka lé ka da an zuo, ka dan nyana lɛ webleblin vu ta fié ta, yé ka dan Izraɛl bɛn vu ta fié lé we ble lɛ.

Matio 25:31

Dé maa blami Be da anlé fua ta gɔɔnle nya anlé lanjenu faa nya an va, an dan nyana lɛ anlé webleblin tɔbɔle ta.