2 Minwiinzannu 11:18 - Kazambale lé Sebe Sauunu 1979

¹⁸ Ana tɛrɛlamunu faa wɔra Baal lé kɔn gi, yé wa sɛrɛ; wo a bannanu valé alé miyilinu ’wii yé wo Baalbanzan Matan gyɛ é banna ’lɛ. Balebanzan Jéojada Gakelebale lé kɔn tabinzannu dɔ.

2 Minwiinzannu 11:18 ပူးပေါင်းရင်းမြစ်များ

1 Minwiinzannu 18:40

Éli lé wo lɛ léé: ’Ka Baal lé balelayezannu kun. Té wo va mi do kpen é so a ta lo. Yé wo wo kun. Éli zun wo nya Kizɔn yuubɛ gɔɔn ma yé é wo bɔrɔ bo ’bɛna.

2 Minwiinzannu 10:21

É munu nwunvɔ Izraɛl tɛrɛ faa la; yé Baal wuozannu faa da, a do kpen ’ka vo lɛ zi zuo lo, yé wo faa wɔra Baal lé kɔn gi, yé munu faa Baal lé kɔn fan.

2 Minwiinzannu 10:25

É nyaa winu kyɛblele nya aan wo, Jéu lé vlanburuzannu valé sunyanu nwiinzannu lɛ léé: ’Ka wɔra, ’ka wo gyɛ, té a do kpen é bɔra lo. Yé wo wo gyɛ gwɔun nya. Vlanburuzannu valé sunyanu nwiinzannu go wo gyɛle nya yé wo bɔ Baal lé kɔn wɔlɛ ma.

2 Minwiinzannu 10:26

Wo go Baal lé kɔn looné gi yé wo miyilinu bɔra béera yé wo wo kyɛ ble.

2 Minwiinzannu 10:27

Wo Baal miyili yara bua yé wo Baal lé kɔn guru zana a gi yé wa kɛlɛ wobogikɔn nya, yé é vo ana fɔɔ kyɔ.

2 Minwiinzannu 18:4

É gɔ nwiin yobannanu sɛrɛ, yé é miyilinu yéli yé é yo ’wuo ’wii, yé zénéméné lé Moizi a kɛlɛ é ’bɛ yéli télétéléné, naa, Izraɛl lé nénu éé lasikɔrɔ kyɛ blé a lɛ yifaama; wa laama Néusitan.

2 Minwiinzannu 23:10

Tofɛt lé ke Inom kulunu lé gɔ méléna, minwiinzan blɛn a sɛrɛ, léé, dé mi be léé, ɛɛ, dé a lu léé, té ’wo wo kyɛ ble Mɔlɔk lɛ é dɛrɛ lo.

2 Minwiinzannu 23:14

Jozias miyilinu yéli yé é yo’wuo ’wii, yé fɛana lé wo ke, é ana fan miwɔlɛnu nya.

2 Minwiinzannu 23:20

Gɔ nwiin yobannanu lé ke bɛ, é wolé balebanzannu gyɛ yobannanu ta, yé é mi wɔlɛnu kyɛ ble wo ta. ’Bɛ zuo é go Jérusalɛm é pa gi.

2 Minwiinmunu lé Wezuofe Sɛbɛ 21:17

Wo nwa Judanu ma, wo guli dan wo va wolé tɛrɛ la; wo ’wii mi nwiinzan blɛn lé kɔngifua ta, yé wa benu valé a nanu sia yé wo go wo nya. A be vo ana do kpen, a be voélazan nya; a tɔ lé Joakaz.

2 Minwiinmunu lé Wezuofe Sɛbɛ 34:4

Wo Baal bannanu zana a gi a yuɛ va, yé yofotonu lé ke yiri zé nya, ’té wa dɔ yee Baal banna ta loru, é wo zana a gi; miyilinu koo, fɛfotonu koo, fɛfoto serelenu koo, é wo wii yé é wo pun bo. Yé é a pun nwɛɛn munu lé woo wo baan, wo vunnu ta.

2 Minwiinmunu lé Wezuofe Sɛbɛ 34:7

É yobannanu zana a gi; é miyilinu valé fɛfotonu wii yé é wo pun bo, yé yofotonu lé ke yiri zé nya, é wo ’wii Izraɛl tɛrɛ faa la. ’Bɛ zuo yé é go é pa gi Jérusalɛm.

Fwile 32:20

Diriné lé wa kɛlɛ, Moizi a si yé é a kyɛ ble; é a pun bo, yé é a pun ’ko nwɛɛn ’yi yuɛ la, yé é a nɔ Izraɛl lé nénu lɛ léé, ’wa mini.

Ézai 2:18

Miyilinu faa ta é dan saan lɛ.

Bélidɔwesɛbɛ Fiézan 12:2

Bɛnnu lé ka dan wo bin lɛ bɛ, fɛ faa lé woo ’wolé balenu bɔa ana, ’ka wona sɛrɛ; dé wa gɔ grɔgrɔ nwiin‐oo, dé wa gɔpanénu nwiin‐oo, dé wa yilinu wuooo, ’ka wo sɛrɛ.

Bélidɔwesɛbɛ Fiézan 12:3

Ka dan wolé yobannanu zana lɛ a gi, ’ka wolé yowɔlɛnu sɛrɛ, ’ka wolé miyilinu kyɛ ble, ’ka wolé yoyilinu yéli, yé ’ka wo tɔnu si fɛkonanu ma.

Bélidɔwesɛbɛ Fiézan 13:10

’ka gɔlɛ vuli a va yé é ga, é a kwa kulina léé, ’é ka si Gakelebale, kalé Bale lé é ka si luu gi Éjipiti tɛrɛ la, a zuo, ’bɛzama.

Bélidɔwesɛbɛ Fiézan 13:5

Ka ’bɛ balelayezan valé ’bɛ nyɛgyɛzan gyɛ, naa, é a ka nwana Gakelebale, kalé Bale lé é ka si luu gi Éjipiti tɛrɛ la, a ma, yé zi lé Gakelebale, kalé Bale a gɔɔn ka lɛ, é a a va léé, ’é ka si ’bɛ zi ta. ’Ka a gyɛ yé ’bɛ zo lé wenaané si ka méléna.

Bélidɔwesɛbɛ Fiézan 13:6

Dé i bu lé négɔné léé, dé i be léé, dé i lu léé, i na lé ka yiaan a nya saa do la, dé ’bɛ léé, i béé lé é sɔ i lɛ bélé ibozen zo, dé ’bɛ léé, dé wo va mi do da kyeen gi yé é lé i lɛ léé, kaa go, kaa bale bɛ bɔ, dé é a bale lé bii valé i tinu ’ka a dɔɔa é kyɛn lo, a nya,

Bélidɔwesɛbɛ Fiézan 13:9

’Bé gyɛ; bii ɛ i bɛ nwa é vinin a gyɛle we gi, yé ’bɛ zuo munu faa é pa i va;