2 Minwiinzannu 11:17 - Kazambale lé Sebe Sauunu 1979

¹⁷ Gakelebale koo, minwiinzan blɛn koo, munu koo, Jéojada wo gi pa do; gi pale do lé éé munu kɛla Gakelebale lé munu nya, yee lé; yé é minwiinzan blɛn valé munu gi pa do é ziin.

2 Minwiinzannu 11:17 ပူးပေါင်းရင်းမြစ်များ

2 Samuɛl 5:3

’Bɛ zo lé Izraɛl mi segelenu faa da minwiinzan va Ébrɔn yé minwiinzan David é gi pa do wo va Ébrɔn, Gakelebale yara. Wo nyɔnɔ zén David nwiin, a kɛlɛle Izraɛl nwiinzan blɛn nya we ma.

2 Minwiinzannu 11:4

A lɛɛ sɔrafiézan nya, Jéojada mi nwunvɔ Kérétimunu lé mi yɔ soru soru nwiinzannu valé vlanburuzannu laana léé, ’wo da ’é va Gakelebale lé kɔn gi. É gi pa do wo va yé é léé, ’wo Bale ’nyɔɔn ’é lɛ Gakelebale lé kɔn gi, yé é minwiinzan blɛn be gɔɔn wo lɛ.

2 Minwiinzannu 23:3

Minwiinzan blɛn dɔ kpala ta, yé é dɔ Gakelebale dére ta yé é léé, ’é dan tawo lɛ Gakelebale zuo, a déretawenu koo, alé weplalenu koo, alé bélidɔwe koo, ’é dan a kɛlɛ lɛ é bli valé é léli faa nya, yé gipawe dérenu lé wa gyɛ sɛbɛ ’ko gi, ’é dan wo ta tawo lɛ. Yé munu faa dɔ a ta é ziin.

Minwiinzannu lé Wezuofe Sɛbɛ 11:3

’Bɛ zo lé Izraɛl lé mi segelenu faa da minwiinzan va Ébrɔn, yé David é gi pa do wo va Ébrɔn, Gakelebale yuɛ va. Wo nyɔnɔ zén David nwiin a kɛlɛle Izraɛl nwiinzan nya we ma, Gakelebale dére lé Samuɛl a fe, a yɛrama.

2 Minwiinmunu lé Wezuofe Sɛbɛ 23:16

Munu faa koo, minwiinzan blɛn koo, Jéojada wo gi pa do; gipale do lé éé munu kɛla Gakelebale lé munu nya, yee lé.

2 Minwiinmunu lé Wezuofe Sɛbɛ 29:10

Bɛwemalé, é a an gi léé, maa gi kɛlɛ do Gakelebale, Izraɛl lé Bale va, léé, alé bliflile plɛplɛ ’é si ko ma.

2 Minwiinmunu lé Wezuofe Sɛbɛ 34:31

Minwiinzan blɛn dɔ élé kpala ta, yé é gi pa Gakelebale va, yé é léé, ’é dan tawo lɛ Gakelebale zuo, yé alé bélidɔwenu koo, a déretawenu koo, a sɔnnénu koo, ’é dan a kɛlɛ lɛ ’é bli valé ’éboen faa nya, gipadérenu lé wa gyɛ sɛbɛ ’ko gi, tawole wo ta we gi.

Ezidras 10:3

Sin, ko gi paan do Bale va ma, yé lomu ’konu faa valé wolé nénu, ko wo paan zia, anzan valé munu lé wo ma éé nyɔɔn‐an kolé Bale lé bélidɔwenu ma, wolé wepaale yɛrama. Yé ’wo we kɛlɛ Bale lé bélidɔwe yɛrama.

Néémi 9:38

We ’konu faa lé we ma lé ko gi pa do yé ko a gyɛ sɛbɛ ta, yé ko nwiinzannu koo, kolé Lévinu koo, kolé Balebanmunu koo, wo ’wozé tɔmase kɛlɛ zɔrɔkaanyɔɔ ta.

Jérémi 34:8

Minwiinzan blɛn Sédésias dére pale Jérusalɛm munu va do zuo, Gakelebale we fe Jérémi lɛ. Dére lé wa pa do, yee lé ke léé, ’wa zana dɔɔ léé, munu faa ’é vo wobo ma.

2 Korɛnt Munu 8:5

Fɛ lé ko bli a wo lɛ léé, wo dan a nɔ lɛ, wa gié ’bɛ la, naa, wo ’wobozen nɔ Mizan lɛ é vinin, yé ’bɛ zuo wo ’wobozen nɔ ko lɛ, Kazambale lé blibɔmawe yɛrama.

Jozué 24:25

Yi ko nya Jozué gipawe kɛlɛ munu va yé é bélidɔwe pun valé bélidɔwe sɔnnénu nɔ wo lɛ Sisɛm.

1 Samuɛl 10:25

Yé a se a minwiinzan blɛn lɛ fɛan zo, Samuɛl a gɔɔn munu lɛ. É a gyɛ sɛbɛ la yé é a pla Gakelebale ’lɛ. ’Bɛ zuo é munu pa zia wolé kɔn ’léé do do.