2 Minwiinzannu 11:12 - Kazambale lé Sebe Sauunu 1979

¹² Balebanzan da minwiinzan blɛn be nya, yé é tɔkoro wo a ’wuo ma yé é bélidɔwe pa a lee. Wa dɔ minwiinzan blɛn nya yé wo nyɔnɔ zén a nwiin yé wo ’wo bɛ gyɛ yé wo siaa plɛplɛ léé: Minwiinzan blɛn ’é vo é yuɛma!

2 Minwiinzannu 11:12 ပူးပေါင်းရင်းမြစ်များ

2 Samuɛl 1:10

Maa bié yé maa a gyɛ, naa, maa gi dɔɔ é zima léé, é tuo blɛn yé é ’ka bɔa bélile lɛ é dɛrɛ lo. Kyankoro lé ke a ’wuo ma, é valé bɛmazéné lé ke a bɛ ma, maa wo si yé an da wo nya ’ko anzan lɛ.

2 Samuɛl 12:30

É kyankoro si ana minwiinzan nwiin; a bɛn a kyan talan do nya yé a ma a é ’lɛrɛle gɔlɛwezannu nya. Wa wo David ’wuo ma yé é gulizarafɛnu kiɛre kiɛre si fla ’ko la.

2 Samuɛl 16:16

David béé, Aaki mi Usai bɔ Abusalɔm va aan wo, é lé a lɛ léé: Minwiinzan ’é vo é yuɛma ma! Minwiinzan ’é vo é yuɛma ma!

2 Samuɛl 2:4

Judamunu da yé wo nyɔnɔ zén David nwiin ’bɛna, a kɛlɛle Juda munu nwiinzan blɛn nya we gi. Wo lé David lé léé: Galaad tɛrɛ la Jabɛs munu ɛ Saul pa.

2 Samuɛl 2:7

’Ka bɛ dɔ plɛplɛ ma, yé ’ka kɛlɛ nyanazannu nya ma; naa, kazan Saul ga yé Juda munu nyɔnɔ zén an nwiin léé, ’an kɛlɛ wo nwiinzan blɛn nya.

2 Samuɛl 5:3

’Bɛ zo lé Izraɛl mi segelenu faa da minwiinzan va Ébrɔn yé minwiinzan David é gi pa do wo va Ébrɔn, Gakelebale yara. Wo nyɔnɔ zén David nwiin, a kɛlɛle Izraɛl nwiinzan blɛn nya we ma.

1 Minwiinzannu 1:25

Naa, é go kyɔ yé dirigɔnénu koo, diriné bualenu koo, ’blanu koo, é wo gyɛ kiɛre; minwiinzan benu koo, sunyanu nwiinzannu koo, Balebanzan Abiataa koo, é wo laa. Yé bé ye, wa fɛblena ’té woo fɛ minian a ’lɛ yé wo léé: Minwiinzan Adonija ’é vo é yuɛma ma!

1 Minwiinzannu 1:34

’Bɛna lé Balebanzan Sadɔk valé balelayezan Natan é dan nyɔnɔ zén lɛ a nwiin a kɛlɛle Izraɛlnu nwiinzan nya we gi. Ka dan béli fɛn lɛ, yé ka dan a fe lɛ léé: Minwiinzan Salomɔn ’é vo é yuɛma ma!

1 Minwiinzannu 1:39

Wibéli lé nyɔnɔ ke a gi, Balebanzan Sadɔk a si sɔkɔn gi yé é a zén Salomɔn nwiin. Wo béli fɛn, yé munu faa léé: Minwiinzan Salomɔn ’é vo é yuɛma ma!

1 Minwiinzannu 2:44

Yé minwiinzan lé Siméi lɛ léé: Wenyané faa lé bé kɛlɛ an ti David lɛ, bé gi dɔɔ i bli gi; Gakelebale ’é ilé weple dɔ i nwiin ma.

2 Minwiinzannu 11:11

Vlanburumunu minwiinzan zi lɛ sɔɔ gulidanfɛnu nya wo lee, yé wo dɔ kɔn ’léé é bale nya, é sia bɛyila yé é zun bɛbola, balebanna valé kɔn méléna.

