2 Minwiinzannu 10:31 - Kazambale lé Sebe Sauunu 1979

³¹ Naa, Jéu ’ka tawo lɛ Gakelebale, Izraɛl lé Bale, lé bélidɔwe ta é bli faa nya lo; wenyanénu lé Jéroboam Izraɛl kɛlɛ wo kɛlɛzannu nya, é ’ka daan lɛ wo kɛlɛle ma lo.

2 Minwiinzannu 10:31 ပူးပေါင်းရင်းမြစ်များ

1 Minwiinzannu 14:16

Wenyanénu lé Jéroboam a kɛlɛ, é valé wenyané lé é a vɔ Izraɛlnu lee, alé we ma lé Bale é dan daan lɛ Izraɛl ma.

1 Minwiinzannu 2:4

yé we lé Gakelebale a fe an lɛ, yé a lɛ é sɔɔ. Gakelebale lé an lɛ léma: Dé i benu ’wo yuɛ pa ’wolé tawobɛ va, dé wo tawo an ’lɛ yarapalale koo, wo bli faa koo, wo léli faa koo, wo nya, i ’ka dan vuru lɛ i paizan nyanale ma Izraɛl lé webleblin ta monomono lo.

2 Minwiinzannu 10:29

naa, Nébat be Jéroboam lé é Izraɛl kɛlɛ wenyanékɛlɛzannu nya, é ’ka nɔla lɛ ’bɛlé wenyanénu ma lo; kyandirinénu lé ke Bétɛl valé Dan, é ’ka daan lɛ wo ma lo.

2 Minwiinzannu 17:22

Wenyanénu faa lé Jéroboam a kɛlɛ, Izraɛl munu wobo nɔ a faa kɛlɛle lɛ; wo ’ka ’wo yara si lɛ wo ta lo,

2 Minwiinzannu 3:3

naa, ébo nɔ Nébat be Jéroboam lé é Izraɛl kɛlɛ wenyanékɛlɛzannu nya, alé wenyané kɛlɛle lɛ, yé é ’ka daan lɛ a ma lo.

2 Minwiinmunu lé Wezuofe Sɛbɛ 6:16

Sin, Gakelebale, Izraɛl lé Bale, blivolɛderé lé bé fe an ti David lɛ, ’bé tawe kɛlɛ ma. I lé a lɛ léé, é ’ka dan vuru lɛ é paizan nyanale ma Izraɛl nwiinzan blɛn lé webleblin ta ’é ’lɛ lo, ’té dé a benu é yuɛ pa wo giégane va yé wo tawo ’é ’lɛ ’élé bélidɔwe yɛrama, éé tawoo ’é ’lɛ bɛan zo, a zo. A zo lé bé fe.

Néémi 10:29

wo zén wo bwenu lé wo ke tɔzannu nya, wo va. Wo bale ’nyɔɔn léé, wo dan dɔ lɛ bélidɔwe lé Bale wuozan Moizi a fe, a ta; yé Kozan Gakelebale lé bélidɔwe sɔnnénu faa koo, a déretawenu koo, alé bélidɔwenu koo, wo dan wo ta tawo lɛ yé wo dan wo lɛdɔ lɛ a ma.

Lɛrɛvɔ Sɛbɛ 119:9

Pɛniɛ a kɛla ka yé alé tawobɛ é kɛlɛ tegelee? ’É tawo i dére yɛrama ma.

Lɛrɛvɔ Sɛbɛ 39:1

David lɛrɛ ’ko vɔle gɔɔn lɛrɛvɔzannu zilɛzan Jédutun lɛ. David a vɔ.

Lɛrɛvɔ Sɛbɛ 78:10

Wo ’ka Bale lé gipawe tawe kɛlɛ lɛ lo, Yé wo sɔn vɔ alé bélidɔwe ta tawole ma.

Wegɔnévɔlenu 4:23

’I yuɛ pa i bli va é mini fɛ bɛ faa ta; bélile ’wuo si ana, bɛwema.

Ézékiɛl 36:27

Maa dan an léli nyana lɛ ka gi, yé maa dan a kɛlɛ lɛ léé, ka an déretawenu kɛlɛ, yé ka anlé bélidɔwenu lɛdɔma yé ka wo ta tawo.

Daniɛl 9:10

Ko ’ka ko tɔné dɔ lɛ Gakelebale kolé Bale dére lɛ lo; bélidɔwenu lé é a nɔ ko lɛ a wuozannu balelayezannu lɔlu nya, ko wo sɛrɛ.

Bélidɔwesɛbɛ Fiézan 4:15

Yian nya lé Gakelebale we fe ka lɛ kyɛ worona Orɛb gɔ nwiin, ka mi yara yee? Amalé ’ka yuɛ pa kabozennu va é zima,

Bélidɔwesɛbɛ Fiézan 4:23

’Ka yuɛ pa kabo va, gipawe lé Gakelebale, kalé Bale a kɛlɛ ka va, té é saan ka gi lo; miyili valé fɛ foto lé Gakelebale, kalé Bale a kɛlɛle yi ga ka lee, té ka wo kɛlɛ lo.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

Ébrunu 2:1

Bɛwemalé, wenu lé kaa wo ’ma, é a lé kaa wo kɛlɛ kaa bli faa nya, dé wo da saan kaa gi.