2 Minwiinzannu 11:2

Naa, Akazia buru, minwiinzan Joram lu Joséba, é Akazia be Joas si kyeen gi, minwiinzan benu lé wo wo gyɛ, wo méléna; yé é a nɔ é pazan lɛ yé wo yɔɔ yialafɛ tadɔkɔn gi. ’Bɛ zo léé, wa yɔɔ Ataali lee, yé wo ’ka a gyɛ lɛ lo.

2 Minwiinzannu 11:4

A lɛɛ sɔrafiézan nya, Jéojada mi nwunvɔ Kérétimunu lé mi yɔ soru soru nwiinzannu valé vlanburuzannu laana léé, ’wo da ’é va Gakelebale lé kɔn gi. É gi pa do wo va yé é léé, ’wo Bale ’nyɔɔn ’é lɛ Gakelebale lé kɔn gi, yé é minwiinzan blɛn be gɔɔn wo lɛ.

2 Minwiinzannu 9:13

Tɔɔn wo ’wolé sɔnu si yé wo wo fwila fɛ do ta loru yé wo Jéu dɔ a ta; wo béli fɛn yé wo léé: Jéu a minwiinzan blɛn nya!

2 Minwiinzannu 9:3

’I nyɔnɔ kuo kiéné si, yé bé zén a nwiin yé bé fe léé: Gakelebale léma: Maa nyɔnɔ zén i nwiin léé, i kɛlɛ Izraɛl minwiinzan blɛn nya. ’Bɛ zuo ’i kɔn lɛ so yé ’i vlan buru, té i dɔ lo.

2 Minwiinmunu lé Wezuofe Sɛbɛ 23:11

Wo da minwiinzan blɛn be nya. Wo kyankoro wo a ’wuo ma, yé wo bélidɔwe sɛbɛ nɔ a lɛ, yé wa dɔ minwiinzan blɛn nya. Yé Jéojada valé é benu nyɔnɔ zén a nwiin yé wo léé: Minwiinzan blɛn ’é vo é yuɛma ma.

Esitɛɛ 2:17

Esitɛɛ sɔ minwiinzan blɛn lɛ yé é gié lomu bɛnu faa ta. Yé é kɛlɛ a yuɛ gi é zin, yé a bli kɛlɛ a ma é zin yé é mini blɛn bɛnu faa ta. É tɔkoro wo a ’wuo ma yé é a kɛlɛ minwiin le nya Vasiti pa gi.

Esitɛɛ 6:8

é a lé ’wo minwiinzan blɛn tasɔ si do, yé wisoo lé minwiinzan blɛn éé vɔa a ta, ’té tɔkoro ke a ’wuo ma bɛ, wa si,

Lɛrɛvɔ Sɛbɛ 132:18

Maa dan a nyanézannu gyɛ lɛ yara nya, Naa, alé tɔkoro é dan bi lɛ a ’wuo ma.

Lɛrɛvɔ Sɛbɛ 21:3

I a blibɔmafɛ nɔ a lɛ, Yé fɛan é a ma laa i lee é lɔlu nya, i ’ka a nyané kɛlɛ lɛ a lɛ lo. Ka ye do.

Lɛrɛvɔ Sɛbɛ 21:4

Naa, i da ilé zin drɔɔvolenu nya a lɛ, I kyan tegele wo a ’wuo ma tɔkoro nya.

Lɛrɛvɔ Sɛbɛ 47:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. Lɛrɛ do lé.

Lɛrɛvɔ Sɛbɛ 78:5

É Jakɔb dɔ élé wenayezan nya, É bélidɔwe bɛ pa Izraɛl munu lee, Yé é a fe ko tranu lɛ léé, ’wa paa ’wolé nénu gi,

Lɛrɛvɔ Sɛbɛ 89:39

Yé duowo, mi lé i nyɔnɔ zén a ta, i sɔn vɔ a ma, i a nyunu, I bli fli a ma.

Lɛrɛvɔ Sɛbɛ 98:8

Yuunu ’wo bɛ gyɛ ma, Gɔblɛnnu faa ’é siaa ginanale nya

Fwile 25:16

Wenayefɛ lé maa dan a nɔ lɛ i lɛ, i dan a pa lɛ kyankɛsu gi.

Fwile 31:18

Gakelebale nyaa aan wo wefele nya Moizi lɛ Sinai gɔ nwiin, é wenayefɛ fié nɔ a lɛ, gɔlɛfén nya, ’té Kazambale sɛbɛ gyɛ wo ta ’é bɛnwɔlɛ nya.

Ézai 55:12

Iin, ka dan bɔra lɛ ginanale nya, Yé maa dan go lɛ ka nya drɔɔ; Gɔblɛnnu valé gɔpanénu é dan fan lɛ ginanale nya ka ’lɛ, Yé féi yilinu faa é dan wo bɛ gyɛ lɛ.

Ézai 8:16

’I gɔlɛfee ’ko pa fɛ gi; ’i wegɔɔnle ’ko paa an zuomunu gi.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

Jérémi Lé Wuvɔ Sɛbɛ 4:20

Mi lé Gakelebale nyɔnɔ zén a nwiin, a pli zi lé ko voo é yuɛma, É vɔ wolé séli gi, Mi lé alé we ma lé ko fé léé: Ko voo é yuɛma a furɔ wuo bɛnnu méléna, yee lé.

Daniɛl 3:9

Wo we fe minwiinzan blɛn Nébukanɛsaa lɛ yé wo léé: Minwiinzan blɛn, ’i vo é yuɛma lɛɛfaama, té ’bɛ glɛ é dɔ lo.

Daniɛl 6:21

Yé Daniɛl lé minwiinzan blɛn lɛ léé: Minwiinzan blɛn, ’i vo é yuɛma lɛɛfaama, té a glɛ é dɔ lo.

Matio 21:9

Mi gunu lé wo ke tawona Jézu ’lɛ, é valé munu lé wo ke tawona a zuo, wo siaa léé: David Be, ozana! Mi lé é da Mizambale tɔ gi, a drɔɔ ’é vo ma. Lai loru munu, ’ka siaa mi, ozana!

Matio 27:29

Wo lélinu vuru ékema yé wa wo a ’wuo ma alé tɔkoro nya, yé wo gyan do pa a bɛyi lee yé wo powuo zun a ’lɛ, yé wa ma we nana a fele nya léé: Juifinu nwiinzan blɛn, i nyɔn‐o.

Kelewenu 4:27

Wezen lé, Érɔd koo, Pɔns Pilat koo, bɛnnu koo, Izraɛl munu koo, wo faa ’wo péli vɔ do fla ’ko la i wuozan sauun Jézu ma, ’té bii nyɔnɔ zén a nwiin bɛ, a ma,

2 Korɛnt Munu 1:21

Yé mian é ko dɔ gligli ka va Krist gi, yé é nyɔnɔ zén ko nwiin, Kazambale lé,

Ébrunu 1:9

Bale, we tegele sɔ i lɛ, yé weple za a i gi, Amalé ilé Bale gi nanale lé nyɔnɔ zén i nwiin Yé é gié i yɛramamunu zé ta.

Ébrunu 2:9

Fɛ lé ko yé, yee lé ke Jézu nya. Jézu kɛlɛ kiéné é mini lanjenu ta bléyi sɛ nya, yé sin ko a yé, ’té fuasan valé tɔbɔle a a lee, plale mi nwiin tɔmase nya, ga lé é a wo, a we ma. Kazambale lé zin nya lé é mi faa gi ga wo.

Wegɔɔnle 19:12

A yuɛnu a bélé kyɛnɛnɛ zo; tɔkoro kiɛre a a ’wuo ma; yé wa tɔ gyɛ, tɔ lé dé é ’ka yeebozen nya lo, mi do kpen ’ka a dɔɔa lo, a nya.

1 Samuɛl 10:1

Samuɛl nyɔnɔ kuoné si yé é a zén Saul nwiin. É pwɛpwɛ vɔ a ma yé é léé: Gakelebale ’ka nyɔnɔ zén lɛ i nwiin i plale alé munu nwiin we ma loo?

1 Samuɛl 10:24

Samuɛl lé munu faa lɛ léé: Mi lé Gakelebale a si a va, ka yee? A bɔmazan ’ka munu faa méléna lo. Yé munu faa siaa léé: Ko nwiinzan blɛn ’é vo é yuɛma ma!

1 Samuɛl 16:13

Wibéli lé nyɔnɔ ke a gi, Samuɛl a si, yé é nyɔnɔ zén a nwiin a bwenu yuɛ va. É sia yi ’ko ma, Gakelebale Léli éé David kunwo yifaama. Samuɛl nwa yé é go Rama.